Posts Tagged With: Afrikaans

Die leesgogga byt

Ek het ‘n nuwe probleem in my huis. Ek kry nie my 8jarige se neus uit die boeke nie (veral saans as dit tyd is om te slaap!)

IMAG1148 Lees voort

Advertisements
Categories: Graad 2, Ons lees, Tuisonderrig | Sleutelwoordw: ,,,,, | 6 Kommentaar

Die wonder van lewende boeke

Ek was nog altyd ‘n boekwurm. Vra maar my familie. Natuurlik wil ek graag die liefde vir lees vir my kinders ook leer. Daar is geen beter manier om dit te doen as om vir hulle voor te lees nie.

My 8 jarige is ‘n goeie voorbeeld daarvan, maar meer daaroor op ‘n ander dag.

So lees ek al vir jare elke dag vir hulle voor. Wel gewoonlik meer as een keer ‘n dag. Ek probeer immers om ten minste ‘n uur dag vir hulle te lees. Ons het al die wonderlikste boeke saam ontdek. Dit is egter eers ‘n paar jaar terug wat ek gehoor het van lewende boeke (living books). Dit is stories wat meer as net ‘n storie is. Dis stories waaruit jy iets leer van iets of iemand, ‘n plek of geskiedkundige gebeurtenis. Interessant genoeg is dit gewoonlik die stories wat meeste mense in elk geval die meeste interesseer, want dit is stories wat geskryf is deur iemand wat ‘n passie vir iets het. Iemand wat geskryf het oor iets wat vir hulle van waarde is. Lees voort

Categories: Ons lees | Sleutelwoordw: ,,,,,,,,,, | 13 Kommentaar

Blokkiesraaisel pret

Heel toevallig kom ek ‘n rukkie terug af op Blokkies vir slimkoppies. Met ‘n knaap wat nie te gek oor lees en skryf is nie, is ek altyd opsoek na maniere om dit meer pret te maak. Sit voor ‘n werksboek is net nie sy ding nie! As ek so met ander ma’s praat klink dit vir my soos ‘n baie algemene “probleem” onder bedrywige seunskinders.

Met die wiskunde het ek gewoonlik een of ander kreatiewe plan, maar taalleer is vir my ‘n heel ander uitdaging.

Tot my groot verbasing is die knaap toe versot op die blokkiesraaisels. Ek moes eintlik seker kon dink dat leidrade ontsyfer so reg in sy kraal sou val. Hy trek sommer self die boek nader om die leidrade te lees en dan die woorde te probeer spel. Dit en Kuifie is blykbaar al wat hy graag self lees.

DSCF9286

Vir die eerste keer wil hy weet of iets met ‘n y of ei geskryf word. Of dit ‘n d of ‘n t aan die einde het. ‘n v of f is. En skielik begin hy dink of die aa ‘n a of aa moet wees. Ek kan net hoop dat dit die begin van ‘n groot nuwe lees en spel avontuur sal wees.

Ek is so beïndruk met die boeke dat ek dit nou self begin verkoop het. Dis lekker groot boeke, wat lees en skryf daarin soveel makliker maak. Vir meer inligting oor die boeke en hoe om dit te bestel gaan loer by https://lomi.co.za/blokkies-vir-slimkoppies/. Hopelik help dit ander knape om ook aan die spel te raak sonder trane.

NS. Die boeke is ook in Engels beskikbaar, maar ons is nog nie reg vir die uitdaging nie.

Categories: Graad 2 | Sleutelwoordw: ,,,,, | 3 Kommentaar

Blog at WordPress.com.