Author Archives: Manewales

About Manewales

Ek is 'n ma van 3 woelige spruite wat graag al hul manewales met julle deel. Hulle bring elke dag 'n tikkie sonskyn in my lewe. Kom volg gerus ons avonture op die tuisonderwys pad. Laai gerus van my gratis drukstukke af vir persoonlik gebruik. Of loer in op die produkte blad na wat ek alles smous.

Oolfant Swart Vrydag promosie

As jy nog kopkrap oor wat om volgende jaar te gebruik vir jou kinders het Oolfant ‘n sakpas aanbod wat jy nie moet misloop nie hierdie Swart Vrydag nie!

6 ongelooflike produkte in een om taal en skryf ‘n plesier te maak en jou te help om suksesvol tuisonderwys aan te pak. Marisa is ‘n ervare tuisskoolma wat haar jare se ervaring inspan om vir ander die pad makliker te maak.

Insluit in die aanbod:
Heerlike luisterstories van Luistervinkies vir 3 maande. Perfek vir die kinders om die voordeel van voorlees te hê en jou ‘n blaas kans te gee.

7 van my gewildste Somme(r) Pret produkte plus jou keuse van ‘n Somme(r) Pret e-boek en 2 graad spesifieke pretpakke. Perfek om wiskunde ‘n fees te maak in die nuwe jaar.

Daarby gaan Kieswetter Klaskamer jou wys hoe maklik dit is om jou kind(ers) te leer lees of skryf!

Met die pakket gaan jy dus als kry van leer lees/skryf in graad 1 tot hoe om voor te berei vir formele opstelle om ‘n skoolverlaters kwalifikasie te kry!

Dit als vir net R2999! Spring gou want die aanbod geld net tot 30 November!!! https://tuisskool-in-afrikaans.teachable.com/p/die-hele-oolfant-2/

Categories: Uncategorized | Lewer kommentaar

‘n Skoolkamer

So dikwels hoor ek nuwe tuisskolers vra vir hulp of idees om hul skoolkamer in te rig. Baie voel benoud, omdat hulle nie ‘n ruimte vir ‘n skoolkamer het nie.

Wel die goeie nuus is; jy het nie ‘n skoolkamer nodig nie! Vir die eerste keer het ons nou ‘n “skoolkamer”. Of soos my jongste dit noem “die biblioteek”. Vir 13 jaar was dit wat ons vir skool gebruik het hier, daar en oral waar ek ‘n gaatjie kon kry om dit te bêre.

Natuurlik geniet ek die nuwe ekstra vertrek. Ek kan al ons boeke, kunsgoed en opvoedkundige produkte saam bêre. Dit voel vir my asof daar meer orde is. Dis makliker om die huis netjies(er) te hou. Maar buiten daarvoor is die realiteit dat ons steeds die huis (en erf) vol leer.

Die kinders verkies dit steeds om rondom die eetkamertafel saam te werk. Of buite by die stoeptafel. Ons krul steeds op die bank op om stories te lees. Of kies ‘n lekker son / koeltekol (afhangende van die weer) daarvoor. Hulle hou hul steeds met projekte besig in hul kamers of in die motorhuis of tuin.

“Die biblioteek” is wel ‘n lekker plek om te gaan wegkruip as jy bietjie stilte soek (wel tot iemand jou daar ontdek). En vir die eerste keer kan die kinders ‘n spel Monopoly of skaak daar begin en dit los tot later, sonder dat dit weg gepak hoef te word voor ete. En die lessenaar het ‘n kunsstasie geword waar hul net weer kan aangaan wanneer hul lus het.

‘n Skoolvertrek is dus ‘n heel handige ding, solank jy besef dis nie ‘n noodsaaklikheid of dat leer net daar kan gebeur nie!

