‘n Paar jaar terug het ek die besoeke van Kaapse dwerg verkleurmannetjies aan ons tuin gedeel en die inskrywing het nogal heelwat besoeke gehad.
Die verkleurmannetjies sien ons nog steeds net so nou en dan, want hulle kruip vreeslik goed weg. Tog bly dit altyd opwindend vir die kinders as hul weer een ontdek. ‘n Week terug moes ek weer aandete voorbereiding tot halt roep toe hulle een in die pruimboom ontdek. Hulle bly gefasineer met sy rukkerige, stadige bewegings.
Aaag – te pragtig. Hou van die voortandjie wat uit is op die 2de foto. Het die muis ooit geld gehad, of speel jul nie hierdie speletjies meer met muistande nie?
Daai een tand is nou al so lank uit en sy maat wil net nie sny nie. Dit lyk egter so skattig dat dit my ook nie pla nie.
Ag is dit nie mooi nie
Julle is bevoorreg om hulle in die tuin te he.Deesdae is trapsuutjie so skaars soos hoendertande.
Ek weet, ons voel so geseënd!
Sjoe dis die mooiste foto’s !
Dankie 🙂
Ek lees Kaapse…. en dink dadelik, die gelukkige vrou bly in die Kaap!!! Dit is klaar ‘n bonus, en dan het julle nog oulike “diertjies” ook in die tuin. Hier in die stad sien ons nie so iets nie. Mooi fotos.
Lag ek nou lekker. Ek het altyd vir manlief gesê ek sal enige plek in die land saam met hom trek solank dit net nie Kaap toe is nie! En nou sit ek hier. Winters maak my Suidwes hart nog depressief, maar dis darem toe nie so ‘n sleg plek om te bly nie 😉
Al my nooits kom ook mos waar 🙁 Waarom het ek nie daaraan gedink om te sê ek wil nooit in die Kaap gaan bly nie!!! Maar dan weer die Here ken ons hart, en Hy sou geweet het dit is ‘n groot lieg.