Author Archives: Manewales

About Manewales

Ek is 'n ma van 3 woelige spruite wat graag al hul manewales met julle deel. Hulle bring elke dag 'n tikkie sonskyn in my lewe. Kom volg gerus ons avonture op die tuisonderwys pad. Laai gerus van my gratis drukstukke af vir persoonlik gebruik. Of loer in op die produkte blad na wat ek alles smous.

Leeslys van ‘n 12-jarige dogter

My 12 jarige het weer laas jaar ‘n storm los gelees. Natuurlik was daar volgens haar nie genoeg tyd vir lees nie. Terwyl ek reken sy kon beslis ‘n bietjie minder gelees het, maar daar is nie regtig salf te smeer aan boekwurms nie.

Sy het 81 Afrikaanse boeke gelees en haar gunsteling 3 was Armand die skipbreukeling deur Nickey van Schalkwyk, Sonoog deur Rudolf Erasmus en T’sats van die Kalahari deur Willem D. Kotzé

In Engels het sy 137 boeke gelees en haar gunsteling 3 was Hatchet deur Gary Paulsen, Gaslight Geezers: A Welkon Weasels Adventure deur Garry Kilworth en Dot.Robot: CLICK_HERETOELIMINATE/AND/DESTROY deur Jason Bradburt. Island of the Blue Dolphins deur Scott O’Dell het ook weer haar leeslys gehaal vir die soveelste jaar in ‘n ry.

Hier is die boeke wat sy gelees het:
In Afrikaans:

  1. Agon en die donker planeet – John Coetzee
  2. Drie loop saam – Kowie Rossouw
  3. Die Voelhok – Marilee McCallaghen
  4. Grobelaartjie van Velskoendorp – Oskar Prozesky
  5. Sonja Serfontein en die Groot Kaas – Saskia Kuschke
  6. Stalmaats 4: Die Spokperd – Lize Roux
  7. Stalmaats 5: Die Beroemde Ruiter – Lize Roux
  8. Stalmaats 7: Seeponies – Lize Roux
  9. ‘n Perd soos Prins Panga – C.S. Badenhorst
  10. Onheil vir die Meermin – Japie Coetzee
  11. Hy Lag oor die Vrees – Cornelia Kruger
  12. Die Geheim van die Santa Lucia – Nicolai von Michalewsky
  13. ‘n Seun en ‘n Kano – C.S. Badenhorst
  14. Die Buiter hou Wag – Gerrie Radlof
  15. Twee Strandlopers – Jan Rabie
  16. Reindert Rympies en die Geheim van die Vet Kat – Bill Apablasa
  17. Die Bangbroek – C.S. Badenhorst
  18. Stalmaats 6: Komaan, Karen! – Lize Roux
  19. Stalmaats 8: Roset – Lize Roux
  20. Die prinshond – CS Badenhorst
  21. Die geleende jaar – CS Badenhorst
  22. Lourierkrans vir ‘n wenner – CS Badenhorst
  23. Lewenslange gevangene – CS Badenhorst
  24. Armand die skipbreukeling – Nickey van Schalkwyk
  25. Die geheim van die toringkamer – Marianna Brandt
  26. Pronkhings van Leliedal – Emily Pieterse
  27. Die Swart Stier – Marcelle Verte
  28. Op die Rand – Cillian Cross
  29. Brandkloof se kinders – Rona Rupert
  30. Bontjie – Julia Cunningham
  31. Wannie van die Woonstel – Annie M.G. Schmidt
  32. Ben en houtskool – Ivy Baker
  33. Marlien en die seun met die mus – Birgitta Bergman
  34. Wat Geld nie kan Koop nie – C.S. Badenhorst
  35. Tjarie kom huis toe – Engela Van Rooyen
  36. Cato van Brandkloof – Rona Rupert
  37. Die GSR – Roald Dahl
  38. Ottie – Annie MG Schmidt
  39. Rugbystewels van glas – C.S. Badenhorst
  40. Gesie in Villa Musica – Engela van Rooien
  41. Die Ou Fort – E.H. Hoekstra
  42. Bevrore Vuur – James Houston
  43. Ouma is ‘n Kroek – David Walliams
  44. Stalmaats 9: Vrye Teuels – Lize Roux
  45. Stalmaats 10: Gevaar op Dagbreek – Lize Roux
  46. Die blou Tartare: Die Renperd – H.S. van Blerk
  47. Die Edelvalk – H.S. van Blerk
  48. Sakman Staan Vas – H.S. van Blerk
  49. Boeta gaan op Kommando – H.S. van Blerk
  50. Sonoog – Rudolf Erasmus
  51. Twee vir ‘n Stuiwer – W.A. Hickey
  52. Die Nels van Groenewoud – Eleanor Baker
  53. Die blou Tartare: Faanman Speel Kupido – H.S. van Blerk
  54. Die blou Tartare: Faanman Slaags met Terroriste – H.S. van Blerk
  55. Die Skatkis1: Rympies en Sprokies
  56. Gezina en die Bruin Wind – Maretha Maartens
  57. Die Wonderbaarlike Wedervaringe van Jurie Losper en Broer Herklaas Liegsttories – W. O. Kuhne
  58. Mario en die Diere – Waldemar Bonsels
  59. Jock van die Bosveld – Sir Percy FitzPatrick
  60. Die Bruin Planeet – Kobus Smit
  61. Die Vrolike 5 en die satellietgeheime – Jan Combrink
  62. Nou lieg jy mos, Katriena! – Riana Scheepers
  63. ‘n Regte Kampioen – Marilee McCallaghan
  64. Genadelose Vyand – Lourens Oberholzer
  65. Riets se Meesterstuk – F. Leslie
  66. J. Moestafa Tau – Amanda Brown
  67. Die Ontembare Hings – Zane Grey
  68. T’sats van die Kalahari – Willem D. Kotzé
  69. Die groot Klein Kaptein – Paul Biegel
  70. Operasie Bom – Andries de Wit
  71. My naam is Alexander en wat daarvan? – Martie Preller
  72. Jy’s laf, Dirk! – Dick King-Smith
  73. T’sats, Grootste van die Groot Jagters – Willem D. Kotzé
  74. T’sats se wraak – Willem D. Kotzé
  75. T’sats se kind – Willem D. Kotzé
  76. Die vreeslike avonture van Oliver Twist – Charles Dickens
  77. Die Bulle Bakke – Aaron Blabey
  78. Operasie Maanligmotors – Frieda de Villiers
  79. Geleende Vere – R Bosch
  80. Wedloop teen die Wind – Marilee McCallaghan
  81. Joof en sy maats en die dwelmsmokkelaars – Cor Dirks


