Op ons boekrak 2017

Die jaar het ons weer lekker gelees. Dit bly my verstom dat ons 4jarige so kan saam sit en luister. Dis net met die Engels lees wat sy my bietjie gek maak, want sy stop my kort-kort om te vra wat ‘n woord beteken. (Ons leeslyste vir die vorige jare kan hier gevind word – 2016, 2015, 2014, 2013 en ons gunsteling lewende boeke).

Ouma lees vir die rakkers

Ek moet erken dat ek minder voorgelees het die jaar as gewoonlik. Met die oudste 2 wat ‘n hond uit ‘n bos uit gelees het was daar net nie soveel tyd vir voorlees nie (hulle eie leeslyste is by “leeslys van ‘n 10 jarige seun” en “leeslys van ‘n 8jarige dogter“. Ek het wel heelwat meer vir ons jongste gelees, maar dis kort stories (alhoewel dit mos dieselfde storie oor en oor is). Wat wel interessant was is hoe die oudste 2 nader gehol het as ek een van ons eie kleuterboeke voorgelees het vir haar. Duidelik bring dit goeie herinneringe terug.

Die boeke wat ek vir ons 10 (knaap), 8 en 4 jarige (meisiekinders) gelees het was:

Wind in die wilgers – Kenneth Grahame

Speurders op ouplaas – E. Pieterse

Operasie Blou Disa – Kowie Rossouw

White Fang die wolfhond (Libri-reeks) – Jack London

Die seerower van Cadiz: Die skipbreukeling (Deel 1) – Nickey van Schalkwyk

Jacques Roux se vuurdoop op Ceres – Kowie Rossouw (Die aardbewing van 1969)

Kees – Hobson

Alex swem stroom-op – Tessa Duder ( Dit handel oor die harde werk en opoffering wat daarin gaan om te kwalifiseer vir die Olimpiese Spele. Ek moes wel ‘n paar soen en vroetel tonele sensor vir my jong gehoor)

Woesyngevangene – Andrea Abbott

Anderkant die grootrivier – Pieter Pieterse

Die Tweeling trek saam – MER (Storie oor die groottrek, hou maar die snesies reg vir die einde)

Mof en sy mense – Langenhoven

Perd van die plato – A. Spence

Kriek-hulle – Anna Rothmann

Kambro-kind – FA Venter (‘n outobiografie oor sy kinderjare)

Die groen ghoen – PH Nortje

Wielie Wimpie Wim – Meindert DeJong

Pels – Ben Venter

Die kokkewiet en sy vrou – Freda Linde

Rommel – Johann Bekker

Die skoenlapperleeu – Michael Morpurgo (ek het nie die einde vir hulle gelees nie. In die deel kom dit uit dat die vrou wat die storie vir die seun vertel lankal dood)

Boetiebossie – Lucas en Annico van Vuuren

Dirkie, Drieka, Frederika – Franci Greyling (Boereoorlog)

Seile na die suiderland – George P. Leighton

Redding in die reën – Jenny Seed (Natalse oorstromings van September 1987)

‘n Perd soos Prins Panga – S. Badenhorst

Geheim van die kleipot – Emily Pieterse

Skateiland – RL Stevenson

Die reis na Frigidus – JA Brown

Die reis na Robeiland – JA Brown

True survival stories – Jack Monroe