Die woelwaters

Skud en vind

Ek het op die oulike idee van ‘n skud en vind bottel af gekom (http://pinkandgreenmama.blogspot.com/2009/07/i-spy-rainbow-bottle.html). Maandag het ons toe ons eie bottels gemaak. Dit was nogal pret om te soek vir al die klein goedjies om in te gooi. Beste van alles dit het my net 4 koppies rys gekos. Ek is altyd mal oor goedkoop/gratis projekte vir die kinders. En dit verbaas my altyd hoe baie pret hulle met dit kan hê. Mens het regtig nie hope geld nodig om kinders gelukkig en besig te hou nie

Lees voort

Categories: Die woelwaters, Kunsvlyt, Tuisonderrig | 1 Kommentaar

Kinder Spele

Die opwinding van die Olimpiese Spele was (en is) groot in ons huis gewees. Veral Ellard was skoon begeesterd. Alles het skielik resies gejaag. Selfs sy koutjies. En gereeld het dit opgewonde op geklink “En Afrika is voor, en amper word hulle ingehaal en Suid-Afrika WEN!”

Ons moes dus net ons eie Olimpiese spele hou. Laas Saterdag was toe die groot dag. En was dit nou pret! Die kinders het dit vreeslik baie geniet. Ellard was skoon ongelukkig toe dit klaar is. Ek het dus belowe ons sal ‘n tweede sessie doen. Die keer was Pappa nie by nie en Salomie minder begeesterd. Die hoogtepunt was telkens die medalje seremonie. Hulle loop kort-kort met die “medaljes” om hul nek rond en almal wat kom kuier moet dit net sien.

Lees voort

Categories: Die woelwaters | Sleutelwoorde: , | 3 Kommentaar

Olimpiese spele

Dit is werklik verbasend hoe vinnig die kinders aangepas het by die geen-TV-in-die-week reël. Dis een van die beste besluite wat ons nog gemaak het. Hulle is soveel rustiger en speel soveel lekkerder saam. Ek het verwag dit sou moeilik raak toe die koue nat winter begin, maar dit was glad nie ‘n probleem nie.

Een aand heers daar chaos op die eetkamer tafel en ek besluit ons gaan sommer in die sitkamer eet. In die verlede sou die kinders wou TV kyk as ons daar eet. Die aand kom die versoek (tot my verbasing) egter “sal pappa vir ons musiek aan sit?”. Dit maak ‘n ma se hart sommer ekstra bly. Lees voort

Categories: Die woelwaters, Ellard sê-goed, Tuisonderrig | Lewer kommentaar

Baaaaie

Ek is mal oor hoe kinders se konsep van “baie” verander soos hulle groot word. Toe hul heel klein was was 2 baie. Toe later 3. Ek sou gereeld hoor hoe hulle eerder 2/3 sou sê as hulle van baie wou praat. Nog later het 10 baie geword en deesdae is 17 en 23 baie vir ons oudste spruit. As hy wil sê iets was vinnig dan het dit 17 kilometer per uur gery! En as dit BAIE vinnig was 70/80. Lees voort

Categories: Die woelwaters, Ellard sê-goed | Lewer kommentaar

Kinders in die kerk

Ek het al baie gewonder wanneer mense besluit het kinders behoort nie meer in die kerk nie. Hoekom word hulle deesdae vermaak met poppekas, prentjies knip en plak en oulike stories? Is dit nie die tipe goed wat hulle in elk geval deur die hele week doen nie? Wanneer het ons besluit kinders is nie meer intelligent genoeg om te verstaan wat in ‘n erediens gepreek word nie?

