Die woelwaters

‘n Oujaar pakkie

Tradisies is iets wat ons geborge laat voel. Dit skep herinneringe en het die vermoë om mens sag en “squashy” te laat voel (soos my woelwaters dit sou stel). Beste van alles is dat dit nie groot of duur goed hoef te wees nie. Ek dink byvoorbeeld terug aan sjokolade eet na Sondag middag slapies op my ouers se bed. So is ons gesin besig om weer ons eie tradisies te skep.

Einde laas jaar lees ek die oukersaand boks tradisie raak. Dit lyk toe vir my soos ‘n fantastiese manier om die jaar mee af te sluit. Die vorige jaar was die eerste jaar wat die kinders besef het oujaar is iets wat gevier word. Tog raak die aand lank om te wag vir 12 uur. Dis daarom dat die boks idee by my byval gevind het. Daarby is verrassings mos altyd ‘n lekkerte.

‘n Hele rukkie terug het ons dus al lanterns gemaak om oujaarsaand aan te steek. Dit was so ‘n maklike aktiwiteit en hulle was mal oor die knip, plak en teken. Saam met al die kerse het dit toe oujaarsaand ‘n heerlike atmosfeer geskep.

DSCF6884 Lees voort

Categories: Alles in 'n dag, Die woelwaters, Ouerskap | Sleutelwoorde: , , , | 14 Kommentaar

Verbeeldingspel ontploffings

Ons het lank terug die geen-TV-in-die-week reël in gebring en dit was een van ons beste besluite ooit. Die laaste tyd het dit egter  bietjie uitgerafel. Dit was immers baie maklik om saam met Pappa voor die TV te gaan sit, terwyl ek saans die baba se nagroetine doen.

Ongelukkig het ek ook baie vinnig die vrugte daarvan begin pluk. Dit is eintlik verbysterend hoe vinnig swak gedrag afsmeer. Miskien gebeur dit juis so maklik, omdat die kinders so min groot invloede van buite het. Of miskien sien ons dit maklik raak, juis omdat daar so min ander invloede is. Dis nie asof hulle aaklige goed gekyk het nie, dis net, kom ons wees eerlik, dat daar so min goeie rolmodelle op TV is! Lees voort

Categories: Alles in 'n dag, Die woelwaters | Sleutelwoorde: , | Lewer kommentaar

Digtheid eksperiment

Dis altyd interessant om te sien hoe baie die woelwaters ‘n eenvoudig eksperiment geniet. Ek het onlangs die idee van ‘n digtheid eksperiment raak geloop by http://funadventureforboys.com/2012/09/10/encourage-a-curious-mind-with-this-simple-kids-science-experiment-at-home/. Dis so maklik en hulle was mal daaroor.

Dis ‘n basiese dryf of sink eksperiment met 3 lae. Eers gooi jy heuning, dan water en laaste olie. Die idee is om te kyk wat dryf of sink en op watter laag dryf dit. Ons het begin met ‘n paar basiese goed, maar die goed wat hulle in gegooi het het vinnig meer en meer geraak. Voor die tyd moes hulle eers raai wat gaan waar gaan dryf. Verbasend genoeg het hulle nogal ‘n goeie idee gehad wat gaan met wat gebeur. Lees voort

Categories: Die woelwaters, Eksperimente, Tuisonderrig | Sleutelwoorde: , | 1 Kommentaar

Kreatiewe fase

Die kinders gaan deur fases. Selfs na al die tyd tuis bekommer dit my soms. Daar is die ons-kan-nie-genoeg-leer fase. Na ‘n paar weke van die begin ek altyd sterk twyfel of ek ooit gaan by hou. Net soos ek egter net nie meer weet wat om volgende vir hulle te leer om die honger na nuwe inligting te stil gaan hulle skielik oor in die ons-wil-net-speel fase. As ma neem dit ook nou nie weer lank voor ek begin wonder of hulle dan nou nie te veel “agter raak”, omdat daar net gespeel word nie. Hoekom ek nog die bekommernisse het, kan ek net oor wonder. Telkemaal na al die speel  wil hulle weer net leer en wanneer hulle dan weg spring het hulle in die speel-tyd soveel nuwe dinge bemeester dat my mond altyd letterlik oop hang. Mens lees so dikwels dat kinders leer terwyl hul speel, maar tog bly dit my telkens verbaas. Lees voort

Categories: Alles in 'n dag, Die woelwaters, Kunsvlyt, Tuisonderrig | Sleutelwoorde: , | Lewer kommentaar

Die Dinosourusse verjaar

Die kinders se partytjie was laas maand. Soos altyd het hulle hul gate uit geniet. Die enigste ongelukkigheid is dat dit nog so laaaank voor die volgende partytjie is. Erger nog die versoeke wat inkom vir volgende jaar maak my bang. Klink so al vir my of ek die keer iemand professioneel sal moet kry om daai koek bestelling reg te kry.
Die 20 kinders se grootste doel die dag was blykbaar om te kyk hoeveel kinders op een slag op die klimraam of trampolien kan pas. Die antwoord is: Verbysterend baie!