Categories: Tuisonderrig | Sleutelwoorde: | Lewer kommentaar

Leer jou kind lees

2021 lê en loer vir ons en daarmee saam is menigte nuwe tuisskoolma besig om kop te krap oor hoe om haar kind te leer lees volgende jaar. Ek weet nie van julle nie, maar met my oudste het dit behoorlik my broek laat bewe. Wie van ons besef nie die belangrikheid van lees nie? Is dit nie die basis waarop alle leer gebou word nie?

En dan kyk jy rond en sien al die peperduur leesprogramme, wat net jou vrees bevestig dat om kinders te leer lees ‘n ingewikkelde storie is. Word dit nie immers bevestig deur die groot persentasie kinders wat met lees probleme spook nie?

Om dinge te vererger word jy gebombardeer met botsende raad. Gebruik hierdie sigwoorde. Nee, leer hul eerder foneties lees. Beter nog meng die twee. Die een beweer jy kan jou 4 jare leer deur op als in die huis woorde te plak, ander sê wag tot later. Dis genoeg om jou hare uit jou kop te kan trek.

Voor jy hol vir die berge, dit is makliker as wat jy dink.

So hier was my antwoord aan een van vele ma’s wat met al die vrae rondloop.

Ek dink die botsend raad het 2 oorsake.

Eerstens het ons ‘n prestasie gedrewe samelewing geraak. Die arme kinders is nog in doeke dan wil ons kyk wie se kind kan die eerste sit, kruip, loop of van die doeke af kom. En kort voor lank begin jy dink daar is fout met jou kind as hy nie ook so vroeg iets kon doen nie.

Die gevolg is dat ons vroeër en vroeër wil hê kinders moet kan lees en deur ander akademiese hoepels spring. Die ironie is dat ons juis in die proses krities belangrike dinge deur die krake laat glip. Onder 7 moet ons fokus wees om die vastibulere stelsel en om propriosepsie te ontwikkel wat so krities is vir latere lees en wiskundige begrip (dit het alles te doen met fisiese aktiwiteite en buite speel tyd). Ons moet werk aan speel, sodat kinders probleem oplossing en kreatiewe denke kan ontwikkel. In my opinie is dit juis die tekortkoming wat veroorsaak dat so baie kinders deesdae leerprobleme het. Hulle kan nie die mas op kom nie, want hulle is fisies nie sterk genoeg vir die uitdagings nie.

Tweedens is meeste leesmetodes gegrond op hoe om Engels te leer lees. Engels is ‘n uitdagende taal om te leer lees. Daar is net te baie woorde wat geleen is uit ander tale en waarvan die spelling nie foneties sin maak nie. Om bloot die kinders foneties te leer is dus ‘n lang opdraande stryd en gevolglik het hul met allerhande planne vorendag gekom om kinders vroeër te kry om die woorde te kan lees.

Afrikaans is genadiglik nie dieselfde nie. Ons het nie allerhande “tricks” nodig om ons kinders te leer lees nie. Hulle het bloot die bou blokke nodig. As hul die klanke van die verskillende letters ken en hul ore geoefen is (hul fonetiese bewustheid het) gaan die res self in plek val. Jy gaan nie ‘n duur kurrikulum nodig het nie, jy gaan nie ure hoef te swoeg en sweet nie. Dit gaan net gebeur. En ja, as dit gebeur gaan jy nog geduldig moet saam met hul sit terwyl hul stadig klank en jy gaan hul belangstelling moet aanmoedig deur saam te lees, sodat die storie nie vervelig en uitputtend raak nie. Maar dis dit. Jy’t net tyd en geduld nodig.

Maar net soos magietyd jou baba gehelp het om fisies sterk genoeg te raak vir sit en kruip, is daar eenvoudige dinge wat jy kan doen om lees vir hulle makliker te maak.

