Ellard’isms

Wel ek is so ver agter met die blog ding dat ek eers sal moet inhaal. Ek het gedink ek moet begin om van Ellard se sê-goed neer te pen.

13 Januarie 2011: Ons was so besig dat Ellard nooit tyd vir storie kyk gehad het nie. Hy besef dit toe ons na 4 op pad is poskantoor toe en wil toe so gou moontlik terug sodat hy iets kan kom kyk voor pa huis toe kom. So in die loop loop en sing ek en Salomie lawwe liedjies. Hy haak toe af: “Ek het nie tyd vir raas nie”. So gelag vir hom. Kan mens so haastig wees om DVD te kyk!

6 Januarie 2011: Salomie moet slaap, maar is met alles behalwe dit besig in haar bed. Toe stamp sy haar kop teen die muur en Ellard haak af: “dis die blinde sambok”. Lekker gelag. Hy’t al mooi geleer jou sondes haal jou altyd in.

Hier is ‘n paar voor 22 November 2010:
– Van sy sussie: “Ek wil haar eet, sy is kossies”
– “My tummy is rumbling” en toe ek vra wat dit nou in Afrikaans moet wees “my magie grom” – dis nou van die honger as iemand gewonder het.
– “Ek word groter en groter. Tot by die dak. Ek gaan die dak ‘broke’”
– Na hy stout was en nie wou ophou om sussie se skopfiets teen alles vas te ry nie, vat manlief die fietsie en sê hy gaan dit weggooi. Ellard se reaksie: “Pappa gaan hom weggooi, (en toe met groot verligting) maar hy kan hom nie weggooi nie. Hy’s te groot.”
– Sy Croc se bandjie het afgeval. Toe ek vra waar dit verloor het verduidelik hy “dis in die pomp af. Die pomp buite by die pad”. Het mamma maar ‘n rukkie gevat om te verstaan hy bedoel die riool gate langs die pad. Beste van als was dis nie waar dit weg geraak het nie. Hy’t egter onthou dat ek gesê het hy moenie te naby speel nie, want goed kan daarin val en dan’s dit weg.
– “you forgot to flush the ‘toilet’ “- Ai, dit raak erg as daar nog net 1 Afrikaanse woord in ‘n hele sin is.
– Een aand toe ek by hom kom pla, die muskiete weer. “Ek het ‘n muskiet verby sien vlieg. Toe vlieg hy uit die deur.” (met die maak ek toe die deur toe, sodat dit kan buite bly). “Dan moet jy die liggie afsit, anders kom die muskiete onder deur”. Slim man om te besef ‘n muskiet is klein genoeg om onder die deur deur te pas.
– “Ek het hom daar gesit, sodat ek hom kan gebruik vir ‘three minutes’ ” – dis nou ‘n stok wat hy geplant het en sus nie mee mag speel nie.
– En dan die beste vir laaste. Daar’s ‘n oulike hond wat met ons hond, Tressa, in die park gespeel het. Ellard bly praat van “doglessa”. Ek het besluit dis maar die naam wat hy vir hom gegee het. Die aand vertel ons egter vir pappa van die woef en manlief wil weet watse soort hond dit was. Toe ek antwoord ‘n Jack Russel, herhaal Ellard dit stadig, tot hy dit reg gesê kry. Dis eers toe dat ek besef doglessa is sy poging om Jack Russel te sê.

12 Oktober 2010: Ellard het gesit en kyk terwyl ek skottelgoed was en haak toe af: “Jy is ‘n mooi mamma wasser”. Ten minste waardeer iemand blykbaar die tyd wat ek voor die wasbak deur bring.

4 September 2010: Toe ons weer die ander aand vir Dawid en Goliat lees sê ek vir Ellard dat God hom ook kan sterk maak soos vir Dawid. Sy antwoord: “Ek dink God moet uit my magie kom”. “Magie?” vra ek. “Hartjie bedoel ek” sê hy, “maar hoekom?” vra ek. “Sodat hy my ook groot en sterk kan maak”.

“My bene is te vlak”- Dis nou om te sê ek moet hom dra, hy’s te lui/moeg
En vroeg oggend as hy koue drinkgoed kry: “My hande is styf” – koud
“Lightning McQueen is mooi, Hy’s special
“Sal dit ‘n idea wees, mamma”. Dis nou idea in engels, nie idee nie.
“Mamma kyk vir my, ek wil vir jou ‘n geheimpie vertel”- Hmm, wonder wie het al een keer teveel vir hom gesê om vir my te kyk as ek met hom praat.

23 Augustus 2010: Gisteraand verhinder hy ons ewe mooi “ons het verloor (oftewel vergeet) om te bid.” Hy’t ons ook wysgemaak dat ek “nog ‘n keer (moet) kos maak, sodat ek (hy) groot en sterk kan word”. En toe op pad bed toe loop ons verby my skoene wat nog vol modder is van in die tuinwerk gister. Hier op moes hy net ‘n aanmerking maak “Wat is die? Mamma dis jou moddertjies”. En net om die aand af te sluit wil hy terstond ook sy sussie se sagte kameelperd he (hare is Griet, syne Piet). Ek haal dit toe maar uit haar kot en sit dit saam met Piet langs hom op die bed. Hy vat toe albei en gooi hul op die grond waar die ander sagte speelgoed ook gestrooi lê. Ek raas toe en sê hy’s lelik die speelgoed mag nie saam met sussie slaap nie, maar kan ook nie by hom slaap nie. Hoe moet hulle nou voel? En wat is die knaap se antwoord? “Mamma, al die diere (ander sagte speelgoed) maak hulle bly”. So so het Piet en Griet toe nou maar koud op die grond saam met die ander diere geslaap.

Nog ‘n paar onlangse insidente: Toe ek die ander aand van die speelgoed bere na hulle gaan slaap het druk ek per ongeluk ‘n knoppie en die ding begin musiek speel. Ellard kom uit die kamer gestorm “Shhtt, jy raas ons wakker”. So ‘n klein snip. Het net die kans afgewag wat hy die raas kon om draai.

Ek het ook ‘n ruk terug vir hom probeer verduidelik hy is Afrikaans. Sy reaksie “Ek’s nie afrikaans nie, ek’s ‘n Ellard”.

Dan praat hy ook nie van klei nie, maar van klein en in sy wereld werk dit net soos gom. Jy kan dit gebruik om goed aanmekaar te plak. Of om goed teen die visbank te plak.

Ook is dit nie stoom/wasem nie, dis stoof. Hy klim uit die stort en sê “die stoof kom uit”.

Hoe kan ‘n mens nou met ‘n suur gesig rond loop as jy heeldag en aldag met die klas sê-goed vermaak word? Tog so jammer hulle moet groot word. Mens moes hulle sommer nou kon geblik het.

 

Advertisements
Categories: Die woelwaters, Ellard sê-goed, kleuter | Lewer kommentaar

Artikelnavigasie

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Create a free website or blog at WordPress.com.

%d bloggers like this: