Salomie sê-goed

Goeie selfbeeld

Gisteraand sit ons en waatlemoen eet op die stoep. Die manne het al weer binne gaan karring toe sit ek en ons pop nog buite. Sy’s mos ‘n tydsame eter.

Ek sê toe vir haar “Ek is lief vir jou”. Lees voort

Advertisements
Categories: Salomie sê-goed | 2 Kommentaar

Krom en skeef

Ons het ‘n heerlike familie ete agter die rug. Met die lag ons al te lekker vir die oulike sê-goed van die jong klomp. Dis tog te lekker om te hoor hoe skeef en krom party woorde uitkom. En nog beter die wat hulle self opmaak.

 

Ons pop het nogal die gewoonte. Sy is mal daaroor om name in woorde in te werk. So het die maltabella pap Lisabellapap geword (Lisabella is haar niggie) en rabarber sap het Bernardsap (uit “Moenie vir Bernard soen nie!”) geword. Dit bly ook nie daar by nie. Die Afrikaans en Engels word sommer so deurmekaar gegooi. Wie het nou twee woorde vir dieselfde ding nodig. Sy praat nie van ‘n sambreel of ‘n “umbrella” nie. Dis sommer net sambrella. Dis ook nie ses of “six” nie, nee dis seks. Ek hoop nie daardie een haak vas nie, want dit kan vir rooi-wang oomblikke sorg. Lees voort

Categories: Die woelwaters, Ellard sê-goed, kleuter, Salomie sê-goed | Lewer kommentaar

Lippies verf

Ons poppelop is op die oomblik gefassineer deur grimering. Ek dink sy dra deesdae meer gereeld grimering as mamma (mamma is nie juis die “paint”-en-poeier tipe nie). Elke oggend, ongeag of ek grimering aan sit die dag, vra sy vir “lippies” (dis nou lipgloss). Dan ‘n vee met die onderlaag sponsie. Onlangs het sy ook ontdek oogpotlode kan pragtige strepe trek.

Die fase is nie vir my ongewoon. Ouboet is immers ook daardeur. Hy het net heel ander planne gehad met mamma se “mooimaak goed”. Ek onthou te goed hoe ek hom eendag so 2 jaar terug in my kamer vind nadat ek sus gevoed het. Daar staan hy ewe tevrede en bewonder sy kunswerk. Jackson Pollock sou kon kom vir lesse. Daar was die interessantste motiewe oor die mat en ons duvet. Lees voort

Categories: Die woelwaters, Salomie sê-goed | Lewer kommentaar

Skuldig

Ek moet ruiterlik erken dat ek die blog die laaste tyd baie afgeskeep het. Daar was net altyd ander dinge. Ergste is dat daar soveel oulike insidente was wat ek kon deel. Salomie raak ‘n regte babbelbekkie en Ellard is op sy stukke die laaste ruk. Ongelukkig soos meeste dinge in die lewe as jy dit nie dadelik doen nie vergeet jy weer daarvan.

So voor ek weer vergeet wil ek net graag die deel. Salomie sit deesdae sommer in elke sin ‘n Mammie en Mommie (met so ‘n ronde o) en ek het al begin voel die woord word woes misbruik. Jaco se aanvanklike reaksie was dat sy teveel Engels leer. Toe ‘n week of wat terug moet ons tot ons skande ontdek die Mommie is nie ‘n verbuiging van mammie nie. Dis haar manier om Salomie of te wel Lomie te sê. Skielik maak baie van haar sê-goed meer sin veral hoekom mammie/mamma en Mommie in dieselfde sin kan voorkom. Lees voort

Categories: Die woelwaters, Ellard sê-goed, Salomie sê-goed | Lewer kommentaar

Al die notas

Ai, ek is al ewig besig om vinnig die kinders se sê-goed op stukkies papier neer te skryf. Dit lê al die wêreld vol, maar raak ook net so maklik weg. En so nou en dan kom ek op ‘n ou stukkie af en giggel weer lekker.