Die eerste is om te fokus op fisiese ontwikkeling soos ek hier bo genoem het. Genoeg buite tyd; swaai, rol, hang, sodat hul onder andere ruimtelike bewustheid kan ontwikkel. Dit help om te verstaan dat hoe ‘n letter geskryf is op die bladsy belangrik is (‘n p en d is dus nie dieselfde letter net onderste bo nie, ‘n b en d is nie dieselfde letter net gespieëlbeeld nie). En sodat hul kan leer om van links na regs te lees en die reël kan volg.

Die tweede is om hul woordeskat te bou sodat dekodering van die woorde wat hul moet lees makliker is. Dis makliker om ‘n woorde te herken wat jy reeds ken as om ‘n woord wat jy nog nooit gehoor het nie te lees. Voorlees is die eenvoudigste manier om woordeskat te bou. Om nie te praat van al die ander voordele wat dit inhou nie.

Die derde is om hul ore te oefen. Kan hul hoor met watter klank begin ‘n woord, of watter woorde rym met mekaar. Om rympies te lees en woordespeletjies te speel help baie hiermee. Wat sien jy wat met ‘n “k” begin? En maak saam lawwe rympies op.

En voor jy jou oë uitvee sit jy met jou hande in jou hare, omdat hul nie hul neuse uit ‘n boek kan hou nie.

Geniet die avontuur. Dis so ‘n kosbare tyd saam, maak die beste van elke oomblik eerder as om nou al in akademie verstrengel te raak.

NS. Loer gerus na https://lomi.co.za/2014/01/24/letter-pret/ en https://lomi.co.za/2014/04/03/letter-pret-2/ as jy na idees soek om klanke te leer.

Categories: Tuisonderrig | Sleutelwoorde: , , | Lewer kommentaar

“Black Friday” bondels

Na ‘n jaar wat rof en onbeskof was, nie net emosioneel nie, maar ook finansieel, vermoed ek draai ons almal maar ons sente om.

Ek reken ‘n lekker besparing is net die ding om hierdie uitdagende jaar af te sluit! En die ideale kans om 2021 te vul met hope prettige aktiwiteite. Spring dus gou om nie my “Black Friday” bondels mis te loop nie.

Daar’s 3 bondels (voorskool, grondslagfase en graad 4 tot 7) met ‘n 20% besparing of koop die alles-in-een bondel met al 30 produkte en spaar 25%.

Meer inligting oor die produkte is beskikbaar by https://lomi.co.za/sommer-pret/. Vir bestellings kontak info@lomi.co.za

Die 7-in-1 bondel sluit in:
Somme(r) Pret Begin e-boek
Lente Pret-Pak: Graad R
Robot Pret-Pak: Graad R
Prinsesse Pret-Pak Voorskool
Rooster inkleur / Grid Colour-in
Getal-Aktiwiteitboek
Gimnastiek Pret – Gymnastics Fun
Die 15-in-1 bondel sluit in:
Somme(r) Pret 1 e-boek
Somme(r) Pret 2 e-boek
Lente Pret-Pak: Graad 1
Lente Pret-Pak: Graad 2
Lente Pret-Pak: Graad 3
Robot Pret-Pak: Graad 1
Robot Pret-Pak: Graad 2
Robot Pret-Pak: Graad 3
Dino Raaisels en Kop-Krappers
Reëndag kop-krappers en logika speletjies
Reëndag speletjies
Pret met getalle
Kolle-kuiken kry ‘n gesin
My Eerste Drukskrifboek
My Kopieerboek: Drukskrif

Die 9-in-1 bondel sluit in:
Somme(r) Pret 3 e-boek
Robot Pret-Pak Graad 5
Ridder / Prinses Pret-Pak: Graad 4
Speel-speel Maaltafels
Meeste maaltafels in ‘n ry
Maaltafelparkering
Pret met getalle
Dol Breuke Kaartspeletjie
My Kopieerboek: Lopende skrif

Die 30-in-1 bondel sluit die volgende in:
Somme(r) Pret Begin e-boek
Somme(r) Pret 1 e-boek
Somme(r) Pret 2 e-boek
Somme(r) Pret 3 e-boek
Lente Pret-Pak: Graad R
Lente Pret-Pak: Graad 1
Lente Pret-Pak: Graad 2
Lente Pret-Pak: Graad 3
Robot Pret-Pak: Graad R
Robot Pret-Pak: Graad 1
Robot Pret-Pak: Graad 2
Robot Pret-Pak: Graad 3
Robot Pret-Pak Graad 5
Prinsesse Pret-Pak Voorskool
Ridder / Prinses Pret-Pak: Graad 4
Rooster inkleur / Grid Colour-in
Getal-Aktiwiteitboek
Gimnastiek Pret – Gymnastics Fun
Dino Raaisels en Kop-Krappers
Reëndag kop-krappers en logika speletjies
Reëndag speletjies
Pret met getalle
Speel-speel Maaltafels
Meeste maaltafels in ‘n ry
Maaltafelparkering
Dol Breuke Kaartspeletjie
Kolle-kuiken kry ‘n gesin
My Eerste Drukskrifboek
My Kopieerboek: Drukskrif
My Kopieerboek: Lopende skrif

Categories: wiskunde | Sleutelwoorde: , , , , , | Lewer kommentaar

Kweek belangstellings

My kinders het nog altyd ‘n goeie idee gehad waarin hul belangstel. Van dit wat hul elke jaar wil leer tot die projekte wat hul aanpak. Dikwels het mense al gevra wat ek doen om dit reg te kry.

Ek het al heelwat hieroor kop gekrap, want ek kon nooit dink wat dit is wat hul belangstelling prikkel nie. Uiteindelik het ek besef dis nie wat ons doen nie, maar juis dit wat ons nie doen nie.

So wat doen ons nie?

1. Die kinders se middae is nie volgepak met aktiwiteite nie. My kinders mag net 1 aktiwiteit/sport elke jaar kies. So 2 jaar terug het die oudste 2 ook begin met musiek een keer ‘n week, maar die jaar was dit ook na die maan.

2. Ons vakansies is nie besig nie. Ek beplan nie uitstappies na plekke of allerhande aktiwiteite nie. Ja, ons is vervelige soort mense. Ons kuier saam met vriende (ook nie elke dag nie) en verder hou elkeen homself besig.

3. Ek skeduleer nie my kinders se dae nie. Ons het ‘n los roetine. Bybelstudie en lees na ontbyt, na middagete lees ons oor ‘n komponis, lees ‘n stuk uit “Exploring creation” (ons wetenskap) of “Kinders van die Wêreld” (ons aardrykskunde/geskiedenis/kultuur/godsdienste studie). En laat middag is sport. Die res van die tyd is hulle self in beheer. Hulle besluit wanneer hulle die week se wiskunde en kopieerwerk gaan inpas. Hulle besluit wanneer hulle hul huiswerk (opruim en skoonmaak werk) gaan doen. Wanneer hul musiek oefen, lees, speel ens.

4. Ons besit nie ‘n TV nie. Om voor die TV te lê is dus nie ‘n opsie nie. Ja, naweek aande geniet ons dit om as gesin saam ‘n episode uit ‘n reeks te kyk of soms ‘n fliek. Ons geniet natuurreekse of om te sien hoe goed werk. Tog is dit heelwat lekkerder om saans elk met ‘n boek op te krul of ‘n speletjie te speel

5. Die kinders het nie selfone of tablette nie. Ons 13 jarige het met lockdown ‘n antieke tablet gekry waarop hy eboeke kan lees en na musiek luister. O, en dit het darem ‘n sakrekenaar waarmee hy berekeninge kan maak. Die kinders spandeer dus geen tyd aan speletjies / kuier op ‘n toestel nie.

6. Ek hou nie kinders besig nie. Ek het genoeg goed wat my besig hou. As hul werklik verveeld is weet hul hul kan maar kom vra en ek sal ‘n werkie iewers vir hul hê. Dit is dus vir hul heelwat makliker om eerder self iets uit te dink.

Ek dink daar is hope oulik aktiwiteite en programme daar buite waaruit ons kinders kan leer, maar ek glo “less is more”. Kinders het tyd nodig om net te wees. Om tyd te hê om net rond te sit en self te besluit wat is volgende. Hulle moet kan verveeld wees! Hulle moet hulself kan ontdek en gemaklik op hul eie kan wees.

Iewers in daardie verveelde oomblikke gebeur daar iets wonderlik. Hul ontdek wat hul gelukkig maak, waarin hul belangstel. Hul raak nuuskierig. En dan juis omdat hulle oorvloedig tyd het het hul tyd om aan daardie belangstelling te skenk.

Dit klink baie eenvoudig, maar in ‘n wêreld waar FOMO (Fear of missing out) ‘n ernstige probleem is, is dit nie altyd maklik nie. Mens moet ‘n wilsbesluit neem om van die gebaande weg, van hardloop van een dinge na die volgende, af te klim. As jy dit kan reg kry is die eindresultaat egter pragtig en RUSTIG. Want dis nie net die kinders wat dan tyd het vir wees nie, maar jyself ook.

Categories: Alles in 'n dag, Tuisonderrig | Sleutelwoorde: , | 4 Kommentaar

Besigheidsbytjies

Afriforum het ‘n oulike kompetisie geloods om kinders se entrepreneurskap aan te moedig. Vir Besigheidsbytjies moes hulle ‘n besigheidsplan voorlê van ‘n besigheid wat hulle wil begin. Al die deelnemers het ook ‘n geskenkpakkie ontvang.

My oudste 2 het ingeskryf en ek dink dit was ‘n goeie ervaring vir hulle om deur al die stappe te gaan.

My knaap se inskrywing was Japtrap Groente waar hy groentetuin bokse vir mense wil insit. Dit vat al die dinkwerk en arbeid weg en sommer in ‘n kits kan jy groente uit jou eie tuin eet.

My meisiekind het haar Salomie se Storiehoekie ingeskryf waar sy haar luisterstories verkoop.

Tans kan die publiek stem vir die top 10, waarna beoordelaars die wenners sal kies. Indien julle vir my 2 se voorleggings wil stem kan jul gaan na www.besigheidsbytjies.co.za/project/intersenfase-28/ en www.besigheidsbytjies.co.za/project/intersenfase-8/.

Categories: Uncategorized | Lewer kommentaar

‘n Kykie in die Somme(r) Pret Produkte

Danksy my bitterlike oulike suster het ek nou ‘n video om julle ‘n kykie te gee wat my Somme(r) Pret produke behels.

Meer inligting oor die spesifieke produkte is beskikbaar by https://lomi.co.za/sommer-pret/. En blaai gerus verby die betaalde produkte, want daar onder is ‘n hele klompie gratis produkte ook. Net die ding om te help om die einde van die jaar wiskunde “blues” mee op te kikker.

Categories: Uncategorized | Sleutelwoorde: , , , | Lewer kommentaar

Aanlyn Tuisonderwys Ekspo Afrika 2020

Moenie die “Online Home Education Expo Africa 2020” misloop nie! Toegang is gratis, verniet, mahala, free. En jy kan enige tyd tussen die 13de en 17de Oktober deur die stalletjies kyk of na die praatjies luister. Daar is ook werkswinkels waarby jy op spesifieke tye kan inskakel.

Kom loer by die Lomi: Somme(r) Pret / Number Ad(d)venture stalletjie in. As jy nog altyd gewonder het oor my produkte, kom loer na die splinter nuwe videos om my produkte bekend te stel. Of gaan luister na my praatjie oor Wiskunde in Afrikaans en vind onder andere uit hoekom kinders juis wiskunde in hul moedertaal beter bemeester.

pret-met-getalle-vNS. En snuffel deur my stalletjie, iewers is ‘n promosie kode verskuil waarmee jy “Pret met Getalle” gratis kan kry wanneer jy van my ander produkte bestel.

