Gratis drukstukke

Kolle die tweede

Presies 2 jaar (op die dag) na ons vir Kolle die kolgans gevind het het ons weer ‘n kolganskuiken gekry. Die keer was dit nie ek wat hom by die huis aan gebring het nie, maar manlief.

Op die grootpad het hy verby gery waar kinders die kuiken oor die pad heen en weer jaag. Hy’t besluit hy sal moet stop en die kuiken en die kinders red voor daar ‘n tragiese ongeluk is.

IMG_6125

En so was daar skielik weer ‘n ganskuiken in ons huis. Die van julle wat ons “Kolle Kuiken kry ‘n gesin” storie gelees het sou dink dat ons teen die tyd al hope weet van kolgans groot maak. Maar nes kinders groot maak is nie een gansie dieselfde nie.

Die grootste uitdaging was dat hierdie een al so 3 dae oud was en sy ma met mag en mening gesoek het. Hy het ons nie net aangeneem as sy gesin van die eerste oomblik af nie. Die eerste paar dae het hy nooit geëet as ons hom uitgevat het nie. Die oomblik wat hy buite was het hy geskree vir sy ma en begin soek na haar. En kon hy spring!!! Die oomblik wat hy in ‘n groot boks gesit is het hy begin spring om uit te kom!

IMG_6301

Na ‘n paar dae was hy rustig hier, maar sou nog steeds bly soek vir sy ma as ons hom op enige uitstappie neem.

Een ligpuntjie was dat hy al goed water gewoond was en duidelik naby water gebly het voor ons hom gekry het. Die gansie wou ook niks weet van kuikenvoer nie. Doempies het wel, soos Kolle, die Maltabella in sy drinkwater geniet, maar verder het hy net van vars grassaadjies geleef en hope paddavissies. Dit het beteken dat ons gereeld op die grasperk moes sit en grassaadjies bymekaar maak vir die nag, want ganse eet 24 uur van die dag en hy was beslis nie groot genoeg om alleen in die tuin te slaap nie!

IMG_6502

Die volgende groot verskil is dat hy nie gek is oor die honde nie en dus nie maats gemaak het soos Kolle nie. Veral die een hond wil so graag met hom speel, maar hy blaas net vir hom en selfs toe hy net 57g groot was het hy die grote rifrug rond gejaag!

Een ding is ek van seker: Doempsie en Kolle is nie dieselfde geslag nie. Ons kon nooit met sekerheid weet of Kolle ‘n mannetjie of ‘n wyfie was nie, maar die een is beslis die ander geslag. Sy gedrag is net heel anders. Als word rond gejaag en wil hy mee baklei. Hy gee ook nie drukkies soos Kolle nie, maar is mal daaroor om op of teen iemand te sit/slaap. En soos hy nou groter word is die klankies ook anders.

IMG_6815

Hy’s nou 9 weke oud en loop die laaste paar dae aanmekaar weg dam toe. Daar het hy selfs by die een dam begin swem saam met van die ander ganse. Kolle was nie so gelukkig nie. Waar ons toe gebly het was daar net een dam en daar het die ander kolgans hom onmiddelik verjaag as hy by die dam gekom het.

Ek hoop van harte die gans se storie het ‘n beter einde en dat hy ‘n tuiste by een van die damme vind en deel van ‘n gansgesin word. Intussen bekommer ek my nog snags oor hom, want daar is nie nou ‘n woef wat hom kan veilig hou nie. Tot hy die vlieg-ding onder die knie gekry het (hy is woes aan die oefen) is daar maar baie gevare vir ‘n jong gans op ‘n plaas.

As julle ons gans inkleurprente in “Kolle Kuiken kry ‘n gesin”  geniet het is hier nog ‘n paar nuwes van Doempies.

 

Advertisements
Categories: Alles in 'n dag, Gratis drukstukke, Uncategorized | Sleutelwoordw: ,, | 2 Kommentaar

Wie Jesus is

Laas jaar het ons ‘n “Jesse” boom gemaak om af te tel na die geboorte van Christus toe. Ek het die oulike gratis drukstuk gevind by http://www.confessionsofahomeschooler.com/blog/2015/11/the-jesse-tree-free-printable.html.

IMG_4833

Die idee is om van die skepping tot Christus se geboorte in 25 dae te lees.

papier ketting

 

Die jaar het ek besluit om te fokus op wie Jesus is. Ons gaan elke dag ‘n vers lees oor wie Jesus is en ‘n papier ketting bou uit dit uit. Die grootste uitdaging was om net 25 verse te kies!

 

As julle wil saam lees en bou kan julle die aflaai en uitdruk: Wie Jesus is

Categories: Gratis drukstukke, Uncategorized | Sleutelwoordw: ,,, | Lewer kommentaar

Verse oor vrees nie

Stres en bekommernis het so deel van die alledaagse lewe geword dat ons maklik vergeet dat die woord van God ons juis maan om slegs vir God te vrees. So sien ek ‘n ruk terug ‘n Facebook prent dat daar 365 verse (een vir elke dag) is dat ons nie moet vrees nie.

So begin my Bybelstudie op die spoor van die verse. Daar is ‘n boek geskryf “Fearful To Fearless” met 365 verse en daarmee saam ‘n 365 Fear Nots: Verse Of The Day. Self kon ek nog nie al die verse vind nie. Ek het 149 verse gevind plus nog ‘n klompie waar ‘n engel aan die woord is, maar dis nog maar half pad na die volle lys.

Tog is dit ongelooflik om die verse te lees en te weet ons hoef niks te vrees nie. Laai gerus die 149 verse oor vrees nie wat ek gevind het af. Ek gebruik dit ook in die kinders se Bybelstudie en omdat hulle tans besig is om vasteskrif te leer het ek 25 van die verse  vir hulle gedruk as skrif oefeninge. Dis ongelooflik hoeveel makliker dit vir kinders is om die verse deel van hulle te maak.

vrees nie

Categories: Graad 3, Gratis drukstukke, Tuisonderrig, Uncategorized | Sleutelwoordw: ,,,,,, | Lewer kommentaar

Geheime kode

Ek sien vanmore die idee van geheime kodes maak en toe moet ons dit net vandag doen! My knaap is immers versot op geheime kodes en enige iets wat net naby bende-agtig klink. En ek is versot op enige aktiwiteit wat somme, lees en skryf sommer saam kombineer!

iPhone19

Lees voort

Categories: Graad 1, Graad 2, Graad 3, Graad 4, Gratis drukstukke, Tuisonderrig, Uncategorized, wiskunde | Sleutelwoordw: ,,,,,,,,,,, | 2 Kommentaar

Ons leer van bekering

Hierdie blyk toe om ‘n jaar te word waarop ons fokus op Dawid. En Dawid het so baie om vir ons te leer. Nie omdat hy perfek was nie, maar juis omdat hy ‘n mens net soos ons was. Wel miskien in ons terme juis meer sondig as baie van ons. En tog was hy ‘n man na God se hart, omdat hy verstaan het dat sy sonde nie bloot ‘n oortreding van die wet was nie. Dat sy sonde God se hart geraak het.

Die verhaal van Dawid en Batseba kan ongelooflik baie vir kinders beteken. Veral oor wat bekering is. Lees voort

Categories: Gratis drukstukke, Uncategorized | Sleutelwoordw: ,,,,,, | Lewer kommentaar

Weer skootboek

Ons is besig om meer te leer van die weer. Die meeste van die leer gebeur eintlik sommer so tussen ons dag se dinge deur. Ons identifiseer wolke en watter weer gewoonlik op hulle volg. Die kinders moet elke dag die weer op ‘n grafiek aandui. Weer en klimaat is so deel van die alledaagse dat mens dit dikwels nie eers oplet nie.

Daar is soveel heerlike dinge om van te leer oor die groot onderwerp. Ons het lank terug ook na weer gekyk en voorheen al ‘n weerkaart gehad.

iPhone10

Ek het meeste van die werksblaaie gekry by http://www.inallyoudo.net/?s=weather, http://www.3dinosaurs.com/wordpress/index.php/free-weather-pack/ en http://www.123homeschool4me.com/2012/04/free-weather-unit-for-ages-3-9.html.

Ek het ook ‘n Afrikaanse weer blokkiesraaisel en weer woordsoek geskep.

Ons gaan nog ‘n rukkie met die weer besig wees. Wie weet dalk volg daar later nog ietsie wat ons kan deel.

Loer gerus na die interessante video oor hoe wolke hul name gekry het.

Categories: Graad 1, Graad 3, Gratis drukstukke, skootboek, Uncategorized | Sleutelwoordw: ,,,,,,, | 1 Kommentaar

Blomme skootboek

Terwyl ons knaap besig was met sy wiel skootboek het ons 6jarige gewerk aan een oor blomme. Sy is absoluut versot op blomme en dra altyd vir al wat leef en beef blommetjies aan. Natuurlik kan sy nooit genoeg leer van blomme of prente van hulle inkleur nie

DSCF7731 Lees voort

Categories: Graad 2, Graad R, Gratis drukstukke, skootboek | Sleutelwoordw: , | 2 Kommentaar

Wiele skootboek

Ons het so lank terug die skootboek oor wiele gedoen dat ek amper al daarvan vergeet het. Ons knaap was gefasineer deur die onderwerp en ons het net nog en nog boeke daaroor gelees. Dit was egter ook die eerste keer dat die 2 rakkers nie naastenby dieselfde skootboek gemaak het nie. Sus het net 1 vel voltooi, sy kon net nie vat kry aan die onderwerp nie. Vir haar het ons weer oor blomme opgelees, wat nie juis die knaap se aandag getrek het nie.

Die lekkerste was waarskynlik vir hom die eksperiment oor hoe die omtrek van ‘n voertuig se wiel gebruik word om die afstand wat dit gery het te bepaal en natuurlik ook die spoed waarteen dit ry. Hy het sommer ook geleer dat groot wiele nie so baie keer hoef te draai om dieselfde afstand as klein wiele af te lê nie. 20159 Lees voort

Categories: Eksperimente, Graad 2, Gratis drukstukke, skootboek | Sleutelwoordw: ,, | 2 Kommentaar

Perde skootboek

Julle het dalk al gewonder hoekom ek nog nie weer een van ons skootboeke gelaai het nie. Wel hier is die rede daarvoor:

DSCF7446 Lees voort

Categories: Graad 2, Graad R, Gratis drukstukke, skootboek, Tuisonderrig | Sleutelwoordw: ,,,,, | 13 Kommentaar

Waterlelie avontuur

Uit ‘n paar oorde hoor ons dat die waterlelies, en veral hul blare, ongelooflik mooi is in die botaniese tuine. Net daar besluit ek en my kunstige – / wetenskap Maandae vriendin dat dit soos ‘n uitstappie vir ‘n Maandag klink. Ons kan immers sommer die wetenskap (botanie) en kuns kombineer!

Die kinders is heel opgewonde en gewapen vir die uitstappie met rugsakke met hul kuns goed in. Sommer by die eerste poel sien hul ‘n ruspe raak wat op ‘n waterlelie blaar sit. Of sy ma hom nou met opset daar gelaat het en of hy ingeval of gewaai het sal ek nou nie weet nie. Of dalk het die rakker ‘n slukkie water kom drink. Hoe dit ook al sy, ons het besluit om hom eerder daar te los. Ruspes is mos maar kieskeurige eters met ‘n beperkte dieet. En skuif ons hom, vrek hy dalk van die honger.

DSCF7551 Lees voort

Categories: Gratis drukstukke, Kunsvlyt, Wetenskap Maandae | Sleutelwoordw: ,,,,,,, | 10 Kommentaar

Create a free website or blog at WordPress.com.