Tannie Anna kombers

Ek hou daarvan om ‘n kombers hier op die kantlyn te hê waaraan ek kan werk. Daar is altyd so ‘n stilte tussen die ander projekte deur en dan is dit lekker om ‘n deur lopende projek te hê. Ek kan die dan net optel en gou bietjie werk.

Ek was egter lus vir iets anders. Ek ontdek toe een van my eie babakomberse waarin ek nog gedoop is en besluit ek gaan die patroon aanpak. Dit is iets besonders. Die kombers is jare terug nog deur my tannie Annalize Schreuder gehekel. Na haar beroerte sal sy nooit weer so ‘n kombers kan aanpak nie. Ek deel dus graag met julle die patroon.

Ek gebruik baba wol en ‘n 3mm hekelnaald. Die kombers is ongeveer 80cm breed. Jy kan dit dan so lank maak soos wat jy wil. Ek skat ek gaan so 300g baba wol nodig hê om myne klaar te maak.

Steke nodig:

ks – kettingsteek (chain)

lb – langbeen (dc (US) of tr (UK))

kb – kortbeen (sc (US) of dc (UK))

4lb-tr – Maak ‘n langbeen, maar trek net die wol deur die eerste 2 drade (los die laaste 2 op), maak die volgende 3 lang bene op dieselfde manier. Jy sal nou nog 5 drade op die naald hê. Trek nou die wol deur al 5 drade.

Patroon:

1) 192 ks

2) kb in elke ks

3) 1 ks , 1kb, *3ks, mis 2kb’e, kb in volgende kb* (herhaal * tot* tot laaste 2kb’e, kb in laaste 2kb’e

4) 3 ks, lb, *3 ks, kb in eerste 3 ks spasie, 3 ks, 4lb-tr in volgende 3 ks spasie * (herhaal * tot * tot 2de laaste 3 ks spasie), 3 ks, kb in laaste 3 ks spasie, 3 ks, lb in laaste 2 kb’e

5) 1 ks, 1 kb, 3 ks, mis eerste 3 ks spasie, kb in volgende 3 ks spasie, * 3 ks, kb in 3 ks spasie* (herhaal * tot * tot 2de laaste 3 ks spasie), 3 ks, mis laaste 3ks spasie, kb in laaste 2 lb’e

Herhaal ry 4 en 5 (eindig met ry 5) tot jy die verlangde lengte kombers het.

Eindig met 3 kb in elke 3 ks spasie.

Heg tossels aan.

Die patroon is so mooi dat jy dit as ‘n randjie ook kan gebruik.

As jy dit natuurlik nie self kan/wil hekel nie, kan jy altyd een bestel.

Vir die Engels van die patroon gaan loer in by http://www.powerfulmothering.com/how-to-crochet-a-baby-blanket/

Advertisements
Categories: Baba, Hekel | Sleutelwoordw: ,, | 7 Kommentaar

Artikelnavigasie

7 thoughts on “Tannie Anna kombers

  1. Terug pieng: Afrikaans die wêreld vol | manewales

  2. Dewalene

    Baie dankie vir die patroon. My skoondogter verwag haar 2de baba en ek wil baie graag ietsie besonders hekel, en dit lyk vir my na die patroon. Ons is so opgewonde oor die ou mensie wat in wording is. Groete Ouma Diffie

    • Baie geluk met die nuwe kleinkind. Ek hoop die patroon hekel maklik, laat weet as daar iewers ‘n probleem is of iets nie verstaanbaar.

  3. sue

    Dankie vir pragtige maklike patroon

  4. antonette

    More Tannie. Ek hou baie van die kombers patroon. Is dit moontlik day Tannie hom vir my kan email asb, sal dit baie waardeer.

    • Hi Antonette, kyk onder die post is “Share this”: E-pos. Jy kan net daar jou e-pos adres in sit om die artikel na jouself te stuur.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Blog at WordPress.com.

%d bloggers like this: