Gisteraand sit ons en waatlemoen eet op die stoep. Die manne het al weer binne gaan karring toe sit ek en ons pop nog buite. Sy’s mos ‘n tydsame eter.
Ek sê toe vir haar “Ek is lief vir jou”. “Ek ook” kom die antwoord. “Lief vir my of lief vir jouself?” vra ek. “Vir myself” kom dit ewe selfvoldaan met ‘n reuse glimlag.
Duidelik skort daar niks met haar selfbeeld nie. Sy sê ook altyd “ek is mooi” of “ek is slim” as ‘n maatjie iets lelik vir haar sê. Ek hoop net sy onthou dit nog as sy eers ‘n tiener is.
Ja sal hoop sy bly so vol selfvertroue, want in vandag se lewe kan jy nogal bietjie fyn gemaal word. Ek hou van die hekel uitrusting of is dit nie jou hekel skepping nie? Liefde Moeks
O, moeks raak nou handig op die rekenaar! Kry al selfs gecomment!
Ja, dis een van my hekel uitrustings. Sy’s mal daar oor om goedjies te dra wat ek gemaak het.