In Engels:

  1. Black Beauty’s Family: Nightshade – Josephine Pullein- Thompson
  2. Black Beauty’s Family: Black Romany – Diana Pullein- Thompson
  3. Black Beauty’s Family: Blossom – Christine Pullein- Thompson
  4. Five on a hike together – Enid Blyton
  5. The Children of Cherry Tree Farm – Enid Blyton
  6. The Coral Island – Robert Michael Ballantyne
  7. Horrible Science; Fatal Forces – Nick Arnold
  8. Luke Cannon Showjumping Mysteries: The Black Mare of Devil’s Hill – Nigel Robinson
  9. The Secret Mountain – Enid Blyton
  10. Anna/Bella – Amanda Swift
  11. The Famous Five: Five Go to Smuggler’s Top – Enid Blyton
  12. The Famous Five: Five get into Trouble – Enid Blyton
  13. Animal Stories for 9 Year Olds – Helen Paibia
  14. Secret Seven on the Trail: The secret seven – Enid Blyton
  15. Lemonade Sky – Jean Ure
  16. Choose your own adventure: Master of Aikido – Richard Brightfield
  17. The 5 Find-outers: The Mystery of the Pantomime Cat – Enid Blyton
  18. The Wandering Wombles – Elizabeth Beresford
  19. The Wombles go Round The World – Elizabeth Beresford
  20. The Famous Five and the Hijackers – Claude Voilier
  21. The Kitten Hunt – Anna Wilson
  22. Just Geogre: George, Timmy and the Stranger in the Storm – Enid Blyton
  23. Survival – Chris Ryan
  24. Adventures of the Little Wooden Horse – Ursula Moray Williams
  25. The Contagious colors of Mumpley Middle School – Fowler Dewitt
  26. Silverfin – Charlie Higson & Kev Walker
  27. Horse and Pony Stories for girls – Hamlyn
  28. The Secret Seven: Secret Seven Win Through – Enid Blyton
  29. The Secret Seven: Three Cheers, Secret Seven – Enid Blyton
  30. Black Holes and Uncle Albert – Russell Stannard
  31. The Jabulani Mystery – Brenda Munitich
  32. Animals you will Never Forget – Reader’s Digest
  33. A Show Jumper in the Family – Judith M. Berrisford
  34. The Secret Seven: Good Work, Secret Seven – Enid Blyton
  35. Secret Seven: Look out, Secret Seven – Enid Blyton
  36. House on the corner – Enid Blyton
  37. Secret Seven: Fun for the Secret Seven – Enid Blyton
  38. Then again, maybe I won’t – Judy Blume
  39. The Gay Dolphin Adventure – Malcolm Saville
  40. Hatchet – Gary Paulsen
  41. Hatchet: The Call – Gary Paulsen
  42. Otherwise Known as Sheila the Great – Judy Blume
  43. Diamond Jack – Josephine Poole
  44. Nancy Drew: Till Death Do Us Part – Carolyn Keene
  45. Geoffry Strangeways – Jill Murphy46. Little Women – Louisa May Alcott
  46. The Famous Five: Five on Finniston Farm – Enid Blyton
  47. Island of the blue dolphins – Scott O’Dell
  48. Nancy Drew: Password to Larkspur Lane – Carolyn Keene
  49. Nancy Drew: The perfect plot – Carolyn Keene
  50. The Secret Seven: Secret Seven Adventure – Enid Blyton
  51. The Secret Seven: Good Old Secret Seven – Enid Blyton
  52. The Pony Detectives: Moonlight, Star of the Show – Belinda Rapley
  53. Nancy Drew: The Riddle in the Rare Book – Carolyn Keene
  54. Alfred Hitchcock and the Three Investegators in: The Secret of Terror Castle – Robert Arthur
  55. Good Wives – Louisa May Alcott
  56. Nancy Drew: The Message in the Hollow Oak – Carolyn Keene
  57. Darkling – KM Peyton
  58. Horrible Histories: Stomin’ Normans – Terry Deary
  59. Little Men: Louisa M Alcott
  60. The Explorer – Katherine Rundel
  61. The Sea Dog – Jenny Dale
  62. Barkbelly – Cat Weatherill
  63. Chestnut Hill: The New Class – Lauren Brooke
  64. The Secret Seven: Shock for the Secret Seven – Enid Blyton
  65. The prize pony – Josephine Pullein- Thompson
  66. Ghost Horse on the Moor – Josephine Pullein- Thompson
  67. Mystery on the Moor – Josephine Pullein- Thompson
  68. Gaslight Geezers: A Welkon Weasels Adventure – Garry Kilworth
  69. Dolphin Diaries: Beyond the Sunrise – Ben M. Baglio
  70. Adventures of Paddy the Beaver – Burgess
  71. Adventures of Buster Bear – Burgess
  72. Heastward Ho! – Garry Kilworth
  73. Robins in the Abbey – Elsie J. Oxenham
  74. Jennifer J – Ethel Turner
  75. An Exiting Term – Angela Brazil
  76. Chantry 1: Fair Blows the Wind – Louis L’amour
  77. Chantry 2: The Ferguson Rifle – Louis L’amour
  78. Chantry 3: North to the Rails – Louis L’amour
  79. Brionne – Louis L’amour
  80. High lonesome – Louis L’amour
  81. Radigan – Louis L’amour
  82. Crossfire Trail – Louis L’amour
  83. Shalako – Louis L’amour
  84. Stories of the Hundred and One Dalmatians – Dodie Smith
  85. The Island of Adventure – Enid Blyton
  86. Julie of the Wolves – Jean George
  87. Animal Ark: Ponies at the Point – Lucy Daniels
  88. Fallon – Louis L’amour
  89. The Secret of Cliff Castle – Enid Blyton
  90. Smuggler Ben – Enid Blyton
  91. The Burning Hills – Louis L’amour
  92. Kiowa Trail – Louis L’amour
  93. The Key-Lock Man – Louis L’amour
  94. Under the Sweetwater Rim – Louis L’amour
  95. The Quick and the Dead– Louis L’amour
  96. The High Graders– Louis L’amour
  97. Animal Ark: Lamb in the Laundry – Lucy Daniels
  98. Animal Ark: Horse in the house – Lucy Daniels
  99. Animal Ark: Badger in the Basement – Lucy Daniels
  100. Young Pioneers – Rose wilder Lane
  101. Phantom Horse goes to Ireland – Christine Pullein-Thompson
  102. Animal Ark: Hedgehogs in the hall – Lucy Daniels
  103. Nancy Drew: The Quest of the Missing Map – Carolyn Keene
  104. Nancy Drew: The Clue in the Diary – Carolyn Keene
  105. Bimbo and Topsy – Enid Blyton
  106. Pony Club Secrets: Comet and the Champion’s Cup – Stacy Gregg
  107. The Pony Detectives: Foxy, Rivalry at Summer Camp – Belinda Rapley
  108. Phantom Stallion: The Wild One – Terri Farley
  109. Phantom Stallion: Untamed – Terry Farley
  110. The Bush Shrike – Marguerite Poland
  111. Cryptid Hunters – Roland Smith
  112. The Old Man and the Sea – Ernest Hemingway
  113. Thoroughbred 64: The Price of Fame – Joanna Cambell
  114. The Sands of Time – Michael Hoeye
  115. Julie – Jean Craighead George
  116. The Falcon’s Malteser – Anthony Horowitz
  117. The Broken Gun – Louis L’amour
  118. Loving Spirit: Hopes – Linda Chapman
  119. Misty of Chincoteague – Marguerite Henry
  120. Crossfire – Peter Beere
  121. Dot.Robot: CLICK_HERETOELIMINATE/AND/DESTROY – Jason Bradburt
  122. Nancy Drew: The Clue of the tapping heels – Carolyn Keene
  123. Why I went Back – James Clammer
  124. Nancy Drew: Mystery of the brass-bound trunk – Carolyn Keene
  125. Nancy Drew: The clue in the jewel box – Carolyn Keene
  126. Nancy Drew: The Hidden window mystery – Carolyn Keene
  127. Nancy Drew: The Clue of the whistling bagpipes – Carolyn Keene
  128. Golden Filly Series: The Race – Lauraine Snelling
  129. The Hero Pup – Megan Rix
  130. The Runaways – Megan Rix
  131. The Time Travel Diaries – Caroline Lawrence
  132. Katy – Jacqueline Wilson
  133. Frankie Foster – Jean Ure
  134. Nancy Drew: The Witch Tree Symbol – Carolyn Keene
  135. Eagle Warrior – Roger Mortime (sy beveel dit nie aan as geskikte leesstof nie)
  136. Motorcross Mania – RA Montgomery
  137. The Silver Claw – Garry Kilworth
Categories: Graad 6, Ons lees | Sleutelwoorde: , , , | 6 Kommentaar

Span Somme(r) Pret so in

Met my wiskunde bondel van 34 produkte wat ingesluit is in Oolfant se Januarie promosie het ek dit goed gedink om bietjie inligting te gee oor hoe om die beste die bondel te benut. Die bondel is ook op sy eie te koop, of koop ‘n meer spesifieke bondel vir ‘n graad of fase.

Promosie geldig tot 31 Januarie 2022

Dit maak nie saak wat jou benadering is of watter wiskunde program julle volg nie die produkte kan help om die pret weer terug in wiskunde te sit.

As jy ‘n bestaande wiskunde program gebruik kan die Somme(r) Pret produkte aanvullend wees of gebruik word om sekere leerareas te vervang om die vervelige herhaling uit te haal.

Vir die dapperes wat self beplan en dinge doen, kan die produkte vir die grondslagfase (graad R-3) net so gebruik word. Daar is hope werksblaaie en speletjies in wat ‘n lekkerder manier is om die konsepte in te oefen. Om dit in daardie geval in ‘n volledige wiskunde kurrikulum te omskep het jy nodig om ook prakties en konkreet met jou kind wiskunde te doen. Ontdek saam waar julle elke dag wiskunde gebruik soos tydens inkopies, bak en brou in die kombuis of bloot lekkergoed tussen ‘n groep te verdeel. Daar is baie geleentheid om dinge te tel, in groepe te tel of verdeel.

Vir graad 4 tot 7 is daar vir elke graad ‘n lekker pret-pak en verder hoofsaaklik speletjies om konsepte te oefen en ‘n opsomming van die belangrike begrippe vir die fase. Graad 4 tot 7 Wiskunde in ‘n Neutedop het al die konsepte en woordeskat wat jou kind moet baasraak voor hul hoërskool wiskunde aandurf. Alles lekker kompak in ‘n opsommende formaat. Dit is moontlik om op ‘n meer informele manier te werk en steeds dit alles te dek.

Baie van die werk in graad 4 tot 7 is herhaling om kinders te help om vlot en gemaklik basiese berekening vir optel, aftrek, maal en deel te kan ontwikkel. Werksvelle is nie die enigste manier om dit te vermag nie. Die Somme(r) Pret speletjies is ‘n lekker manier waarmee julle dieselfde kan bereik.

En natuurlik is praktiese organiese leer altyd bobaas, soek dus geleentheid om die kennis in te span. Die heel belangrikste is egter dat kinders die basiese begrippe verstaan. Om te verstaan wat maal is en nie net die maaltafels bloot te memoriseer nie. Dit is die konsepte wat hulle in die hoërskool gaan toepas en blote memorisering gaan hulle niks baat nie. Span Graad 4 tot 7 Wiskunde in ‘n Neutedop in om hulle te help om die woordeskat wat daarmee saam gaan te verstaan. Baie konsepte soos bv faktorisering is net ‘n uitbreiding van maal en deel.

Meeste mense verkies egter die veiligheidsnet van ‘n kurrikulum gebaseerde werksboek of produk as dit kom by wiskunde. Die goeie nuus is dat ek hopelik nog in die maand ‘n meer organiese grondslagfase program vrystel. Die bogenoemde produkte vir graad O tot 3 is ingesluit in die program saam met hope ekstra speletjies en aktiwiteite. As jy reeds van my graad O tot 3 produkte gekoop het, sal jy afslag kry op die program.

Vir graad 4 tot 7 is daar ‘n verskeidenheid wiskunde werkboeke op die mark wat ingespan kan word saam met die wiskunde bondel. Vir my eie kinders het ons aanvullend Kitsreken gebruik (hier teen graad 6 en 7). Dit was ‘n maklike manier om probleem areas te identifiseer en dan die speletjies en pretpakke in te span om meer aandag aan daardie area(s) te gee.

Maak nie saak wat ouers in span nie, hulle kan steeds die Somme(r) Pret speletjies en werksvelle gebruik om die vervelige herhaling te vervang en wiskunde prettig te maak. Dit is ook ideaal om in te span na ‘n lang vakansie om net weer die spinnerakke af te stof en ou konsepte te verfris.

Moet ook nie die ander heerlike produkte in Oolfant se Januarie promosie misloop nie!

Categories: Tuisonderrig, Uncategorized, wiskunde | Sleutelwoorde: , , , | Lewer kommentaar

Besige vakansie

Ek is baie agter om alles te deel wat ons laas jaar gedoen het. Hopelik kom ek nog daarby uit. Verlede jaar was ek baie besig om my grondslagfase wiskunde program reg te kry vir die mark. Vyf jaar se werk is stadig maar seker besig om tot ‘n einde te kom.

Hierdie vakansie is daar hard gespook om die transkripsie opnames en video’s te skep. Ja, ek is ‘n slawe drywer en moes baie gunste inroep om die program verbruikers vriendelik te kry. Dit terwyl meeste mense hul jaarlikse wegbreek gemaak het.

Ons vorder egter goed en, as die tegnologie saam speel, hoop ek om die platform teen die einde van die maand reg te hê vir gebruikers. Die een helfte van my is ongelooflik opgewonde en die ander helfte vreesbevange!

Ek moet begin om te sê dat die program beslis nie is vir diegene wat ‘n skedule soek wat vir jou elke dag se beplanning doen en jy bloot inval en dit doen nie. Ek glo daar is heelwat programme en verskaffers wat reeds produkte het om aan daardie behoefte te voldoen.

My program is daar vir mense wat hul kinders meer organies wil leer. Wat die vryheid wil hê om elke dag self in te rig en teen hul kind(ers) se eie pas te beweeg. Dit bied wel vir jou ‘n valskerm om te verseker dat jou kind al die nodige leerareas in wiskunde gedek het, maar dis jy wat bepaal wat wanneer gedoen word en of julle alles of net van dit gaan doen.

Die program volg ook nie ‘n spesifieke kurrikulum nie. Ek het deur 3 kurrikula gewerk en daaruit die leerareas gehaal om te verseker dat ‘n kind die basiese dek en vir die intermediêre fase na enige van die programme sal kan oorskuif. Die kurrikula waarna ek gekyk het is KABV (CAPS), die Amerikaanse Common Core en Britse Cambridge.

Die eerste deel van die program bemagtig ouers om hul kinders se wiskunde ontwikkeling beter te verstaan en te weet watter struikelblokke hulle voor moet uitkyk. Ek hoop dat dit die vrees uit wiskunde sal haal en dit ‘n meer toeganklike vak sal maak wat ouers en kinders saam kan geniet.

Daar is geen formele assessering ingesluit nie. Ek wys jou wel hoe jy op ‘n informele manier assessering kan doen om vas te stel hoe jou kind vorder en wat hul tot watter mate bemeester het.

Die program is ook nie papier gebaseer nie. Daar is nie bloot ‘n werkboek wat julle elke dag net mee kan aangaan nie. Daar is wel 172 prettige werkvelle wat julle kan inspan. Die hoof fokus is egter om deur aktiwiteite en speletjies wiskunde te ontdek en vas te lê. Die ouer gaan dus “hands-on” betrokke moet wees om waarde uit die program te kry. Jy gaan self kies watter aktiwiteit, speletjie of werkvel julle gaan inspan.

Die program is ook nie per graad beskikbaar nie. Dit is ‘n geheel van die 4 grade waaroor die grondslagfase strek. Die rede daarvoor is dat die leerareas ‘n geheel vorm en kinders dikwels nodig het om hersiening van ou konsepte te doen, maar ook die uitdaging van moeiliker konsepte geniet. Hulle hoef nie in ‘n graad vas gevang te word nie. Die bonus daarvan is dat kinders van verskillende ouderdomme in ‘n gesin saam kan leer. Alhoewel die program vir graad O tot 3 is is daar beslis aktiwiteite en speletjies wat aangepas kan word om ouer of jonger kinders ook in te sluit.

As jy egter ‘n ouer is wat op ‘n natuurlike manier saam met jou kinders leer en ontdek behoort julle die program te geniet.

Hou die spasie dop. Hopelik kan ek nog in Januarie die program vrystel.

Categories: Graad 1, Graad 2, Graad 3, Graad R, Uncategorized, wiskunde | Sleutelwoorde: , , , , | Lewer kommentaar

Hoogtepunte van 2021

Hierdie jaar kry julle weer net ‘n blitsige kykie na ons jaar wat verby is.

Ons het weer die oujaar afgesluit met ‘n heerlike gesins-spele en oujaarsaand pret.
Die kinders was so bly dat hulle weer atletiek kon doen.
Veral my jongste het Edusense se Adventures of Bob White boekklub geniet.
Daar was weer lockdown oefen by die huis.
Ons jongste was in die sewende hemel dat sy ook nou kon gimnastiek kompetisies doen.
Grootsus het ‘n goeie kompetisie seisoen gehad. Sy’t eerste in die Weskaap gekom vir Artistiese gimnastiek en tweede vir tuimel. En by die SA’s met ‘n 2de plek vir balk en 5de algeheel weg gestap vir Artisties en 6de vir die Tuimel.
Ons oudste het net so ‘n goeie seisoen gehad. Hy was ook eerste in die Weskaap vir Artistiese gimnastiek. En by SA’s het hy 3de vir mansbrug en 4de algeheel geëindig.
Saam met die SA’s kon ons ‘n heerlike kort vakansie op die plaas inwerk en by familie kuier wat ons baie jare laas gesien het.
Die kinders het weer aan SACSSA se virtuele landloop deelgeneem.
Hulle het aan ‘n hele klomp olimpiades deelgeneem en so goed gedoen. In die World Maths Day het ons oudste eerste in SA gekom vir graad 8. Hy’t ook 2de vir graad 9 en 3de vir graad 8 gekom in die Living Maths Olimpiade. Middel sus het deur gedring na beide Wits en SAMC se wiskunde olimpiades en heel dapper SAMC gaan skryf tussen 150 ander graad 4-7’s. Haar eerste belewenis van ‘n skool. En kleinsus was diep trots op haar eerste plek in die Living Maths Olimpiade. Hulle het al 3 ook pragtige punte in die Conquesta Olimpiade gekry. Hulle het Platinum (88%+) vir al hul vakke gekry, buiten vir wiskunde waarvoor ons knaap 82% en middelsus 84% gekry het.
Die twee meisies het ook aan FAK se Afrikaanse Ekspo deelgeneem,. Hulle het goud vir hul voordrag en resensie gekry. En middelsus was ook die resensie wenner vir graad 6.
Die drie het ‘n stalletjie gehad by ons markdag en elk hul eie produkte verkoop.
Ons het weer saam met maats konsert gehou. Die kinders was bly om weer met fisiese musieklesse te kon begin.
Ons het lekker eksperimente gedoen.
Ons het ‘n week oue lemoenduifie gered wat kinders iewers uit ‘n nes gedief en aan sy stert rond gedra het in die straat. Die is nou al mooi groot en probeer gereeld kos van iemand se bord steel as ons buite eet.
Ons knaap is altyd besig om een of ander ding reg te maak. Hy het ook die heerlikste pampoen oes gehad en die jaar geleer om ‘n 3x3x3 “rubik’s cube” blitsig op te los en het amper al ‘n 5x5x5 opgelos.
Middelsus het leerwerk geleer doen as sy nie met haar neus in ‘n boek gesit het nie.
Ons jongste is altyd besig om prente te teken of verf.
Of sy is met iets anders kreatief besig soos om vir haarself ‘n pophuis te bou of leerwerk saam met middelsus te doen. Sy’t ook haar eie verjaarsdagkoek versier die jaar.
Ons het van nog ‘n hele klomp lande geleer.

