Ellard sê-goed

Olimpiese spele

Posted on 2012/08/03 by Manewales

Dit is werklik verbasend hoe vinnig die kinders aangepas het by die geen-TV-in-die-week reël. Dis een van die beste besluite wat ons nog gemaak het. Hulle is soveel rustiger en speel soveel lekkerder saam. Ek het verwag dit sou moeilik raak toe die koue nat winter begin, maar dit was glad nie ‘n probleem nie.

Een aand heers daar chaos op die eetkamer tafel en ek besluit ons gaan sommer in die sitkamer eet. In die verlede sou die kinders wou TV kyk as ons daar eet. Die aand kom die versoek (tot my verbasing) egter “sal pappa vir ons musiek aan sit?”. Dit maak ‘n ma se hart sommer ekstra bly. Lees voort →

Categories: Die woelwaters, Ellard sê-goed, Tuisonderrig | Lewer kommentaar

Baaaaie

Posted on 2012/08/03 by Manewales

Ek is mal oor hoe kinders se konsep van “baie” verander soos hulle groot word. Toe hul heel klein was was 2 baie. Toe later 3. Ek sou gereeld hoor hoe hulle eerder 2/3 sou sê as hulle van baie wou praat. Nog later het 10 baie geword en deesdae is 17 en 23 baie vir ons oudste spruit. As hy wil sê iets was vinnig dan het dit 17 kilometer per uur gery! En as dit BAIE vinnig was 70/80. Lees voort →

Categories: Die woelwaters, Ellard sê-goed | Lewer kommentaar

Lees

Posted on 2012/06/23 by Manewales

Die twee woelwaters is albei mal oor stories lees. Dis nou nie juis iets nuuts nie. Die nuutste probleem is egter om lekker lang stories te vind. Sien die wat bedoel is vir 3 en 5 jariges moet ek ‘n ton van lees voor hulle genoeg gehad het.

So nou soek ek langer stories. Dis egter nie ‘n maklike taak nie. Vind ek iets wat lank genoeg is is dit gewoonlik bedoel vir heel wat ouer kinders en maak die stories die twee bang. Maar die is immers die veiliger opsie, meeste van die ander boeke gaan oor dinge waarvan die 2 eerder baie, BAIE later eers moet uitvind. Die ouer stories wat wel vir hulle ouderdom geskryf is en langer is gaan amper almal oor hekse, trolle, towerspel, monsters en ander aaklige goed. Lees voort →

Categories: Die woelwaters, Ellard sê-goed, Tuisonderrig | Lewer kommentaar

Verjaarsdae

Posted on 2012/03/21 by Manewales

Hierdie tyd van die jaar is dit net die een verjaarsdag na die ander. Dit is egter die eerste jaar wat ons knaap begin wonder het wat hy vir mamma vir haar verjaarsdag gaan gee. Tydens ete ‘n paar dae voor my verjaarsdag besluit hy ek moet vir hom geld gee, sodat hy vir my ‘n ring kan gaan koop. “Girls hou mos van ringe”. Pappa is baie beïndruk dat hy weet waarvan mamma sal hou, maar lag te lekker dat ek self die geld moet verskaf.

Die dag voor my verjaarsdag is hier toe ‘n reuse geknip en plak aan die gang. Lees voort →

Categories: Die woelwaters, Ellard sê-goed | Lewer kommentaar

Pienk

Posted on 2012/03/06 by Manewales

Manlief moet net asseblief nooit die te siene kry nie. Hy sal waarskynlik ‘n oorval kry. Sien die “probleem” is dat ons knaap van groen en pienk (ja, die bulle sal trots wees op hom) gehou het. Dit was totdat pappa hom beet gehad het. Die knaap het wel gou ‘n plan gemaak. Nou hou hy van blou, pers en maroon.

Toe eergister is hulle aan die knip en plak. Lees voort →

Categories: Die woelwaters, Ellard sê-goed | Lewer kommentaar

Water spaar

Posted on 2012/03/02 by Manewales

My 2 rakkers is absoluut mal daaroor om in water te mors. Seker soos meeste kinders vermoed ek. Dit veroorsaak egter nogal gereeld vir my ‘n kopseer. Die jaar het ons nog water beperkings om dinge net erger te maak.

Gister wil die 2 weer “swem” in hul skulpie. Ek het die kraan oop gedraai, sodat hulle dit vol kan maak. Lees voort →

Categories: Die woelwaters, Ellard sê-goed | Lewer kommentaar

Krom en skeef

Posted on 2012/02/19 by Manewales

Ons het ‘n heerlike familie ete agter die rug. Met die lag ons al te lekker vir die oulike sê-goed van die jong klomp. Dis tog te lekker om te hoor hoe skeef en krom party woorde uitkom. En nog beter die wat hulle self opmaak.

 

Ons pop het nogal die gewoonte. Sy is mal daaroor om name in woorde in te werk. So het die maltabella pap Lisabellapap geword (Lisabella is haar niggie) en rabarber sap het Bernardsap (uit “Moenie vir Bernard soen nie!”) geword. Dit bly ook nie daar by nie. Die Afrikaans en Engels word sommer so deurmekaar gegooi. Wie het nou twee woorde vir dieselfde ding nodig. Sy praat nie van ‘n sambreel of ‘n “umbrella” nie. Dis sommer net sambrella. Dis ook nie ses of “six” nie, nee dis seks. Ek hoop nie daardie een haak vas nie, want dit kan vir rooi-wang oomblikke sorg. Lees voort →

Categories: Die woelwaters, Ellard sê-goed, kleuter, Salomie sê-goed | Lewer kommentaar

Die girls

Posted on 2011/12/13 by Manewales

“Girls is nie so goed soos manne nie.”

“Hoekom nie?”

“Girls dink slegte goed.”

“Slegte goed?” “ Lees voort →

Categories: Die woelwaters, Ellard sê-goed | Lewer kommentaar

Skuldig

Posted on 2011/04/19 by Manewales

Ek moet ruiterlik erken dat ek die blog die laaste tyd baie afgeskeep het. Daar was net altyd ander dinge. Ergste is dat daar soveel oulike insidente was wat ek kon deel. Salomie raak ‘n regte babbelbekkie en Ellard is op sy stukke die laaste ruk. Ongelukkig soos meeste dinge in die lewe as jy dit nie dadelik doen nie vergeet jy weer daarvan.

So voor ek weer vergeet wil ek net graag die deel. Salomie sit deesdae sommer in elke sin ‘n Mammie en Mommie (met so ‘n ronde o) en ek het al begin voel die woord word woes misbruik. Jaco se aanvanklike reaksie was dat sy teveel Engels leer. Toe ‘n week of wat terug moet ons tot ons skande ontdek die Mommie is nie ‘n verbuiging van mammie nie. Dis haar manier om Salomie of te wel Lomie te sê. Skielik maak baie van haar sê-goed meer sin veral hoekom mammie/mamma en Mommie in dieselfde sin kan voorkom. Lees voort →

Categories: Die woelwaters, Ellard sê-goed, Salomie sê-goed | Lewer kommentaar

Die onskuld

Posted on 2011/03/15 by Manewales

Ons luister weer vanoggend na die Wieliewalie CD in die kar. Ellard is mal oor die kokosboom liedjie. Vir die van julle wat al vergeet het hoe dit gaan. Dit gaan oor die diere wat by ‘n kokosboom verby loop wat telkens sê daar’s iets wat jy nie mag doen nie. Dan sê die dier natuurlik “as ek wil sing (bv), as ek wil sing dan sing ek.” En dan val ‘n kokosneut op sy kop en gaan kla die dier by koning leeu. Lees voort →

Categories: Die woelwaters, Ellard sê-goed | Lewer kommentaar

Create a free website or blog at WordPress.com.