Categories: Uncategorized | Sleutelwoorde: , , , | Lewer kommentaar

Die Storiehoekie

Ek was stil die laaste tyd. Gedeeltelik is dit omdat my kreatiwiteit laag was en gedeeltelik omdat my 11 jarige my rekenaar oorgeneem het.

Sy droom daarvan om eendag soos Laura Ingles Wilder te kan skryf en het in lockdown begin om stories te skryf. Die eerste storie het sy neergeskryf en toe oorgetik, maar daarna het sy die stories van die begin af getik. Dit was ‘n pynlike stadige proses, tog begin sy stelselmatig vinniger tik.

IMG_1326IMG_1326

Ek moet sê haar spelling verstom my. Ek het altyd geweet sy spel goed, maar nooit besef hoe goed nie! Ons sal beslis egter nog bietjie moet werk aan leesteken gebruik!

Elkeen van die stories het ook ‘n prent (of twee) bygekry wat sy in GIMP geredigeer het. Wat natuurlik nóg tyd op my rekenaar in beslag geneem het.

En tussen deur het sy liedjies begin skryf om by die stories te pas. (Ja, julle mag maar met my ore simpatiseer!). Sy skryf ook in die tyd Lockdown is Awful. (https://web.facebook.com/100110371788965/videos/716389355881950/?t=0)

Sy kry toe die plan om die stories te begin verkoop as luister- en leesstories. So skop die volgende fase toe af. Al die stories en liedjies moet opgeneem word. Met die redigering van die mp3’s moet ek nog help, maar ek vermoed een van die dae gaan sy die ook op haar eie baasraak.

Dit is alles tyd wat my rekenaar nie myne was nie. En net as ek dink ons is amper klaar met ‘n storie en kan dit begin verkoop (en ek weer my rekenaar terug eis), begin sy skryf aan nog een en wil net gou die ook klaar maak.

Intussen ontdek sy stories wat ek jare terug vir hulle geskryf het op die rekenaar en besluit die moet ook opgeneem en geïllustreer word.

Natuurlik kort sy ook ‘n kenteken en besluit om die uit klei te maak.

Na maande se swoeg en sweet (en hope nuwe dinge leer) het sy uiteindelik Salomie se Storiehoekie geskep. Julle kan gerus gaan luister na uittreksels uit haar skeppings by https://web.facebook.com/Salomie-se-Storiehoekie-100110371788965/.

Haar eerste kliënt was haar kleinsus wat een van haar stories gekoop het. Ek vermoed sy gaan nie juis baie kliënte hê in die huidige ekonomie nie, maar hierdie was so ‘n ongelooflike leerproses! En sy het hope pret gehad. Om nie te praat dat dit die laaaaang ure tuis korter help maak het.

Categories: Alles in 'n dag, Tuisonderrig, Uncategorized | Sleutelwoorde: , , | 1 Kommentaar

Voorlees is koning

Ek het met julle die audioboeke (luisterstories) gedeel wat ons inspan nou tydens die boekekrisis wat die inperking veroorsaak het.

Ons gebruik gereeld audioboeke. Dit het ongelooflik baie voordele. Eerstens help Engelse luisterstories om vir my kinders beter uitspraak van woorde te leer (moedertaalsprekers praat immers net anders). Ons kan dit in die motor luister of terwyl ons by aktiwiteite wag. En natuurlik spaar dit my stem, want my kinders se storie honger is groot. Ek kan bloot net nie altyd genoeg lees na hulle behoefte nie. Lees voort

Categories: Ons lees, Uncategorized | Sleutelwoorde: | Lewer kommentaar

Create a free website or blog at WordPress.com.