Afrikaans die wêreld vol

Toe ek ‘n jaar en ‘n half terug die blog begin het om al die ver familie en vriende op hoogte te hou van al die kinders se manewales het ek werklik nie verwag dat dit wyd gelees sou word nie. Ek weet nie of ander bloggers ook na die statistieke op hul blogs gaan loer nie, maar myne verbaas my gereeld.

Wie sou dink die 2 gewildste “posts” sou wees oor ‘n gehekelde kombers en ‘n kaapse dwerg verkleurmannetjie wat die kinders in ons tuin ontdek het. Wat my egter meer verbaas is dat ‘n Afrikaanse blog so reg oor die wêreld gelees word.

Ek besef ons nasie bly al die wêreld vol, maar sjoe. Net in die laaste 5 maande is die blog in 39 lande besoek. Dat dit in Suid-Afrika, die VSA, die VK en Namibië die meeste gelees word is seker verstaanbaar. Belgie, Brasilië, Ysland en Venezuela en vele ander verbaas my egter (ook dat Australië en Nieu-Seeland laag op die lysie lê). Of miskien moet dit my ook nie so verbaas nie. Deesdae kan mens mos webblaaie vertaal, nie dat ek weet hoe iemand dit kan lees nie. Ek het al een van my eie stukke in Engels so vertaal en het my dood gegiggel. Sjoe, die vertalings is regtig nie lekker nie. Of miskien lees mense dit juis om bietjie lag in hulle dag te sit. Die vertalings klink al te veel soos die Engels wat mens op party Chinees vervaardigde produkte kry. Mens wonder dikwels wat hulle nou eintlik probeer sê het.

Ek hoop tog van harte dat baie van die lesers wel Afrikaans is en ons pragtige taal vir hulle kinders leer! Ek moet erken tot onlangs sou ek nooit daaraan dink om inligting op die internet in Afrikaans te soek nie. Dis eers toe ek vir die kinders goed begin soek dat ek besef het watter ongelooflike verskeidenheid inligting in ons eie taal beskikbaar is. Dit bly darem net lekker om iets in jou taal te lees.

Advertisements
Categories: Alles in 'n dag | Lewer kommentaar

Artikelnavigasie

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Create a free website or blog at WordPress.com.

%d bloggers like this: