29 Sep 2014
Share

2014-08-08-1431

My kinders was nog altyd absoluut gek oor slakke. Hulle dra hulle rond, speel met hulle en red hul al te dikwels uit die huis. (Dalk maak dit weer op vir al die wat seer kry in die proses.) Ons moes seker lankal meer oor die slymerige gediertes geleer het.

Van al ons skootboeke was die een tot dus ver die meeste pret. Daar was lekker slak eksperimente in en sommer heelwat kunsvlyt. Dalk die dat dit so ‘n treffer was.

Die 2 woelwaters moet ‘n klomp slakke bymekaar maak vir ons eksperimente. Ons het gekyk wat plak aan slak slym, of slakke van warm of koue beter hou en waarop hulle die vinnigste beweeg. (Al die slakke het ongedeerd daarvan af gekom, ek kan ongelukkig nie sê of hulle getraumatiseerd was deur die ervaring nie 😉

DSCF5831Vir kunsvlyt het ons slakke van papierborde gemaak, ‘n oulike papier slak gemaak en ook spiraalslakke geknip. Ons het slak somme gedoen. Eintlik het ons soveel ekstra goed gedoen dat ek lêersakkies agter hul boeke geplak het om dit alles in te kon bêre. Vir kunsvlyt idees oor slakke gaan loer in by http://www.daniellesplace.com/html/snailcrafts.html

DSCF5834Ek het ‘n slak woord soek geskep op http://worksheets.theteacherscorner.net/make-your-own/word-search/.

DSCF5832

Ek het die werkvel oor die slak vertaal. dele van 'n slak

En weereens was daar ‘n oulike slak “lapbook” by  http://www.homeschoolshare.com/snails.php. Daar is heelwat om te doen, maar hier is 3 van die werksvelle/aktiwiteite wat ek vertaal het:

wat plak aan slak slym – ‘n Eksperiment om te kyk wat aan slak slym plak. Ons het slakke oor ‘n spieël laat loop en toe gekyk wat plak aan hulle slym spore. Sand en blare het maklik geplak

Slym feite – Interessante feite oor grillerige slak slym

Slak dop feite – 5 feite oor slakke se doppe