Ek weet, ek weet. Hope mense gaan sê dienste is te lank vir kinders en hulle kan nie so stil sit nie. Maar is dit nie juis die punt nie? Leer kinders dan nie juis uit ons voorbeeld nie? As hulle nie van kleins af sien hoe ons optree nie, hoe kan ons verwag dat hulle later as tieners skielik gewillig stil gaan sit en na lang preke luister? Ons kerke spook hulle dood met tieners en jong mense wat nie meer kerk vas is nie, maar skep ons nie juis self hierdie situasie nie? Lees voort

Categories: Alles in 'n dag, Die woelwaters | 10 Kommentaar

Lessie tyd

Ek weet baie ma’s gebruik nie ‘n program om hulle voorskoolse kinders besig te hou nie. Ek het dit ook nou vir 5 jaar gedoen, maar dit raak nogal uitputtend. Miskien is ek net nie kreatief genoeg nie. Maar ek kan net nie aanhoudend nuwe dinge uitdink om my twee besig te hou nie. Die internet is ‘n reuse hulp. Dit verg egter heelwat tyd om te soek vir nuwe idees – tyd waarin ek eerder saam met hulle iets pret sou wou doen.

Dis hoekom ek so bly was toe ek die Klein Breintjies Leer Tuis pakket ontdek het. Dis nie een van daai programme waarin jy jou dood moet werk en die kinders oor gestimuleer word nie. Elke dag se lessie is kort, maar hope pret. Ons leer ietsie nuuts oor die tema. Dan is daar gewoonlik ‘n bewegings aktiwiteit en laaste kuns. Lees voort

Categories: Die woelwaters, Kunsvlyt, Tuisonderrig | 2 Kommentaar

Altyd dankbaar

Gisteraand toe manlief weer moeg na ‘n lang dag by die werk tuis kom, het ek net weer besef wat ‘n voorreg dit is om tuis te kan bly met die kinders. Daar is seker baie ma’s wat werk wat nie so min van hulle kinders het nie, maar ek vermoed baie se tyd lyk baie soortgelyk aan die van my man. Soggens sien hy hulle miskien vir 15 minute. Saans kom hy moeg van die kantoor af. Ek is seker dan wil hy eerder ‘n paar oomblikke van stille hê. In plaas daarvan bestorm 2 lyfies hom – uit gehonger vir ‘n tydjie saam met pappa. Op goeie aande kan hy darem so 90 minute saam speel, so tussen ete en stories lees deur. As hy moet laat werk is die tydjie nog minder. Dan is die 2 bed toe. Lees voort

Categories: Alles in 'n dag, Die woelwaters, Tuisonderrig | 2 Kommentaar

Lees

Die twee woelwaters is albei mal oor stories lees. Dis nou nie juis iets nuuts nie. Die nuutste probleem is egter om lekker lang stories te vind. Sien die wat bedoel is vir 3 en 5 jariges moet ek ‘n ton van lees voor hulle genoeg gehad het.

So nou soek ek langer stories. Dis egter nie ‘n maklike taak nie. Vind ek iets wat lank genoeg is is dit gewoonlik bedoel vir heel wat ouer kinders en maak die stories die twee bang. Maar die is immers die veiliger opsie, meeste van die ander boeke gaan oor dinge waarvan die 2 eerder baie, BAIE later eers moet uitvind. Die ouer stories wat wel vir hulle ouderdom geskryf is en langer is gaan amper almal oor hekse, trolle, towerspel, monsters en ander aaklige goed. Lees voort

Categories: Die woelwaters, Ellard sê-goed, Tuisonderrig | Lewer kommentaar

Slim speel

My twee woelwaters is besig om te vinnig groot te word. Ek sien dit veral in al hulle speletjies. Hulle gunsteling twee dinge is op die oomblik boom-klim en mamma-en-pappa speel. Ek weet deesdae nooit meer of hulle my roep of besig is met die speletjie nie.

Lees voort

Categories: Die woelwaters, Kunsvlyt, Tuisonderrig | Lewer kommentaar

Ek is 3!

Sukses, uiteindelik. Ek spook nou al van ons Pop se verjaarsdag af om die te laai. Ek moet erken dit het heelwat meer geverg om haar te kry om al die baie vrae te beantwoord. Ons moes dit maar so in sessies doen. En al is haar verjaarsdag net 2 weke terug het sy al 300g opgetel (dis sommer tonne as jy dink dat sy onlangs in 8 maande net 500g opgetel hê). G’n wonder dit voel deesdae of ek so swaar moet dra nie.

Categories: Die woelwaters | Lewer kommentaar

Blog at WordPress.com.