Een van die was die keer toe Ellard vir my gesê het “Mamma, stoot die son down in the air”. Dit het in sy oe geskyn en blykbaar kan mamma alles doen! Dis natuurlik baie goed vir mamma se selfbeeld. Lees voort

Categories: Die woelwaters, Ellard sê-goed, Salomie sê-goed | Lewer kommentaar

Dag om te onthou

Gister was die eerste dag van herfs en verseker ‘n dag om te onthou. Al was dit ‘n bloedige warm begin van herfs (maksimum was 37.7 grade en met die humiditeit saam was die aanvoelbare temperatuur 44 grade). Ons moet egter die laaste hitte voor die laaaang winter geniet.

Eers haak Salomie gisteroggend uit die bloute af: “Ek is lief vir jou, Mammie”. A, die eerste van haar af. En dan sommer ‘n hele sin, nie net ‘n “lief jou” of so iets nie.  Dit het sommer my dag, nee week gemaak. Lees voort

Categories: Die woelwaters, Ellard sê-goed, Salomie sê-goed | Lewer kommentaar

Modder speel

Ellard en Salomie het vir hulle ‘n lieflike modderpoel geskep in een van die akkers. Die 2 geniet die mors nou vreeslik. Hoe ek hulle nou daar gaan uitkry om te kom eet en ‘n middagslapie te vat weet ek nog nie.

Ek moet sê dit gaan al baie beter. Die vorige keer het hulle klere en al gemors en Salomie se Minni hemp het nou ook deel van die hoop modder gevlekte klere geword wat ek net nie kan skoon kry nie. Ek het hulle dood  voor die oe gesweer as hulle weer in die modder speel sonder om eers uit te trek. Lees voort

Categories: Die woelwaters, Ellard sê-goed, Salomie sê-goed | Lewer kommentaar

Al die streke

Jaco het die kinders begin leer om “Askies mense” te sê deur met hulle te speel dat iemand ‘n wind breek of los. Ongelukkig het dit nou in ‘n baie snaakse speletjie ontaard waarin hulle maak of hulle winde los /breek en dan kyk wie kan eerste sê “Dit was jy” en dan moet daardie persoon “skies mense” antwoord. Lees voort

Categories: Die woelwaters, Ellard sê-goed, Salomie sê-goed | Lewer kommentaar

Nooit te klein

Salomie begin nou so stelselmatig leer om te tel. Dis nogal ‘n storie as jy tweetalig groot word. Op die oomblik gaan die tellery so: “One, twee, dlie, vyf, agt, nege, tien!”. Dis te oulik.

Sy het ook al mooi geleer van mamma (rog) en pappa (koring) brood. Gister het sy so mooi vir pappa se brood gevra. “Brood pappa s’n blief”. En met blief hou sy altyd die twee handjies saam voor haar. Ek’s seker mense sal dink ek het haar leer bedel. Dit lyk so oulik. Lees voort

Categories: Die woelwaters, Salomie sê-goed | 1 Kommentaar

Woord ontploffing

Ek is steeds verbysterd dat Salomie oor 5 dae al 21 maande oud is. Daar het die laaste ruk ‘n woord ontploffing in die huis plaas gevind. Ek is so dankbaar dat ek op 16 maande en 50 woorde besluit het ek gaan nie meer al die nuwe woorde neer skryf nie. Ek sou lankal kop verloor het as ek moes aan hou.

Die laaste week of wat het haar hoeveelheid sinne van 2-3 woorde soos konyne geteel. Dis “mamma terug” (as sy wil hê ek moet terug kom), “kom mamma”, “my beurt”, “los uit”, “af klim”, “af sit” (dis nou die lig, waaier of liedjie) en haar gunsteling vraag: “maak jy?” en vele meer. Dis so heerlik om te verstaan wat sy deesdae wil hê. Lees voort

Categories: Die woelwaters, peuter, Salomie sê-goed | Lewer kommentaar

Blog at WordPress.com.