Lees voort

Categories: Bak en brou, Die woelwaters | Sleutelwoorde: , | Lewer kommentaar

Wiskunde mal

Ons knaap is wiskunde mal op die oomblik. Ek dink nie hy besef dit mooi self nie. Baie van die dinge is vir hom net speel. En alles is vet pret.

Bo aan sy lysie is seker sy Little Professor. Daar is nie ‘n dag wat verby gaan wat hy nie ‘n keer of 2 die uit ruk en ‘n paar somme gaan maak nie. Hy doen nog net die optel en afrek op “level 1”, maar hy geniet dit vreeslik. Dis so interessant om te sien watter planne hy beraam om die somme te kan doen. Die tel blokkies was aan die begin ‘n wenner, maar nou raak hy lui. Dan gebruik hy sommer sy vingers of tel op die getalle kaart af. En dan is daar natuulik die kere wat hy regtig lui is en sommer dit op geheue probeer doen. Dan kry hy gewoonlik net so 3 uit 5 reg, maar ek dink nie dis te sleg vir ‘n 5 jarige nie. Ek het vir hom ‘n houer vir sy Little Professor gemaak. Nou kan hy die oral saam dra. So somme doen op die stoep of in die tuin is al te lekker.

Lees voort

Categories: Alles in 'n dag, Die woelwaters, Gratis drukstukke, Tuisonderrig, Voorskool, wiskunde | Sleutelwoorde: , | 7 Kommentaar

Boerbone skil

‘n Week of wat voor ontbyt sit die kinders en boerbone skil (hulle het besluit dis wat hulle nou eers wil doen). En ek besef net weer hoekom kinders wat tuis leer meestal meer tyd het vir speel en tog dieselfde (en dalk selfs meer) leer as die in ‘n skool.

Lees voort

Categories: Die woelwaters, Tuisonderrig | 5 Kommentaar

Geld wassery

Ons het die heerlikste pret gehad om geldjies te probeer skoon maak. Die kinders het eers begin deur dit met koeksoda en ‘n ou tandeborsel te skrop en toe in asynwater af te spoel. Dit was hope pret, maar nie ‘n reuse sukses.

Lees voort

Categories: Die woelwaters, Tuisonderrig | Lewer kommentaar

Verjaarsdag vlyt

IMG_9409

Dit is manlief se verjaarsdag maand. Ons 3 by die huis was dus die maand vreeslik besig om vir hom geskenkies te maak. Dit was soveel pret vir die 2 rakkers. Hulle het dit ongelooflik geniet om al die verrassings vir pappa te maak. En buiten vir ons knaap wat dit laat deur skemer het dat ons ‘n liedjie op die Glockenspiel oefen en ons pop wat 2 dae voor die groot dag laat glip het dat ons vir hom koekies gebak het, was hy salig onbewus van ons geknoei. Lees voort

Categories: Die woelwaters, Kunsvlyt, Tuisonderrig | Sleutelwoorde: , , | Lewer kommentaar

Vinnige pret

Ek moet net gou nog ‘n paar oulike goed wat ons die laaste week en ‘n half gedoen het deel. Meeste hiervan het sommer net so gebeur.

Die kinders het grafieke geteken. Hulle het Smile dobbelstene met kleure en vorms op. Ons het die gebruik om te kyk watter kleur of vorm hulle die meeste gooi. Dit was ‘n groot treffer en ek moes net nog en nog rame teken. Aanvanklik het Ellard net gekyk watter kleur kom eerste tot heel bo. Later het hy egter ‘n ander plan gemaak. Al die kleure moes “klaar maak”. Hy het bloot bo geskyf in watter volg orde hulle dit doen (sy eie plan). Hiervoor het hy sy stensils gebruik. Hy is regtig nou oulik met getalle. Hy kan van 1-10 lees en oral waar ons gaan moet ek die groter getalle vir hom lees. Afrikaans is in daai opsig nogal moeilik. Jy moet heen een weer lees. Soos 125 wat honderd vyf en twintig is. Jy begin links, spring dan heel na regs en lees die laaste getalle van regs na links. Nogal deur mekaar vir ‘n 5 jarige.

Lees voort

Categories: Die woelwaters, Kunsvlyt, Tuisonderrig, Voorskool | 1 Kommentaar

Create a free website or blog at WordPress.com.