Posts Tagged With: wiskunde aktiwiteite

V&A: Maaltafels

Ek kry dikwels navrae via die webjoernaal en het gedink om van die antwoorde met julle te deel.

Ek wil my kind (10j oud) help met die maaltafels. Wat stel jy voor? Hy sukkel met dit.

Daar is ongelukkig nie iets wat vir almal gaan werk vir maaltafels nie. Die belangrikste eerste stap is om seker te maak hy verstaan maal. Dat dit herhalende optel is. 3×4 is eintlik maar net 3 + 3 + 3 + 3. Om dus te tel in 2’s, 3’s ens is ‘n goeie manier om te begin werk aan die konsep. Beweging is ‘n wonderlike manier om vir party kinders te help hier mee. Hy kan byvoorbeeld trappe spring terwyl hy die veelvoude sê (of selfs op ‘n trampolien – elke keer as hy in die lug in opgaan moet hy die volgende veelvoud sê).

As hy dit gesnap het kan julle begin werk om dit te memoriseer, sodat hy nie telkens hoef op te tel om die antwoord te kry nie.

Ongelukkig beteken dit dat heelwat herhaling nodig is (net soos wat dit was om optel en aftrek vinnig te doen 🙂

Jy gaan bietjie moet eksperimenteer om te vind wat die beste metode vir hom is om dit aan te pak, want kinders verskil en dit wat vir elkeen werk gaan dus ook verskil.

My oudste hou byvoorbeeld van kompetisie (veral teen homself) en dus help dit hom om te kyk hoe gou hy 10 maalsomme reg kan doen. Ek het vir hom ‘n paar somme uitgesoek waarmee hy sukkel en dit saam met ‘n paar gegooi wat hy al ken. Hy moes toe kyk hoe vinnig kan hy 10 daarvan doen. Elke dag het hy ‘n ander kombinasie van dieselfde somme gekry en het probeer om sy tyd te verbeter. Vir hom werk die metode. Jy kan loer na ‘n bladsy van die somme wat ek vir hom gemaak het by https://web.facebook.com/sommer.pret/photos/a.152944065074535.1073741827.152488621786746/578198995882371/?type=3&theater. Dit is egter belangrik om nie die metode te volg as jy ‘n kind het wat reeds angstig is oor wiskunde nie! Jy wil nie sy stres verhoog nie! Dis net ‘n manier om uitdaging in te bou vir ‘n kind wat wel hou van ‘n uitdaging.

As hy van speletjies hou het ek 3 speletjie pakke wat kan help. Jy kan loer by https://lomi.co.za/speletjies/. Dit is speletjies wat jy saam met hom kan speel om herhaling in te bou en memorisering makliker te maak. Daar is Speel­-Speel Maaltafel en Meeste maaltafels in ‘n ry. Jy kan ook loer na Pret met Getalle. Dit is idees hoe om met speletjies somme te oefen (jy kan telkens self besluit of jy optel, aftrek of maal wil oefen.)

Ek hoop julle vind iets wat hom sal help om op ‘n lekkerder manier sy tafels te leer!

Advertisements
Categories: Graad 3, Graad 4, Graad 5, Uncategorized, wiskunde | Sleutelwoordw: ,,,,,, | 1 Kommentaar

Somme(r) Pret: Watter graad?

Die een vraag wat ek konstant kry vandat die Somme(r) Pret reeks beskikbaar is is vir watter graad is die verskillende boeke geskik.

sommer pret Lees voort

Categories: Graad 1, Graad 2, Graad 3, Graad 4, Graad 5, Graad 6, Uncategorized | Sleutelwoordw: ,,,,,,,,,, | 2 Kommentaar

Somme(r) Pret is hier!

Ek is so opgewonde. My splinter nuwe wiskunde aktiwiteitsboeke, Somme(r) Pret, is hier! Ek is seker my kinders het lankal besluit ek gaan nooit hiermee klaar kry nie.

IMG_2138

Die boeke kos R60 elk (posgeld uitgesluit). Vir meer inligting oor die boeke gaan na  https://lomi.co.za/sommer-pret/.

Bestel enige van die Somme(r) Pret boeke voor die vakansie (30 September 2016) direk by my en ontvang ‘n gratis digitale Robot Pret-Pak per e-pos (in pdf formaat). Die pret-pak bevat 15 robot aktiwiteite, onder andere my kinders se 10 gunsteling tipe aktiwiteite uit Somme(r) Pret 1 en 2, ‘n woordsoek, raaisel en inkleurprent.

pret pak 1

Sou u belangstel om ‘n bestelling te plaas, vul asb. die Bestelvorm  in en stuur dit saam met u bewys van betaling (totale bedrag van u bestelling), aan my by info@lomi.co.za. Vind asb. die Bankbesonderhede op die Bestelvorm.

Categories: Uncategorized, wiskunde | Sleutelwoordw: ,,,,, | Lewer kommentaar

Create a free website or blog at WordPress.com.