Kunsvlyt

Ons 2016 Hoogtepunte

Die grootste hoogtepunt van my jaar is dat my oudste 2 kinders die wonder van lees ontdek het. Hulle is 7 en 9 en alhoewel hulle 2 jaar in ouderdom verskil het beide hierdie jaar vir die eerste keer ure spandeer om te sit /lê en lees. Hulle het elkeen digby die 100 boeke in die jaar gelees. Sommige boeke het beide geniet, maar oor die algemeen verskil hul belangstellings baie. Natuurlik was daar ‘n klomp kort stories in, maar ook ‘n hele paar waaroor ek vestom was. Ek sou nooit kon dink dat hulle op die ouderdom al van die stories sou lees en geniet nie. Boeke wat vir my by my oudste uitgestaan het was: Pippie Langkous van Astrid Lindgren, Slaaptydstories 1 en 2 van Arthur S. Maxwell, Danda van Chris Barnard, Hy leef van Jenny Tripp, Die groot dierstorieboek van Human, Jakkals wat plante eet, wat wou van Rosalind Kerven, Wit oemfaan van FA Venter, Speurder Proppie van CS Badenhorst en hy het ook elke Kuifie en Astrix en Obelix wat hy sy hande op kon kry gelees.

Lees voort

Advertisements
Categories: Alles in 'n dag, Kunsvlyt, skootboek, Tuisonderrig, Uncategorized, Wetenskap Maandae, wiskunde | Sleutelwoordw: ,, | 2 Kommentaar

Vlytige Vrydae

Ons het die jaar begin met Vlytige Vrydae eenkeer ‘n maand saam met maats. Ons hou die groepie klein met ongeveer 6 kinders wat saam goedjies maak (plus natuurlik boeties en jonger sibbe wat speel terwyl hulle besig is). Die meisies (en soms hul boeties) ontdek saam verskillende vorme van kunsvlyt. Dis ‘n heerlike informele, goedkoop manier om nuwe dinge te ontdek en die klomp meisiekinders kuier heerlik om die tafel terwyl hul werk.

iPhone1

Lees voort

Categories: Kunsvlyt, Tuisonderrig, Uncategorized | Sleutelwoordw: ,,,,,,, | 1 Kommentaar

Inkleur lekkerte

Een van die lekkerste goed wat ons die jaar ontdek het was volwasse inkleurprente. My kinders wat nog nooit mal was oor inkleurboeke nie, is absoluut versot op die prente. Daar is soveel meer detail om in te kleur en te geniet.

Veral op reëndae kan ons vir ure sit en saam inkleur. Dit is net ‘n heerlike aktiwiteit om saam te doen. Selfs ouma het saam ingekleur toe sy hier gekuier het. Hulle hou ook daarvan om die prente met waterverf te verf.

Natuurlik wil kleinsus saam teken en haar sketse het al groot ongelukkigheid veroorsaak.

201553.jpg

Op hul wenslysie vir die jaar is Johanna Basford se Secret garden Inkleurboek. Ek is nog nie seker of ek dit vir hulle moet kry (of sommer net vir my self wil hou nie). Ons is versot op die detail van haar sketse en die verskuilde items wat daarin versteek is nie.

Categories: Alles in 'n dag, Kunsvlyt, Uncategorized | Sleutelwoordw: ,,,,, | 3 Kommentaar

Waterverf papier in ‘n kits

‘n Ruk terug het ek op die idee afgekom om jou eie waterverf papier te maak. Dit is so eenvoudig en soveel pret. Dit was dus sommer ons kunstige Maandae projek.

201531 Lees voort

Categories: Kunsvlyt | Sleutelwoordw: ,,,,,, | 2 Kommentaar

Vakansie kuns

Tydens die vakansie was daar nou nie kunstige Maandae nie, maar dit beteken nie dat die kinders nie met hul eie projekte vorendag gekom het nie. Ek wil sommer met julle ‘n paar van die dinge deel wat hulle uitgedink en gemaak het.

201515

Lees voort

Categories: Graad 2, Graad R, Kunsvlyt, peuter | Sleutelwoordw: ,,,,, | 3 Kommentaar

Pastel en kontras

Ons het besluit om vir kunstige Maandae die kinders vrye teuels te gee. Ons gaan bloot vir hulle ‘n medium gee om mee te werk en hulle kan daarmee maak wat hulle harte ook al begeer. Wel dit is die plan vir nou. Soos ek ons ken sal dit seker weer iewers verander.

Tog probeer ons so ‘n vinnig lessie in kuns ook inwerk. Die laaste “les” het ons oor kontrasterende kleure gepraat. Party van hul het dit toegepas, ander nie. En hulle kon met olie pastel werk. Lees voort

Categories: Kunsvlyt | Sleutelwoordw: ,,,,, | 3 Kommentaar

Waterlelie avontuur

Uit ‘n paar oorde hoor ons dat die waterlelies, en veral hul blare, ongelooflik mooi is in die botaniese tuine. Net daar besluit ek en my kunstige – / wetenskap Maandae vriendin dat dit soos ‘n uitstappie vir ‘n Maandag klink. Ons kan immers sommer die wetenskap (botanie) en kuns kombineer!

Die kinders is heel opgewonde en gewapen vir die uitstappie met rugsakke met hul kuns goed in. Sommer by die eerste poel sien hul ‘n ruspe raak wat op ‘n waterlelie blaar sit. Of sy ma hom nou met opset daar gelaat het en of hy ingeval of gewaai het sal ek nou nie weet nie. Of dalk het die rakker ‘n slukkie water kom drink. Hoe dit ook al sy, ons het besluit om hom eerder daar te los. Ruspes is mos maar kieskeurige eters met ‘n beperkte dieet. En skuif ons hom, vrek hy dalk van die honger.

DSCF7551 Lees voort

Categories: Gratis drukstukke, Kunsvlyt, Wetenskap Maandae | Sleutelwoordw: ,,,,,,, | 10 Kommentaar

Kunstige Maandae

Ek en ‘n vriendin het besluit om die jaar saam kuns en wetenskap/eksperimente met ons kinders aan te pak. Dit skep ‘n wonderlike geleentheid vir die 7 kinders (wat tussen 1 en 11 is) om saam te werk (nie dat die jongste 2 iets meer doen as krap op die stadium nie) en agterna lekker saam te speel en kuier.

Vir ons was dit ‘n oplossing om ‘n paar Rand te spaar, maar ook hope tyd. Kuns en wetenskap klasse word gewoonlik vir verskillende ouderdomme op verskillende tye aangebied. Ons 2 jaag klaar so baie rond vir die kinders se gimnastiek dat ons regtig probeer om af te skaal in ander areas. Dit gaan wel beteken dat ek my kreatiewe sy bietjie gaan moet afstof. Vandat die kinders gebore is het ek my kuns goed weg gebêre. Ons het net nooit ‘n vertrek gehad waar ek veilig kon werk en die deur toe trek sodat hulle nie chaos daarin veroorsaak nie. En watter kind kan immers verf, pastel en kleur potlode uitlos! Lees voort

Categories: Graad 2, Graad R, Kunsvlyt, peuter, Tuisonderrig | Sleutelwoordw: ,,,,, | 8 Kommentaar

Reënboog partytjie

Dit is weer die begin van ‘n nuwe skooljaar en tyd om dit te vier! Laas jaar het ons ‘n mors partytjie gehad. Hierdie jaar het ‘n reënboog in ons tuin neer gestort. Of was dit verfblikke wat ontplof het?  Hmm, dalk moet ek eerder sê dat hulle gemors het met verf, hope verf. Hulle het geverf op ys, met ys, teen die vensters, op die plaveisel, op papier en op hulself!

Die kinders sien nou al so lank uit na die partytjie. Van hul maats van laas jaar wou sommer vroeg-vroeg al weet wanneer ons die jaar dit gaan doen en wat ons die keer beplan.

Ek het inspirasie gekry vir al die pret op http://learnplayimagine.com/. Dit was nogal ‘n taak om tussen al die baie idees net ‘n paar te kies.

20155 Lees voort

Categories: Graad 1, Graad 2, Graad R, kleuter, Kunsvlyt, peuter, Voorskool | Sleutelwoordw: ,,,,, | 8 Kommentaar

Ons 2014 hoogtepunte

So is nog ‘n jaar vinnig besig om leeg te hardloop. Die een, voel dit vir my, is in ‘n oogwink verby. Ek gaan lieg as ek sê dat dit ‘n jaar net van maanskyn en rose was. Met ‘n baba in die huis, wat nog die waarde van slaap moet ontdek, was ons klomp maar heel party dae verlep. Dankie tog dat ons nie die “school run” moes doen nie. Ek is nie so seker of ek dit sou oorleef het saam met die huiswerk en al die ander skool aktiwiteite nie. Ons kon gelukkig ons pas aanpas by almal se energie en konsentrasie vlakke.

Tog was selfs die min slaap ‘n seën. Ek het geleer dat ek meer kan ontspan. Dat my kinders meer leer as ek minder in meng. En dat liefde en aandag baie dinge reg toor. God se genade is genoeg vir vandag en more sal vir homself sorg.

Maar terug na al die hoogtepunte wat ek wil deel. Ons 7-jarige het die jaar afgeskop met sy eerste 200 stuk legkaart. Dit was nogal ‘n uitdaging vir hom. Nou net ‘n paar maande later vra hy dat ons saam ‘n 1500 stuk aanpak en so stuk stuk bou hy dit. Natuurlik kla hy aan die einde dat ek te veel gehelp het en ruk toe weer groot dele uit mekaar en bou dit oor! Hy het dit so geniet dat ons nog ‘n 1000 stuk uit haal. Die is nou al amper klaar en hy het die meeste daarvan self gebou.

2014-11-20-1865 Lees voort

Categories: Graad 1, Kunsvlyt, Ons lees, Tuisonderrig, Voorskool, wiskunde | Sleutelwoordw: ,,,, | 8 Kommentaar

Create a free website or blog at WordPress.com.