Ma-wees

Net ‘n ma

Jare terug was ek een van vele 17-jariges wat vir die soveelste aanleg en belangstellings toets gegaan het. Een van vele siele wat net nie geweet het wat op aarde ek veronderstel is om na matriek met myself aan te vang nie.

Met die laaste poging was die slotsom van die hoog geleerde dame dat ek sal moet kies. Ek gaan nie ‘n beroep vind waarin ek my kreatiewe sy met ‘n intellektuele uitdaging gaan kan kombineer nie. Een sal my werk moet word en die ander ‘n stokperdjie.

Tog het ek steeds probeer. Ek was nie lus vir die mans gedomineerde wêreld van ingenieurswese nie. Ek het afgeskop met landskapargitektuur. Gou besef ek is gek oor die kreatiewe werk, maar ek kort ‘n syfer uitdaging. Weer was dit ek en ‘n beroepsvoorligter. Ek het weerkunde gaan studeer en toe gespesialiseer in klimaat. Daarna ‘n paar jaar as navorser gewerk. Ek het die werk geniet, maar tyd vir kreatief wees was daar nie juis nie.

Deur dit alles het ek geweet ek wil eendag ma wees, maar ma’s moet tog ook iets doen… Mens kan mos nie net ‘n ma wees nie? Dit was voor ek ooit gedroom het dat ek ‘n ma sal word wat tuisonderwys doen.

En toe skielik besef ek die week, die voorligters was verkeerd. Daar is ‘n werk waarin mens intellektueel uitgedaag kan word en steeds kreatief moet dink. Mens noem dit ma-wees. Ek het ver gesoek. Hope geld betaal. Net om te vind dit wat ek veronderstel is om te doen het nie ‘n graad of hope opleiding nodig nie.

Die lewe loop soms snaakse draaie met mens. Dankie tog dat ons ook met ompaaie kan kom by wat ons moet doen.

As jy nog soekend is na daardie iets, hou moed. Dit is nie so onbereikbaar soos jy mag dink nie. Die antwoord is dalk meer voor die hand liggend as wat jy ooit gedroom het.

Categories: Alles in 'n dag, Ma-wees, Tuisonderrig, Uncategorized | Sleutelwoorde: , , | 3 Kommentaar

Gun ander ‘n plekkie in die son

Vanoggend kry ek die link na “Inspiration: Before & After Pregnancy, Baby Isn’t An Excuse” in my news feed en my nek hare staan sommer almal regop. As die ma’s gedink het hulle gaan ander inspireer het hulle verseker die verkeerde byskrif gekies.

Ek is vreeslik bly vir die ma’s wat hulle lywe weer so kon op pomp in minder as ‘n jaar na hul babas gebore is. Ek bedoel “good for them” soos die Ingelse sou sê. Dit was duidelik vir hulle belangrik om weer vinnig ‘n “6-pack” te hê. En dis hulle volle reg om so te voel. Lees voort

Categories: Baba, Ma-wees | Sleutelwoorde: , , | 6 Kommentaar

Ouvrou stories

So vertel ‘n vriendin ewe ernstig vir my die ander dag dat babas of vroeg kruip of vroeg praat. Wie met al die goed vorendag kom kan ek net altyd wonder. Hierdie een se oorsprong kan ek ten minste verstaan. Iemand wou duidelik die tipiese nuwe-ma-paniek besweer. Nie dat dit saak maak of ‘n baba een van die goed vroeg of laat doen nie, maar elke nuwe ma is mos maar bekommerd oor die snaakste dingetjies. Ons word gebore om te kloek oor ons kinders. Lees voort

Categories: Ma-wees | Sleutelwoorde: , , | 4 Kommentaar

10 minute tot ‘n fikser jy!

Ek was nog nooit een van die super sportiewe siele nie. Jy sal my neus veel eerder in ‘n boek vind as op ‘n sportsveld. Tog het ek al die jare probeer om darem nie in algehele onfiksheid te verval nie. Ek is mal oor stap en dit saam met my oefenbal het vroeër die ding gedoen. Ek het later die stap vir ‘n oefenfiets verruil – dit was net makliker met ‘n baba in die huis om vinnig ‘n sessie in te werk terwyl hy slaap of speel (ons bly immers nie meer in ‘n land waar dit veilig is vir ‘n ma om alleen met ‘n kind of 2 te gaan stap nie – en stap saam met kinders is in elk geval eerder drentel). Lees voort

Categories: Ma-wees | Sleutelwoorde: , | 3 Kommentaar

Die soet saam met die suur

Dit bly maar seker altyd ‘n worsteling na ‘n miskraam. Die hoekoms, waaroms en wat asse. Nou met ons 3de kleine lyf hier, besef ek egter dat as sy daardie tyd moes deel geword het van ons gesin, dit vir ons baie moeiliker sou wees. Nou is die kinders ouer. Hulle kan my meer help. Hulle verstaan beter van ‘n kleinsus wat spook met refluks en al die dinge wat daarmee saam gaan. Sommige babas is maar net makliker of moeiliker as ander om groot te kry. Net so ‘n groot vreugde die klein pop deur die dag is, net so ‘n uitdaging is sy in die nag. En dit bring sy eie uitdagings vir die dag wat volg.

DSCF5650

Lees voort

Categories: Alles in 'n dag, Ma-wees | Sleutelwoorde: , | Lewer kommentaar

In retrospek

2011 was in baie opsigte soos enige ander jaar. Gevul met sy eie uitdagings, vreugdes en hartseer. Dit was ‘n jaar waarin sekere drome geëindig en ander begin het. ‘n Jaar met die hartseer van ‘n miskraam, maar ook die geboorte van Lomi Creations.

Die jaar het my weer laat besef dat alles afhang van hoe jy daarna kyk. In die hartseer tye kan jy vas kyk in negatiewe of bly fokus op die goeie wat ook weer daaruit spruit. Jy kan die moeilike tye sien as ‘n hindernis of ‘n uitdaging om hoër en beter hoogtes te bereik. Dis jou keuse hoe jy in ‘n moeilike situasie gaan reageer. Of jy soos eiers in kookwater hard gaan word, soos wortels sag en of jy eerder soos koffie die water gaan geur. Ek hoop dat ek die jaar eerder my omstandighede gegeur het as dat dit my hard of sag gemaak het. Lees voort

Categories: Alles in 'n dag, Ma-wees, Tuisonderrig | 2 Kommentaar

Altyd in ons harte

Ek is een van die gelukkige/ongelukkige ma’s wat net altyd dadelik weet ek is swanger. Dit het sy voordele, maar dit beteken ook dat daar elke keer 2 laaaang weke voorlê voor ek daai toetsie uiteindelik kan doen. In daardie tyd wonder ek altyd of ek regtig swanger is? Of dit nie dalk wensdenkery is nie? En die keer was niks anders nie. Buiten dat ek ook gewonder het hoe manlief hieroor gaan voel. Dit was immers nie in ons beplanning nie.

Uiteindelik kon ek egter toets en ek was uit my vel. Ek was seker dit was oor my gesig geskryf, maar tog het niemand iets agter gekom nie. Wel, buiten die hond en die kinders. Tressa was skielik weer heeltyd onder my voete (en as hier kuier mense is aan my vas geplak). Sy raak altyd so oorbeskermend as ek swanger raak. Die kinders was ‘n heel ander storie. Ellard was aggressief, hy het my begin skop en slaan. Ek kon die skielike gedrag net glad nie verstaan. Daarenteen was Salomie huilerig en wou net heeltyd in my arms wees. Lees voort

Categories: Ma-wees | 2 Kommentaar

Vreugde van ma-wees

Dis ongelooflik om te dink dis al 5 jaar terug wat ons uitgevind het ons is swanger vir die eerste keer. Dit voel dan nog soos gister toe ek bewend en ongelowig na daai twee strepies op die toetsie gekyk het. Vandag hardloop hier 2 besige lyfies in ons huis rond en sorg vir hope vreugde (en uitputting). Mens moet seker eers self kinders hê om presies te verstaan hoe baie hul mens se lewe verander. Lees voort

Categories: Ma-wees | Lewer kommentaar

Mev 14

Daar lê ek op ‘n Maandag aand, nog slaap dronk van narkose, na ‘n in-en-uit-prosedure in ons plaaslik hospitaal (hier’s nie ‘n dagkliniek vir die klas ding nie). Ek geniet nog die saligheid voor ek weer huiswaarts kan keer. Dis eintlik ongelooflik dat jy 5 uur kan teater toe gaan en 7 uur weer huis toe, maar as mamma is ek te dankbaar vir die spoed waarteen dinge deesdae gebeur.

Ek hoor hoe besoektyd aanbreek. Mevrou nommer 14 (in ons kamer van 4) is duidelik nie so gelukkig om vannag in haar eie bed te slaap nie. Haar man en 2 kinders het kom besoek aflê. Enige ander pasiënt sou waarskynlik lekker gekuier het, maar Mevrou 14 is immers ‘n mamma. En mamma’s is ‘n spesie van hulle eie. Lees voort

Categories: Ma-wees | Lewer kommentaar

Ocean basket

In ‘n huis met voedsel intoleransies is uiteet nou nie iets wat dikwels gebeur nie. Gister na kerk besluit manlief egter ons het iets om te vier en dis tyd vir ‘n uiteet. Ellard laat nie op hom wag nie. Hy wil garnale gaan eet by die see. By die huis met die rotse waar die pad vir die bote in die see in loop. (Dis nou Gordonsbaai se Ocean Basket vir die mag wonder).

Die kinders is dus vroeg deur die bad, sodat ons ‘n vroeë aandete kan gaan geniet. Soos ons geluk dit wil hê is die krag af en is daar geen aartappelskyfies nie. Wat ‘n ramp! Vir my kinders is uiteet en “chips” immers sinonieme. Ellard is gelukkig nie gepla nie, solank hy net garnale kan kry! Lees voort

Categories: Ma-wees, Uncategorized | Lewer kommentaar

Blog at WordPress.com.