Ons het heerlike boeke gelees en na stories geluister. Ons gunsteling die jaar was Gerald Durrell se My family and other Animals en Birds, Beasts and Relatives. Heerlike snaakse stories oor Korfu se mense en natuurlewe. Ons het Exploring Creation se Botany en ‘n goeie stuk van General Science gedoen. 15 Minute Afrikaans gedoen en weer van ‘n klomp komponiste geleer.

Ons kon die jaar afsluit met een van hul gunsteling aktiwiteite, bou met tandestokkies en Senties.

En beste van als kon my sus vir die eerste keer in 3 jaar kom kuier.

Categories: Alles in 'n dag, Graad 2, Graad 6, Graad 8, Tuisonderrig | Sleutelwoorde: , , , | Lewer kommentaar

Op ons boekrak 2021

Soos elke jaar het ons weer heerlike boeke gelees die jaar. (Ons leeslyste vir die vorige jare kan hier gevind word – 2020, 2019, 2018 2017, 2016, 2015, 2014, 2013 en ons gunsteling lewende boeke.)

Die laaste paar jaar lees ek eers elke dag ‘n storie gemik op ons jongste, wat die jaar 8 geword het. Die ander 2 geniet steeds die stories, sommige nuut, ander boeke wat ek voorheen al vir hulle voorgelees het. Daarna lees ons Bybel. Gevolg deur die boek gemik op die ouer 2 (wat 14 en 12 is). Ons jongste luister meestal saam, maar soms sal sy verdwyn terwyl ons dit lees of iets doen soos om ‘n prent te teken.

Ek het ook al ‘n vorige jaar begin om elke dag te wissel tussen ‘n Engelse en Afrikaanse boek vir die ouers 2. So lees ek altyd 2 stories op dieselfde tyd vir hulle.

Laas jaar het luisterstories egter ook ‘n groot deel van ons roetine geword. Met boeke wat nie so vrylik beskikbaar was nie was dit ‘n lekker alternatief. Die kinders het dit egter so baie geniet dat hul steeds luisterstories luister. Dit gebeur meestal op naweke.

So hier volg ons lys van boeke en luisterstories vir die jaar.

Eers die stories gemik op ons 8-jarige:
Jip en Janneke – Annie MG Schmidt
Lana en Rakker: “n huis vir rakker – Holly Webb
Lana en Rakker: Die honde skool – Holly Webb
Meneer Popper se Pikkewyne – Richard en Florence Atwater
Lana en Rakker: Speeltyd vir Rakker – Holly Webb
Lana en Rakker: Die pajamapartytjie – Holly Webb
Hendrik Leerdam seereis na die Kaap – James Home
Hendrik Leerdam kaap van storms – James Home
Kaskenades van Emil – Astrid Lindgren
Die Kattekwaad van Emil – Astrid Lindgren
Die streke van Emil – Astrid Lindgren
Wannie van die woonstel – Annie MG Schmidt
Ottie – Annie MG Schmidt
Lana en Rakker: Vakansie by die see – Holly Webb
Lana en Rakker: Rakker se prettige Kersfees – Holly Webb
Pippielangkous – Astrid Lindgren
Beatrix Potter Ultimate Collection – 22 Children’s Book with Complete Original Illustrations – Beatrix Potter
Pippielangkous gaan aan boord- Astrid Lindgren
Pippielangkous in die Suidsee- Astrid Lindgren
Juffrou Bianka en die swart kasteeel – Margery Sharp: Die storie waarop Disney se The Rescuers gebaseer is.
Slapjan – Mikro
Klawerjas – Dick King-Smith
Rommel – Johann Bekker

Vir die ouers 2 het ek die boeke voorgelees:
Vryburger Tas – D Sleigh
Die Walskonings – Karel Schoeman
Winter of the Wolf – Eleanor Watkins
Vaandrig Freyn – Karl Kielblock
My family and other animals – Gerald Durrell
Birds, Beast and relatives – Gerald Durrell
Vlug in die Namib – Henno Martin
Vonk: Vondeling van die Duine – Jan J van der Post
Cuckoo clock secrets in Switzerland – Karyn Collett

En dan was daar ‘n hele hoop luisterstories (audiobooks):
By Audible:
The Velveteen Rabbit – Margery Williams
Moby Dick Moby Dick – Herman Melville
Paddle-to-the-Sea – Holling Clancy Holling
Saving Lilly – Peg Kehret

By Good and the Beautiful:
Bird Talk – Roma Gans
Charley the Horse – Tony Palazzo
City Birds – Lucy and John Hawkinson
Country Fair – Melvern Barker
Factory Kitty – Helen Hoke
Federico the Flying Squirrel – Tony Palazzo
Hide and seek animals – Dahlov Ipcat
How big is big? – Herman and Nina Schneider
Jan and the Reindeer – Tony Palazzo
Little Island Star – Melvern Barker
Maxie – Virginia Kahl
Micco: A Seminole Boy – Josephine Lovell
Morning Star: A Little Pueblo Girl – Josephine Lovell
My Book of Color – Katherine Carter
Pig-O-Wee – Ellis Credle
Speckles Goes to School – Grace Berquist
Texas Pete: Little Cowbow – Jane Barr
The Amazing Story of Christopher Columbus – Kreigh Collin
The house of four Seasons – Roger Duvoisin
The Patchwork Kilt – Mabel Watt
The Stable that stayed – Josephine and Joan Balfour Payne
The Story of Snowman the Cinderella Horse – Tony Palazzo
Wild and Tame Animals – Dahlov Ipcar
Winter Tree Birds – Lucy Ozone and John Hawkinson

