Graad 6

Graad 4 tot 7 produkte

Ek het nou al gefokus op die voorskoolse en grondslagfase produkte wat ek beskikbaar het. Vir graad 4 tot 7 het ek nog nie so baie geskep nie. Die afdeling behoort stelselmatig te groei (2 van my kinders is immers tans in die grade).

Selfs met die ouer kinders is dit altyd belangrik om terug te keer na konkrete werk as hulle met nuwe konsepte begin. Moet dus nog nie die konkrete apparaat (soos tellers, blokkies en krale) wegpak nie!

In my Somme(r) Pret reeks is Somme(r) Pret 2 en 3 beskikbaar vir die grade. Dit bevat 30 wiskunde aktiwiteitsbladsye en kos R40. Dit is ook beskikbaar in Engels as “Number Ad(d)venture 2/3”

Die Ridder en Prinses Pret­pakke bevat elk 8 aktiwiteite vir graad 4. Die twee pret­pakke se aktiwiteite is dieselfde, die tema verskil net om dit meer geskik te maak vir seuns of dogters. Dit bevat optel en aftrek, maalsomme, ‘n grafiek, breuke, patroon ontwikkeling, posisie in ‘n rooster, omtrek en oppervlak aktiwiteite. Dit kos R8 elk

Die Robot Pret Graad 5 bevat 9 aktiwiteite (met antwoordstel). Dit bevat basiese berekeninge, breuke, koördinate, wins en verlies, volume, oppervlak, omtrek en ‘n logika probleem. En kos R9.

Robot graad 5 vb

Pret met getalle bevat 8 speletjies vir 2 of meer spelers om optel / aftrek/ maal somme mee te oefen. Jy kies self aan watter vaardigheid julle wil werk. Die speletjies maak gebruik van 4 draaiers (spinners) om getalle tot 5, 6, 10 en 12 onderskeidelik kan draai. Gebruik die 5 en 6 draaiers vir jonger kinders wat nog met kleiner getalle werk vir optel/aftrek/maal en die 10 en 12 draaier vir ouer kinders wat al met groter getalle kan werk. Die pak sluit ook flitskaarte in wat in die plek van die draaiers of dobbelstene gebruik kan word. Al die wonderlike idees vir net R5
Pret met getalle vb

Speel­-Speel Maaltafels bevat 4 speletjies om maaltafels mee te oefen. Die eerste 2 vir tafels tot by 6×6 (dobbelsteenspeletjies). Die 3de speletjie maaltafels tot by 12×12. En die 4de speletjie vir tafels van 3x tot 9x tafels. Dit kos R6 en is ook beskikbaar in Engels.Speel-speel maaltafels vb

Meeste maaltafels in ‘n ry bevat 10 bladsye om 2, 3, 4, 5, 6, 7, 8, 9, 10 en 11 maaltafels tot by 10x te oefen en kos R6. Dit is ook beskikbaar in Engels.

langste maaltafel

Maaltafelparkering bevat ‘n speletjie om maalsomme van 2X2 tot by 7×7 te oefen. Druk die dobbelsteen en parkeerarea (9 bladsye) uit en parkeer speelgoedkarretjies op die antwoord van die maalsom. Dit kos R5 en is ook beskikbaar in Engels.
parkering-voorbeeld1.png

Gratis om af te laai is die 2 spoedtoetse. Die idee is om te kyk hoe vinnig en/of akkuraat ‘n kind 10 somme op ‘n slag kan doen. Dit is vir kinders wat van kompetisie hou en graag hul eie tyd wil verbeter. BAIE BELANGRIK – moet asseblief nie die gebruik as jy ‘n kind het wat reeds angstig is oor wiskunde nie!!! Wiskunde angs (Maths anxiety) is een van die groot dinge wat kinders in wiskunde pootjie en spoedtoetse is dikwels die begin van die probleem. Moet ook nie aanhou om dit te gebruik as jy sien jou kind raak angstig daaroor nie.

getal vd dag 3 voorbeeld

My kopieerboek: Drukskrif is 45 bladsye met kopieerwerk en aktiwiteite om drukskrif te oefen. Dit bevat onder andere teksverse, gedigte van Leipoldt, woordsoorte, Suid­Afrika se provinsies, en maande sowel as aktiwiteite soos doolhowe, teken en prente
kopieer, patrone uitbrei en inkleur. Vir ouer kinders wat reeds lettervorming geleer het en hul drukskrif wil verbeter. Dit kos R30.

drukskrif vb1

My kopieerboek: Lopende skrif is 55 bladsye met kopieerwerk en aktiwiteite om lopende skrif te oefen. Dit bevat onder andere teksverse, gedigte van Leipoldt, meer gevorderde woordsoorte, Suid­Afrika se tale en simbole, planete en boeke van die Bybel sowel as aktiwiteite soos doolhowe, teken en prente kopieer, patrone uitbrei, woordsoek en inkleur.  Dit kos R37

Lopendeskrif 1

Vir ‘n volledige katalogus van produkte gaan na: Lomi katalogus Afrikaans Julie 2019 of Lomi catalogue English.  Of kontak my by info@lomi.co.za

Categories: Graad 4, Graad 5, Graad 6, Uncategorized, wiskunde | Sleutelwoordw: , | Lewer kommentaar

Raak Vry (vervolg)

Ek het reeds geskryf oor hoe ons ons kan los maak van die klaskamer mentaliteit. Vir baie maak dit s’n ten opsigte van lees en skryf, maar dan kom die vraag altyd: Wat van wiskunde? Ons kan tog mos nie net wiskunde los nie! Lees voort

