Graad 7

Die boksies wat druk

Terwyl ons kinders klein is verstaan ons dikwels dat kinders nie teen dieselfde spoed ontwikkel nie. Almal sit nie op presies 6 maande nie en loop teen 12 maande nie. Almal is ook nie van die doeke af op 2 nie.

My oudste meisiekind is amper 12 en het nog net 8 tande gewissel. Meeste van haar maats het daar getrek rondom 9! Daar is niks fout met haar nie en niks wat ek kan doen om die tande wissel aan te hits nie. Hoekom sou mens in elk geval wou?

Ons verstaan dit as dit by gewone kinderontwikkeling kom, maar glad nie as akademie in die prentjie kom nie. Dan moet elke graad 1 dieselfde werk kan baasraak. Dis effe onrealisties.

Juis om daardie rede sal jy vind dat baie tuisskolers nie vreeslik gek oor grade is nie. Meeste van hulle het ontdek dat hul kind akademies nie in een graad is nie. Hul mag ‘n graad voor wees in van die vakke en ‘n graad agter en ander.

Ek vermoed skoolma’s sien dit ook, hulle maak net nie altyd die korrelasie dat ‘n kind wat baie goed in een vak is dalk eintlik ‘n graad voor is en dat die vak waarmee hulle spook hul waarskynlik net nog in die vorige graad ontwikkelings gewys is nie.

Dit strek egter wyer as dit. Ek is oortuig die boksies (grade) waarin ons kinders plaas is ‘n groot hindernis. Nie net pootjie dit die wat dalk ‘n paar maande later eers reg is nie. Maar dit pootjie ook die wat voor is.

Hoekom sê ek so? Ek is oortuig dat kinders vasgevang word in die verwagtinge van hul graad. Dit perk hul in. Ek gaan my oudste as voorbeeld gebruik.

Vroeg reeds het ek besef sy kop werk anders. Alles om hom sien hy in hoeveelhede en patrone en die verwantskappe tussen dit. Hy sou op 5 in ‘n Playball les in gestap het en dadelik getel het hoeveel vorms daar is, seker gemaak het al die maatjies is daar (elk het ‘n vorm gehad waarop hul moes staan) en dan begin apparaat tel het en gesê het daar is te min hoepels, of twee twee kinders gaan ‘n bal moet deel.

Hy was mal oor somme maak. Daarom het ek in graad R hom reeds ingeskryf vir Living Maths se Wiskunde olimpiade se graad 1 vraestel en hy het 1ste in die land geëindig. Hy het nooit gedink dis juis ‘n prestasie nie. Dit was net iets lekkers om te doen. So het hy die volgende jaar 1ste in graad 2 gekom, en die jaar daarna 2de in graad 3.

Alles het goed gegaan tot in graad 3. Teen daardie tyd is al wat almal mos ‘n kind vra as hul hom/haar ontmoet, “Watter graad is jy?”. Ek het besef ek sal moet plan maak dat my kinders nie soos skape mense aanstaar as hul die vraag kry nie. Ek het hul dus mooi geleer dat hy in graad 3 is en jonger sus in graad 1.

En net daar het die probleme begin. Daardie jaar toe ek die graad 4 olimpiade vraestel voor hom neersit weier hy botweg om dit te skryf. Hy is nie graad 4 nie. Hy moet die graad 3 vraestel skryf. Ek het mooi gepraat, gesoebat, verduidelik hy het reeds die vorige jaar graad 3 geskryf en net een vraag verkeerd gehad.

Alles verniet. As hy graad 3 is moet hy die graad 3 vraestel skryf. So tot my groot frustrasie het hy toe maar weer graad 3 s’n geskryf. Daarna het ek hom elke jaar probeer oortuig om een graad op te probeer. Of dan ten minste na hy sy eie graad s’n geskryf het ook die volgende graad te probeer. Sonder enige sukses. In sy kop was dit net nie moontlik om ‘n graad hoër se vraestel te doen nie. Hy’t steeds goed gevaar, 2de, 1ste en 3de in die volgende 3 jaar gekom.

Laas jaar het ek weer probeer en uiteindelik tot my groot vreugde sukses behaal. Hy was bereid om na hy die graad 7 geskryf het ook die graad 8 te probeer. Ongelooflik genoeg het ek selfs sy arm gedraai om die graad 9 te skryf.

Die gevolg. Hy het 2de in graad 7 gekom en 3de in graad 8. Hy het selfs 20 van die 25 vrae vir graad 9 reggekry!!!

Voor jul dink die ma is net aan die spog (en ja ek is trots) is dit nie my punt nie. Die punt is hy het homself beperk. Hy het limiete op sy eie vermoëns geplaas en nie eers probeer om sy volle potensiaal te bereik nie. Bloot omdat hy die boksie stelsel van grade geglo het!

Ek kan net wonder waar hy sou trek as hy elke jaar wiskunde volgens sy vermoeë aangepak het ipv volgens sy graad? As hy reeds laas jaar met graad 8 werk begin het?

En nee ek dink nie ons moet kinders konstant uitdaag nie. Ek glo hul het die ruimte nodig om teen hul eie pas te ontwikkel. Ek vermoed dat ons hope kinders se potensiaal onderdruk, maar daar is ook hope kinders wat glo hulle is te dom / te stadig / nie goed genoeg nie, bloot omdat hul eintlik net ‘n paar maande ekstra nodig gehad het om daar te kom.

Daardie selfde wiskunde kind van my is een van hulle ook. Taal en lees kom nie natuurlik vir hom nie. Hy het meer tyd nodig as baie ander om dit baas te raak.

As jy die voorreg het om jou kinders tuis op te voed, benut dit ten volle. Moenie dat die boksie van grade hulle vasvang nie. Beweeg so vinnig of stadig soos dit vir hulle nodig is nie.

As jou kinders in die skool is, en jy nie so maklik uit die boks kan klim nie, is dit steeds die moeite werd om oop gesprekke met jou kind(ers) te hê. Om gereeld vir hom/haar te verduidelik dat meeste van ons nie regtig in die graad boksie pas nie. Dat jy nie slim of dom is bloot omdat jy goeie of slegte punte kry nie. Leer hul om hul eie potensiaal te bereik en dat dit goed genoeg is!

Categories: Graad 7, Tuisonderrig, wiskunde | Sleutelwoorde: , , , | 3 Kommentaar

Leeslys van ‘n 13-jarige seun

Ten spyte van ons boeke krisis in 2020 het ons knaap 147 boeke (76 Afrikaans en 71 Engels) gelees. Genadiglik het hy die Tom Swift reeks ontdek wat gratis eboeke is, want sonder die weet ek nie hoe ons deur die grendelstaat sou kom nie.

Die reeks was dan ook sy gunsteling boeke in Engels die jaar. Hy het 26 boeke uit die reeks gelees en het nog ‘n paar oor. Hy verkies egter nog regte boeke, so het eers die e-boeke weg gepak, toe ons weer boeke kon begin uitneem by die biblioteek. Hy het ook ‘n resensie oor die reeks geskryf.

Sy gunsteling Afrikaanse boeke vir 2020 was Taman van die oerwoud deur WS Sutherland, 20,000 myl onder die see deur Jules Verne en Simon van Garderen se boeke, Christo de Lange – Leerling Vlieenier en Christo de Lange – Vegvlieenier.

Die volledige lys van die boeke wat hy in 2020 gelees het was:

In Afrikaans:
1. Kuifie: Bestemming maan – Herge
2. Kuifie: Verkenners op die maan – Herge
3. Kuifie: In die land van swart goud – Herge
4. Jamie en Sebastiaan en die storiemol – Martie Kruger en Martie Preller
5. Taman van die oerwoud – WS Sutherland
6. Agent Snoet en die Windlawaai – Francois Bloemhof
7. Agent Snoet en die Groen Genugtig – Francois Bloemhof
8. Genadelose vyand – Lourens Oberholzer
9. Vrees in die vierde dimensie – Allen Sharp
10. Die seeboek van die sonderkossers – Jan Rabie
11. Die skat van Carlos Da Costa – Rudi Venter
12. Karel Kameleon en die Towerdrankie van Professor Borrie – Dhooge
13. Karel Kameleon en die Geheime Tempel – Dhooge
14. Agent Snoet en die Hondelewe – Francois Bloemhof
15. Totdat die skaduwees oorwaai – Forona Bosmann
16. Hart van Java – ID du Plessis
17. Die Stellalander – HS van Blerk
18. Avonture in die Cederberge – Kowie Rossouw
19. Onheil in die Kuiseb – Doc Immelman
20. Die Edelvalk van Donderkruin – HS van Blerk
21. Gerrie en die smokkelaars
22. Robbie maak moles – Joey G van Niekerk
23. Speurder Robbie – Joey G van Niekerk
24. Die laaste superkrok – Ida Bester-Grabe
25. Gampietjie – Topsy Smith
26. Gampietjie en die vlugteling – Topsy Smith
27. Gampietjie op Gansville – Topsy Smith
28. Professor Frisko se penarie – Corlie Putter
29. 20,000 myl onder die see – Jules Verne
30. Die rooikatte word speurders – Tonie Roux
31. Anderkant die horison – Herman Steytler
32. Leon die lokvink – Pieter Delport
33. Die verklikker – Marilee McCallaghan
34. Sending Reijger – Rocco van Schalkwyk
35. Nag van die seewolf – Jan Combrink
36. Donkermaan oor die kasteel – Louis van Rooyen
37. Dood is ‘n storie – Frans Fourie
38. ‘n Reeks ongelukkige gebeure: Die Reptielkamer – Lemony Snicket
39. Meneer Ghong en Napoleon – Jan Combrink
40. Vlug vir ‘n gedrog – Jan Combrink
41. Berg van Geheime – Pieter Pieterse
42. Slagters van die Limpopo – Pieter Pieterse
43.Om ‘n kierie te keer – Pieter Pieterse
44. Die Soektog – Doc Immelman
45. Smokkelaars in die nag – Pieter Pieterse
46. Die tuiskoms van Zack Becker – Doc Immelmal
47. Woestyndiamante – Clive Poole
48. Blits – Doc Immelman
49. Ruwestrand – ID Lamprecht
50. Die vaart van die Orion – JN Roux
51. Die Grys Koedoe – PG. Hendriks
52. Die Gyselaar – Anne Holm
53. Die Groot Maroelas – Doc Immelman
54. Skoenlappers vlieg voor brekfis – Prevot van der Merwe
55. Gary se wilge-avontuur – Kay Esnouf
56. Kies jou eie avontuur: Jou kodenaam is Jona – E Packard
57. Miekel die koerantjoggie – Hester Heese
58. Die wilddief van skuilvallei – Alix Prettejohn
59. Asterix en die feesmaaltyd – Goscinny
60. Kuifie en die Pikaro’s – Herge
61. Asterix en die gote – Goscinny
62. Asterix en Cleopatra – Goscinny
63. Sy naam is Seekat – Jasper M Cloete
64. Skokvlug – John Coetzee
65. Die ligblou kano – Jac J Brits
66. Christo de Lange – Leerling Vlieenier – Simon van Garderen (lewende boek oor vliegtuie)
67. Kuifie: Die tempel van die son – Herge
68. Kuifie: Vlug 714 na Sydney – Herge
69.James en die Reuse perske – Roald Dahl
70. Christo de Lange – Vegvlieenier – Simon van Garderen (lewende boek oor vliegtuie)
71. Vin: Die virusjagter – Jeanine Henning
72. Agon en die donker planeet – John Coetzee
73. Lennet en die Geheimsinnige Meneer T – Luitenant X
74. Lennet Teen die Swart Dood – Luitenant X
75. Drie Loop Saam – Kowie Rossouw
76. Lafras Cuyper: Kanonnier – Karl Kielblock

En Engels
1. The adventures of Sherlock Hound: Hound in the Highlands – Brenda Sivers
2. The adventures of Sherlock Hound: The Case of the Baffling burglary – Brenda Sivers
3. Paws for thought – Neville Crine
4. Yound Bond: Blood Fever – Charlie Higson
5. Chicken Mission: The Mystery of Stormy Island – Jennifer Gray
6. Tintin: The red sea sharks – Herge
7. Tintin: The Calculus affair – Herge
8. Young Bond: Double or Die – Bond is back – Charlie Higson
9. Young Bond: Silverfin – A James Bond Advernture – Charlie Higson
10. Outlaw – Michael Morpurgo
11. Young Bond: HurricaneGold – Charlie Higson
12. Young Bond: By Royal Command – For king and country – Charlie Higson
13. All the wrong questions 4: Why is this night different from all other nights – Lemony Snicket
14. Yakari and the Beavers – Derib and Job
15. Papyrus: The Rameses’ Revenge – de Gieter
16. House of Robots: Robots go wild! – James Patterson and Chris Grabenstein
17. A boy and a Bear in a Boat – Dave Shelton
18. Treasure Hunters – James Patterson and Chris Grabenstein
19. Astrix and the soothsayer –
20. Astrix, Obelix and Co. –
21. Tom Swift and His Motor Cycle
22. The mutiny on board HMS Bounty – William Bligh
23. Captain Cobwebb’s cobra – Gordon Boshell
24. Tom Swift and His Motor Boat
25. Tom Swift and His Airship
26. Tom Swift and His Submarine Boat
27. Tom Swift and His Electric Runabout
28. Tom Swift and His Wireless Message
29. Tom Swift Among the Diamond Makers
30. Tom Swift and His Sky Racer
31. Tom Swift and His Electric Rifle
32. Tom Swift in the Caves of Ice
33. Tom Swift in the City of Gold
34. Tom Swift and His Air Glider
35. Tom Swift in Captivity
36. Tom Swift and his wizard camera
37. Tom Swift and his great search light
38. Tom Swift and his great cannon
39. Tom Swift and his photo telephone
40. Tom Swift and his aerial warship
41. Tom Swift and his big tunnel
42. Tom Swift in the land of wonders
43. Tom Swift and his war tank
44. Tom Swift and his air scout
45. Tom Swift and his undersea search
46. Tom Swift among the fire fighters
47. Tom Swift and his electric locomotive
48. Tom Swift and his flying boat
49. Race against time: Revenge in the silent tomb – JJ Fortune
50. Purnell’s Book of Spy stories – Purnell
51. The Magic Finger – Roald Dahl
52. Asterix and the Roman Agent – Goschinny
53. Asterix and the Soothsayer – Goschinny
54. Asterix and Caesars Gift – Goschinny
55. Asterix, Obelix and Co. – Goschinny
56. Asterix in Belgium – Goschinny
57. Asterix and the Great Divide – Goschinny
58. Asterix and the Black Gold – Goschinny
59. Asterux and the magic carpet– Goschinny
60. Asterix and the Secret Weapon – Goschinny
61. Asterix and Obelix all at sea – Goschinny
62. Asterix and the actress – Goschinny
63. Asterix and the class act – Goschinny
64. Asterix and the falling sky – Goschinny
65. Asterix & Obelix Birthday – Goschinny
66. Asterix conquers America – Goschinny
67. Asterix versus Caesar – Goschinny
68. How Obelix fell – Goschinny
69. Operation Getafix– Goschinny
70. The first Asterix Frieze– Goschinny
71. The Twelve tasks of Asterix – Goschinny

Categories: Graad 7, Ons lees | Sleutelwoorde: , , , | Lewer kommentaar

Op ons boekrak 2020

Soos baie dinge in 2020 was dit nogal ‘n uitdaging om boeke vir voorlees te vind. Ons het op die ou end ‘n e-boek en ‘n hele klomp “audio” boeke bygevoeg om aan te vul.

Ten spyte van die uitdagings het ons heerlike stories gelees! My 7 jarige geniet nie altyd al die stories wat my 11 en 13 jarige geniet nie. Daarom lees ek vir haar ander stories ook voor wat meer op haar vlak is.

(Ons leeslyste vir die vorige jare kan hier gevind word – 2019, 2018 2017, 2016, 2015, 2014, 2013 en ons gunsteling lewende boeke.)

Die boeke wat ek spesiaal vir ons 7 jarige gekies het (maar wat die oudste 2 meestal ook lekker saam luister aan) was:

Heidi se vriende – Spyri
Hallo, Vos! Hallo, Haas! – Sylvia Vanden Heede
Pippie Langkous – Astrid Lindgren
Timmertak se nuwe avonture – Peet Ellison (het towery in)
Pippie Langkous gaan aanboord – Astrid Lindgren
Pippie Langkous en die Suidsee – Astrid Lindgren
Pinokkio – Carlo Collodi (fee en towery)
Jamie en Sebastiaan en die storiemol – – Martie Kruger en Martie Preller
Lana en Rakker: Speeltyd vir Rakker– Holly Webb
Lana en Rakker: Die pajamapartytjie – Holly Webb
Wolf en hond – Sylvia vanden Heede
Die stoutsterte poot aanwal – Marianna Brandt
Die stoutsterte van Texel tot TafelbaaiMarianna Brandt
Peps – Erica Lillegg
Jamie en Sebastiaan – Martie Kruger en Martie Preller

Ons voorleesboeke vir die jaar was:
Pilatus tot Molshoop – Jan Spies
Soldier dog – Sam Angus – Honde wat in die 1ste wêreldoorlog gebruik is om boodskappe te stuur.
Gelofteland – FA Venter
Die Reisiger – Karel Schoeman.
Around the world in 80 days – Julius Verne (gratis e-boek)
Gulliver van Lilliput – Jonathan Swift
Die kleine Maja en haar avonture – Waldemar Bonsels
Gulliver’s Travels: A Voyage to Brobdingnag – Jonathan Swift
Oor die nek van die draak – Maretha Maartens
Ruiter in die nag – Mikro
Geliefde Generaal – Pieter W. Grobbelaar – lewens verhaal van Generaal JBM Hetzog 1866 – 1942
Held van Colenso – CJ Scheepers Strydom – Lewensverhaar van Generaal Louis Botha. (Nie ‘n lewende boek nie en my kinders het dus swaar geluister, maar dit is interessant om die boereoorlog, en politiek daarna, uit ‘n ander generaal se oogpunt te sien)
Kinders van die wêreld 3

Audioboeke wat ons geluister het (gratis van Audible en stories wat Dawid Walliams beskikbaar gestel het tydens Lockdown):
The Green Ember – S. D. Smith
20 000 leagues under the sea – Jules Verne
Angus Mouse – Montice L. Harmon
The Case of the Prowling Bear – John R. Erickson
The Case of the Swirling Killer Tornado: Hank the Cowdog – John R. Erickson
The Case of the watermelon patch: Hank the Cowdog – John R. Erickson (My kinders het die 3 Hank stories baie geniet en heerlike gelag. Dit bevat wel toilet humor)
Worlds worst children 1 – Dawid Walliams
Worlds worst children 2 – Dawid Walliams
Worlds worst children 3 – Dawid Walliams
Bad dad – Dawid Walliams
Ice Monster – Dawid Walliams
Danny Meadow mouse – Burgess
Happy Jack – Burgess
Saving Lilly – Peg Kehret
Fox and the squirrel – Sheila Gandhi
Shelter dogs: Amazing Stories of Adopted Strays – Peg Kehret
Grandpa’s great escape – Dawid Walliams

Ons jongste het ook ‘n hele klomp Luistervink Stories geniet, maar ek was ongelukkig nie oulik genoeg om die titels neer te skryf nie.

Categories: Graad 1, Graad 5, Graad 7, Ons lees, Tuisonderrig | Sleutelwoorde: , , , | 1 Kommentaar

Graad 4-7 Wiskunde in ‘n Neutedop

Wiskunde is ‘n unieke taal. Dit bevat terme wat ons nie algemeen in ons gebruikstaal inspan nie. Dit beteken ongelukkig ook dat kinders dikwels met wiskunde spook bloot omdat hul nie verstaan wat van hulle verwag word nie.

As iemand vir jou eenvoudige vrae soos “Wat is jou naam?” “Hoe oud is jy?” of “Waar woon jy?” in Kantonees gaan vra gaan jy dit nie kan beantwoord nie (wel buiten nou as jy wel Kantonees verstaan). Dit is nie omdat jy nie die antwoorde ken nie, maar bloot omdat jy nie weet wat gevra word nie.

Wiskunde is dieselfde. Ons kinders het alte dikwels bloot net nie die woordeskat om te verstaan wat van hulle gevra word nie. Daarom het ek Graad 4-7 in ‘n Neutedop geskep. Dit bevat al die belangrikste woordeskat wat kinders nodig het om wiskunde baas te raak. Daar is ook visuele voorstellings in om dit makliker maak om die begrippe te verstaan.

In net 22 bladsye kan jy seker maak jou kind het die nodige gereedskap om ‘n wiskunde vraestel aan te pak. Dit is ook perfek om deur te werk en seker te maak jou kind verstaan die nodige begrippe om oor te skuif na hoërskool wiskunde en dit met selfvertroue aan te pak.

Dit maak nie saak watter wiskunde pakket jy gebruik nie, hierdie sal jou help met die Afrikaanse terme. Of dalk volg julle ‘n kind georiënteerde (“unschooling”) tuisskool benadering en het ‘n opsomming nodig van die belangrike begrippe.

Graad 4-7 in ‘n Neutedop kos slegs R20. Om dit te bestel gaan na Somme(r) pret / Number Ad(d)venture.

Categories: Graad 4, Graad 5, Graad 6, Graad 7, wiskunde | Sleutelwoorde: , , , , , , , , | Lewer kommentaar

Maaltafel hoofbrekings

Maaltafels leer het die vermoë om een vet kopseer te word. Omdat dit so baie gebruik word in verskillende somme (nie net maal en deelsomme nie, maar ook ekwivalent breuke, faktorisering, oppervlak berekeninge ens) probeer ons gewoonlik om kinders te kry om so gou moontlik hul maaltafels te onthou.

Die probleem daarmee is dat ons dikwels in die proses wiskunde angs veroorsaak. Ons sit te veel druk op en gebruik spoedtoetse om kinders te probeer aanmoedig. Ongelukkig veroorsaak dit te veel stres vir baie kinders. En ‘n negatiewe assosiasie met wiskunde wat lewenslank ‘n invloed op hul verhouding met wiskunde kan hê. Lees voort

Categories: Graad 4, Graad 5, Graad 6, Graad 7, Uncategorized, wiskunde | Sleutelwoorde: , , | 2 Kommentaar

As die inperking lees in die wiele ry

Ek het ‘n huis vol boekmonsters. Hulle verorber boeke teen ‘n verstommende spoed. Toe die grendelstaat aangekondig is het ek ‘n probleem verwag. Ek het 37 boeke uit geneem die laaste dag wat die biblioteke oop was. Binne 2 weke het die 3 dit egter kafgedraf.

Toe het hulle in ons boekrakke in gevaar. Boeke wat ek oor jare opgegaar het het hulle heeltemal te vinnig klaar gelees. Baie mense het altyd gesê ek gaar onnodig boeke op, dat mens dit mos bloot by die biblioteek kon uitneem. Wel hier sit ons nou en biblioteke is gesluit! En gaan nog vir lank gesluit bly. Buitendien is baie van ons boeke ouer boeke wat biblioteke lankal verniet / van ontslae geraak het. Lees voort

Categories: Uncategorized, Ons lees, Graad 1, Graad 5, Graad 7 | Sleutelwoorde: , , , , , , , | 1 Kommentaar

Blog at WordPress.com.