By Luistervinkstories:
Kaptein Kallie en die Seeduiwel – Rolf Ulrici

By Case of Adventure:
Singapore Adventure: Trail of the Orchid – Karyn Collett
Scotland Adventure: A Clash of Swords in Scotland – Karyn Collett

By Librivox
Adventures of Bob White – Burgess

By Ons Lig Luisterstories
Die Wit Rokkie
Bekkie begeer alweer
Millie se ontdekking
Skedonkie en die Honkiedôrie Hus

By Iono.fm
Briekaandraai reeks 1

Categories: Ons lees | Sleutelwoorde: , , , | 1 Kommentaar

Swart Vrydag Promosie

Oolfant se Swart Vrydag Promosie help jou hierdie jaar met ‘ʼn reeks produkte om jou eie leerplan saam te stel! Dit sluit ‘n heerlike 32-in-1 Somme(r) Pret wiskunde bondel in met produkte van voorskool tot graad 7.

Aanbod is geldig tot 30 November 2021

Dis wat jy alles kry:

1. Al drie oolfant se gesogte taalkursusse (15-Minuut-Afrikaans, Sinne wat sing, Kom ons skryf ʼn opstel) wat beteken jou taalwerk is gedek vir ten minste twee jaar

2. Twee bonuskursusse wat jou gaan help met spelling en om gedigte te geniet

3. Genoeg oefenwiskunde vir ʼn hele jaar met die komplimente van Somme(r)pret

4. Genoeg SA geskiedenis vir 6 maande danksy ʼn Geskiedenis Pretboek van Edusense

5. Genoeg stories wat hardop vir jou kinders voorgelees word vir 3 maande danksy ʼn gratis intekening by Luistervinkstories.

Dit beteken jy kan in Januarie wegtrek en dadelik jou eie ding begin doen. Sonder om verder te stres.
Klik hier om te gaan koop: http://tuisskool-in-afrikaans.teachable.com/p/3-in-1-afrikaans

Categories: Uncategorized | Sleutelwoorde: , | Lewer kommentaar

Lees jy vir jou kind?

Die vorige week is ek by ‘n wiskunde opleiding sessie en die ding waaroor die laerskool onderwysers die bekommerdste was is kinders se spelling!

Hulle ondervinding is dat kinders hulle nie behoorlik agter die maskers kan hoor nie en dan die woorde spel soos hulle dit hoor. Die eintlike groot probleem is dat kinders nie meer genoeg behoorlike taal hoor nie! Selfs voor Covid was dit ‘n probleem, maar nou het dit eksponensiaal toegeneem.

Kinders spandeer nie net ‘n groot deel van hul dag by die skool waar almal agter maskers mompel nie. Naskool gaan dit voort by sport, buitemuurse aktiwiteite, in winkels en op uitstappies. Hulle word dus vir baie beperkte tyd blootgestel aan hoorbare taal. In die proses mis hulle ook nog uit op nie-verbale kommunikasie.

Dit het dus krities belangrik geword dat ouers besef dat hulle tyd sal moet maak om hul kinders se taal ontwikkeling te bevorder. Niemand van ons kan meer terug sit en hoop dat dit elders gaan plaas vind nie. Dit is immers net tuis waar ons kinders maskerloos kan kommunikeer.

Die maklikste manier is om elke dag vir jou kind voor te lees. Ja, selfs vir jou hoërskoolkind, want hulle wêreld het net so gestroop geraak van goeie taal. Die navorsing wys al jare lank dat 1 uur van voorlees elke dag vir kinders ‘n reuse voorspong gee. Nie net bou dit hul woordeskat en taal wat baie belangrik is vir lees begrip nie, maar dit ontwikkel ook wiskundige begrip en empatie. Daarby groei hul algemene kennis en spandeer jul nog kosbare tyd as gesin saam ook. Selfs al kan jy as ouer elke dag net 10 minute vir jou kind voorlees gaan dit ‘n verskil maak. Elke bietjie help!

Gelukkig is daar ook oudioboeke daar buite wat kan help om ons kinders se ore te vul met goeie taal. Daar is vele opsies in Engels, maar selfs in Afrikaans is daar hulp vir moeë ouers. https://Luistervinkstories.co.za is een bron van oudiostories wat ouers kan inspan.

Daar by kies wys jul naweek aktiwiteite om eerder die tyd te spandeer waar kinders normaal kan kommunikeer en nie agter ‘n masker hoef weg te kruip nie.

Categories: Ons lees | Sleutelwoorde: , | Lewer kommentaar

Wat moet ‘n tuisskoler leer?

Dikwels is een van die eerste dinge wat nuwe tuisskoolouers oor wonder, wat hul kinders als moet leer. Hoe verseker hulle dat hul kind eendag weer kan skool toe gaan (baie wil hul kind hoërskool toe stuur), of universiteit toe, of selfs net om hul na skool toegerus die lewe in te stuur.

Ek is seker mense gaan verskillende antwoorde op die vraag hê, maar hier is die hoof dinge wat ek aanbeveel.

1) Leer jou kind lees. Dit klink vanselfsprekend, maar realiteit is dat groot persentasies moderne kinders nie met begrip kan lees nie. Dit is nie net ‘n probleem in ons land nie, maar internasionaal, en is beslis nie beperk tot sekere sosio-ekonomiese groepe nie. Lees gerus meer oor die kommerwekkende statistieke in Die eenvoudig antwoord

2) Leer jou kind probleemoplossend dink. Ons leef in ‘n tyd van verbruikers, waar kinders die vermoeë om self probleme te identifiseer EN op te los verloor. Help hul om eendag nie net verbruikers te wees nie, maar deel van die groep mense wat vooruitgang en vernuwing kan bring.

3) Leer jou kind om onafhanklik te werk. Dit sluit waarskynlik baie by die volgende punt aan. Dit gaan nie net die lewe vir jou as ouer makliker maak as jou kind self gedrewe kan werk nie. Dit gaan ook eendag vir hulle dinge makliker maak as hulle gaan studeer en werk.

4) Werk aan karakterbou en hul emosionele intelligensie. Dit is die dinge wat bepaal hoe suksesvol, gelukkig en aangenaam mense is om mee saam te werk en lewe.