Categories: Graad 1, Graad 2, Graad 3, Graad 4, Graad 5, Graad 6, Graad R, Tuisonderrig, Uncategorized, wiskunde | Sleutelwoordw: ,,, | 1 Kommentaar

Nog wetenskap pret

Ons het die laaste 2 kwartale meer gestruktureerd probeer werk tydens ons Wetenskap Maandae. My vriendin wat meer biologie agtergrond as ek het het met die kinders “Exploring Creation with Human Anatomy & Physiology” begin behandel.

iphone21 Lees voort

Categories: Eksperimente, Graad 1, Graad 2, Graad 3, Graad 4, Graad 5, Graad 6, Tuisonderrig, Wetenskap Maandae | Sleutelwoordw: ,,, | Lewer kommentaar

Somme(r) Pret: Watter graad?

Die een vraag wat ek konstant kry vandat die Somme(r) Pret reeks beskikbaar is is vir watter graad is die verskillende boeke geskik.

sommer pret Lees voort

Categories: Graad 1, Graad 2, Graad 3, Graad 4, Graad 5, Graad 6, Uncategorized | Sleutelwoordw: ,,,,,,,,,, | 2 Kommentaar

‘n Kwartaal van eksperimente

So het die eerste kwartaal tot ‘n einde gesnel en staan ons al weer op die vooraand van ‘n nuwe kwartaal. Ons het laas kwartaal weer ‘n paar interessante dinge gedoen op ons wetenskap Maandae. Voor die nuwe kwartaal afskop wil ek dit graag met julle deel.

Ons het die jaar afgeskop deur te praat oor hoe ‘n regte eksperiment gedoen word. Dat jy eers kyk wat jy wil toets, dan besluit hoe jy dit gaan toets, wat jy dink gaan gebeur. Daarna volg die eksperiment. Laaste word gekyk wat gebeur het (of dan nou nie gebeur het nie) en hoekom jy dink dit so is. As ‘n voorbeeld het ons gekyk na die spoed waarteen papier helikopters val. Ons het die helikopters van http://paperairplanes.co.uk/heliplan.php en http://www.paperhelicopterexperiment.com gebruik. Die kinders het beurte gemaak om die helikopters te laat val, terwyl van die ander met stop horlosies moes meet hoe vinnig dit val. Telkens het 2 gemeet en dit was ‘n goeie les, omdat hulle kon sien dat elkeen se tye verskil het as gevolg van menslike foute. Ons het ook elke helikopter meer as eenkeer laat val, sodat hulle kon sien dat die omgewing ook ‘n invloed het. Aan die einde het ons gemiddeldes uitgewerk en gekyk watter helikopters die stadigste en vinnigste geval het. Ironies genoeg het die oorspronklike eenvoudige helikopters die stadigste geval. Die beste was toe ek aan die einde vir hulle verduidelik dat aan die einde van ‘n eksperiment mens alles van die begin hipotese tot die resultate en gevolgtrekkings alles moet dokumenteer. Hulle was nie beïndruk met die gedagte dat hulle dit dalk nou moes doen nie. Ons ma’s het lekker gegiggel. Duidelik geniet hulle die doen van eksperimente, maar nie die papier werk deel daarvan nie. Lees voort

Categories: Eksperimente, Graad 1, Graad 2, Graad 3, Graad 4, Graad 5, Graad 6, Uncategorized, Wetenskap Maandae | Sleutelwoordw: ,,,,,,,,,, | Lewer kommentaar

Van magnete tot ontkiemende sade

Ek was uiters sleg daarmee om die kwartaal die blog op datum te hou. Tog wil ek ‘n vinnige oorsig gee van wat ons op Wetenskap Maandae gedoen het. Van die aktiwiteite/eksperimente het die 2 jariges saam gedoen. Terwyl ander net die kinders tussen 6 en 12 gedoen het.

HTC11.jpg

 

Lees voort

Categories: Eksperimente, Graad 1, Graad 2, Graad 3, Graad 4, Graad 5, Graad 6, Graad R, Tuisonderrig, Uncategorized, Voorskool, Wetenskap Maandae | Sleutelwoordw: ,,,,,,,, | 1 Kommentaar

Vulkaan eksperimente

My kinders was nog altyd gefasineer met vulkane. Ek weet nie werklik hoekom nie. Maar al te gereeld kom die fassinasie uit in hul verbeelding spel.

‘n Ruk terug het ons dus vir ons Wetenskap Maandag ‘n paar eksperimente gedoen wat die werking van ‘n vulkaan verduidelik. Ek ontdek die foto’s gister op my selfoon en wou dit graag deel.

Al die oulike eksperimente kom uit 150 Great Science Experiments

IMAG0966 Lees voort

Categories: Eksperimente, Graad 1, Graad 2, Graad 3, Graad 4, Graad 5, Graad 6, Graad R, Wetenskap Maandae | Sleutelwoordw: ,,,,,,,, | 4 Kommentaar

Die wonder van kleure

Ons Wetenskap Maandae het weer afgeskop vir die nuwe kwartaal. Die week het ons kleur gebruik om te leer van digtheid en na die interaksie van seep en vette.

HTC5

Lees voort

Categories: Eksperimente, Graad 1, Graad 2, Graad 3, Graad 4, Graad 5, Graad 6, Graad R, Tuisonderrig, Wetenskap Maandae | Sleutelwoordw: ,,,,, | Lewer kommentaar

Create a free website or blog at WordPress.com.