5) Leer jou kind hoe om te leer. Of nog belangriker help hul die vreugde ontdek van leer. Dis waardevol as mens weet hoe om inligting te bekom as jy spesifieke kennis nodig het. Dit maak nie saak hoe oud jy word nie, jy bly konstant leer en om te weet hoe om dit te doen is so belangrik.

6) Bou ‘n goeie algemene kennis op. Geen twee mense het dieselfde algemene kennis nie. Moet dus nie bekommerd wees oor presies wat jou kind alles iets van weet nie. Bou eerder stelselmatig meer en meer kennis oor meer en meer dinge in hul lewe in. En versprei dit oor soveel velde as moontlik.

7) Help jou kind om sy/haar belangstellings en sterk punte te ontdek. Deur te fokus op kinders se sterk punte bou dit hul selfvertroue. Wat beteken dat hul selfs dit waarmee hul sukkel makliker en meer positief aanpak. Daarby help dit hulle om vroeg reeds te ontwikkel in ‘n rigting wat waarskynlik hul loopbaan gaan word of gaan bydra tot loopbaan sukses. Hoe meer tyd ons immers aan iets spandeer hoe beter raak ons daarmee.

As jou kind hierdie bou blokke het kan hulle wanneer hul weet wat hul met hul lewe wil doen die uitdagings aanpak wat nodig is om daar te kom. En ja, skoolkinders het nodig om dieselfde vaardighede aan te leer. Ouerbetrokkenheid, en nie die kurrikulum, skool of buitemuurse aktiwiteite nie, is die belangrikste faktor om kinders te help ontwikkel om hul volle potensiaal te bereik.

Categories: Tuisonderrig | Sleutelwoorde: , | Lewer kommentaar

Hoogtepunte van 2020

Soos hul sê agterosse kom ook in die kraal. 2020 voel soos eeue terug en ek kom nou eers daarby uit om ons hoogtepunte van die jaar te laai.

Ek het einde laas jaar al ‘n lysie gemaak van wat ek wou laai en het die intussen weer verloor. Julle sal dus maar met ‘n beeld weergawe tevrede moet wees en kans is goed dat ek dinge gemis het.

Wat ek nie in beeld kan deel nie is al die aanlyn dinge wat ons beleef het agv die grendelstaat. Ons het SpaceX se vaart na die Internasionale Ruimte Stasie gevolg, heerlike die ballet stukke “Swan lake” en “Nutcracker” gekyk en Phantom of the Opera en Andrea Bocelli geluister/kyk.

Ons het weer die Nuwe Jaar ingewag met ‘n gesinspele en aand van pret en plesier
Ons was bevoorreg genoeg om te gaan luister na die SU filharmoniese orkes. Wat ‘n belewenis!
Ons het die Rupert museum besoek as deel van die Woordfees en Pierneef en van Wouw se kunswerke beleef. Die kinders was gefasineer deur die akkedis detail op een van van Wouw se beeldhouwerke.
Gelukkig het ons vroeg konsert gehou (min wetend dat ‘n tweede konsert nooit sou kon plaasvind nie). My introvert dogter het ontpop in ‘n seremoniemeester! Later in die jaar het ons ‘n Kroontjiekiem konsert gehou. Ons vriende van naby en ver het videos van hul items in gestuur wat my oulike sus saam geredigeer het en almal in hul eie huise na kon kyk. Dit was heerlik om al die gesigte weer te sien na al die tyd in die grendelstaat.
My 3 het ure en ure van saam speel gehad.
Vir 3 maande lank het die drie elke dag getrou geoefen. Hulle is by verskillende gimnastiek klubs en ons het die 2 se Coronastics en Movid programme gekombineer, sodat hulle saam kon oefen.
Die drie het die tweede helfte van die jaar elke maand aan ‘n virtuele landloop deelgeneem. Dit was heerlik om te sien hoe hul tye verbeter het. Ons oudste het 4 km in 19:43 gehol, middelkind 3km in 14:52 en jongste 1km in 5:20 in die finale landloop van die jaar.
Ons middelkind het die grendelstaat benut om stories en liedjies te skryf wat sy begin verkoop het by Salomie se Storiehoekie.
Ons het baie dinge onder die mikroskoop ontdek.
Ons gesin het ‘n nuwe lid bygekry. Een wat lekker skade aanrig in die groentetuin!
Die oudste 2 het elke ‘n besigheid in geskryf vir die besigheidsbytjie kompetisie
Hulle het ook resensies geskryf vir Homeschool Beats en ons knaap het die wenresensie gekryf.
Ons het geleer van insekte!
En van 9 nuwe lande.
Dit was vir my ongeloofik met watter oulike idees my meisiekinders se gimnastiek klub vorendag gekom het om hulle gemotiveer te hou deur die deurmekaar jaar. Hulle het tydens grendelstaat ‘n virtuele klubkompetisie gehou, terug by oefening het die seniors ‘n “Challenge cup” gehou en die jaar is afgesluit met ‘n klubkompetisie. Die afrigters het soveel moeite met die meisies gedoen om die jaar ook vir hulle spesiaal te maak.
Klubkompetisie om die jaar af te sluit.
Ons het heerlik uit ons knaap se groentetuin geëet. Hy werk baie hard om die tuin so mooi instand te hou en uit te brei
Al drie die woelwaters se harde werk is beloon met pragtige Conquesta resultate! Hulle het ook baie goed gevaar in die Living Math Olimpiade. Die jongste 2 het onderskeidelik 1ste en 2de in hul graad geëindig en ons knaap het met ‘n 2de plek in sy graad en ‘n 3de plek in die volgende graad weg gestap.
Ons knaap het heerlike projekte gebou deur die jaar van hidrolise stelsels en lego karre wat krag genereer tot rekkie gewere en ‘n afstandbeheerde boot. Hy het DK boeke se Inventor Lab ongelooflik baie geniet en net so baie geleer in die proses. Hy het selfs een van sy eksperimente gedeel.
Ons jongste is mal oor kuns en gaan deur papier teen ‘n spoed wat my asem wegslaan. Ek is egter mal oor haar skeppings.
Middelsus skep ook graag en is besonder lief daarvoor om alles in mikroformaat te doen Hoe kleiner hoe beter vir haar.
Die jaar se harde werk is ook beloon. Middelsus het 2 goud en 2 silwer medaljes gewen by Gimnastiek Suid-Afrika se virtuele nasionale kompetisie.
Ons het die jaar afgesluit met ‘n baie oulike Natuur Adventskalender.
Categories: Alles in 'n dag, Tuisonderrig | Sleutelwoorde: , , | 4 Kommentaar

Die boksies wat druk

Terwyl ons kinders klein is verstaan ons dikwels dat kinders nie teen dieselfde spoed ontwikkel nie. Almal sit nie op presies 6 maande nie en loop teen 12 maande nie. Almal is ook nie van die doeke af op 2 nie.

My oudste meisiekind is amper 12 en het nog net 8 tande gewissel. Meeste van haar maats het daar getrek rondom 9! Daar is niks fout met haar nie en niks wat ek kan doen om die tande wissel aan te hits nie. Hoekom sou mens in elk geval wou?

Ons verstaan dit as dit by gewone kinderontwikkeling kom, maar glad nie as akademie in die prentjie kom nie. Dan moet elke graad 1 dieselfde werk kan baasraak. Dis effe onrealisties.

Juis om daardie rede sal jy vind dat baie tuisskolers nie vreeslik gek oor grade is nie. Meeste van hulle het ontdek dat hul kind akademies nie in een graad is nie. Hul mag ‘n graad voor wees in van die vakke en ‘n graad agter en ander.

Ek vermoed skoolma’s sien dit ook, hulle maak net nie altyd die korrelasie dat ‘n kind wat baie goed in een vak is dalk eintlik ‘n graad voor is en dat die vak waarmee hulle spook hul waarskynlik net nog in die vorige graad ontwikkelings gewys is nie.

Dit strek egter wyer as dit. Ek is oortuig die boksies (grade) waarin ons kinders plaas is ‘n groot hindernis. Nie net pootjie dit die wat dalk ‘n paar maande later eers reg is nie. Maar dit pootjie ook die wat voor is.

Hoekom sê ek so? Ek is oortuig dat kinders vasgevang word in die verwagtinge van hul graad. Dit perk hul in. Ek gaan my oudste as voorbeeld gebruik.

Vroeg reeds het ek besef sy kop werk anders. Alles om hom sien hy in hoeveelhede en patrone en die verwantskappe tussen dit. Hy sou op 5 in ‘n Playball les in gestap het en dadelik getel het hoeveel vorms daar is, seker gemaak het al die maatjies is daar (elk het ‘n vorm gehad waarop hul moes staan) en dan begin apparaat tel het en gesê het daar is te min hoepels, of twee twee kinders gaan ‘n bal moet deel.

Hy was mal oor somme maak. Daarom het ek in graad R hom reeds ingeskryf vir Living Maths se Wiskunde olimpiade se graad 1 vraestel en hy het 1ste in die land geëindig. Hy het nooit gedink dis juis ‘n prestasie nie. Dit was net iets lekkers om te doen. So het hy die volgende jaar 1ste in graad 2 gekom, en die jaar daarna 2de in graad 3.

Alles het goed gegaan tot in graad 3. Teen daardie tyd is al wat almal mos ‘n kind vra as hul hom/haar ontmoet, “Watter graad is jy?”. Ek het besef ek sal moet plan maak dat my kinders nie soos skape mense aanstaar as hul die vraag kry nie. Ek het hul dus mooi geleer dat hy in graad 3 is en jonger sus in graad 1.

En net daar het die probleme begin. Daardie jaar toe ek die graad 4 olimpiade vraestel voor hom neersit weier hy botweg om dit te skryf. Hy is nie graad 4 nie. Hy moet die graad 3 vraestel skryf. Ek het mooi gepraat, gesoebat, verduidelik hy het reeds die vorige jaar graad 3 geskryf en net een vraag verkeerd gehad.

Alles verniet. As hy graad 3 is moet hy die graad 3 vraestel skryf. So tot my groot frustrasie het hy toe maar weer graad 3 s’n geskryf. Daarna het ek hom elke jaar probeer oortuig om een graad op te probeer. Of dan ten minste na hy sy eie graad s’n geskryf het ook die volgende graad te probeer. Sonder enige sukses. In sy kop was dit net nie moontlik om ‘n graad hoër se vraestel te doen nie. Hy’t steeds goed gevaar, 2de, 1ste en 3de in die volgende 3 jaar gekom.

Laas jaar het ek weer probeer en uiteindelik tot my groot vreugde sukses behaal. Hy was bereid om na hy die graad 7 geskryf het ook die graad 8 te probeer. Ongelooflik genoeg het ek selfs sy arm gedraai om die graad 9 te skryf.

Die gevolg. Hy het 2de in graad 7 gekom en 3de in graad 8. Hy het selfs 20 van die 25 vrae vir graad 9 reggekry!!!

Voor jul dink die ma is net aan die spog (en ja ek is trots) is dit nie my punt nie. Die punt is hy het homself beperk. Hy het limiete op sy eie vermoëns geplaas en nie eers probeer om sy volle potensiaal te bereik nie. Bloot omdat hy die boksie stelsel van grade geglo het!

Ek kan net wonder waar hy sou trek as hy elke jaar wiskunde volgens sy vermoeë aangepak het ipv volgens sy graad? As hy reeds laas jaar met graad 8 werk begin het?

En nee ek dink nie ons moet kinders konstant uitdaag nie. Ek glo hul het die ruimte nodig om teen hul eie pas te ontwikkel. Ek vermoed dat ons hope kinders se potensiaal onderdruk, maar daar is ook hope kinders wat glo hulle is te dom / te stadig / nie goed genoeg nie, bloot omdat hul eintlik net ‘n paar maande ekstra nodig gehad het om daar te kom.

Daardie selfde wiskunde kind van my is een van hulle ook. Taal en lees kom nie natuurlik vir hom nie. Hy het meer tyd nodig as baie ander om dit baas te raak.

As jy die voorreg het om jou kinders tuis op te voed, benut dit ten volle. Moenie dat die boksie van grade hulle vasvang nie. Beweeg so vinnig of stadig soos dit vir hulle nodig is nie.

As jou kinders in die skool is, en jy nie so maklik uit die boks kan klim nie, is dit steeds die moeite werd om oop gesprekke met jou kind(ers) te hê. Om gereeld vir hom/haar te verduidelik dat meeste van ons nie regtig in die graad boksie pas nie. Dat jy nie slim of dom is bloot omdat jy goeie of slegte punte kry nie. Leer hul om hul eie potensiaal te bereik en dat dit goed genoeg is!

Categories: Graad 7, Tuisonderrig, wiskunde | Sleutelwoorde: , , , | 3 Kommentaar

Create a free website or blog at WordPress.com.