Posts Tagged With: lees

Op ons boekrak 2016

Dis ongelooflik om te dink dat dit al weer tyd is om ‘n nuwe leeslys te begin. (Die vorige jare kan hier gevind word – 2015, 2014, 2013 en ons gunsteling lewende boeke). Dit bly maar ‘n uitdaging om boeke te vind wat die kinders almal geniet. Kleinsus (2) steur haar nog nie te veel aan die stories nie en speel gewoonlik sommer net in die omgewing of sit op my skoot (en wil blaai voor dit tyd is 😉

Die ouderdomsverskil tussen die 2 oudstes, wat 9 en 7 is, is nie so seer ‘n probleem nie, soos wat die feit dat dit wat meisies en seuns in belangstel hemelsbreed verskil. Ek vind ook dat ons 9 jarige knaap stories begin geniet waarin daar emosionele intriges is. Hy geniet die karakterbou, terwyl ons Pop dit nog hartseer of ontstellend vind. Lees voort

Categories: Graad 1, Graad 3, Ons lees, Tuisonderrig, Uncategorized | Sleutelwoorde: , , , , , | 9 Kommentaar

Die leesgogga byt

Ek het ‘n nuwe probleem in my huis. Ek kry nie my 8jarige se neus uit die boeke nie (veral saans as dit tyd is om te slaap!)

IMAG1148 Lees voort

Categories: Graad 2, Ons lees, Tuisonderrig | Sleutelwoorde: , , , , , | 8 Kommentaar

Op ons boekrak 2015

Dis ‘n nuwe jaar en weer tyd vir ‘n nuwe lys van die boeke wat my rakkers geniet het. Die jaar word hulle al 6 en 8 en dit wat hul geniet verander stadig maar seker. Ek wil egter ook ‘n lees lysie by sit vir kleinsus wat nou 1 is. Gaan loer gerus wat ons gelees en geniet het in 2014 en 2013. Lees voort

Categories: Graad 2, Graad R, Ons lees, peuter | Sleutelwoorde: , , , | 14 Kommentaar

Op ons boekrak 2014

Ek het gedink dit is tyd vir ‘n nuwe leeslys. Die kinders is immers ‘n jaar ouer (5 en 7) en so saam met dit, verander wat ons graag lees. Gaan kyk gerus na van die boeke wat ons in die verlede gelees het en na stories oor Jan van Riebeeck wat ons geniet het.  Die is verseker nie ‘n lys van alles wat ons lees nie. Ons neem immers elke maand tussen 20 en 30 boeke uit en daarby kom nog die boeke wat ons koop ook. Die lys is net die langer voorlees boeke wat die rakkers geniet. Juis omdat ek dit uitdagend vind om sulke boeke te vind wat ouderdom gepas is. Soos laas jaar sal die lys mettertyd groei soos ons voort lees.

2014-08-06-1344

Lees voort

Categories: Ons lees, Tuisonderrig | Sleutelwoorde: , , | 8 Kommentaar

Letter pret 2

Vandat ek laas geskryf het oor al die prettige dinge wat ons met letters aanvang deesdae het ons al weer ‘n paar nuwe dinge gedoen.

Voor ek egter by dit kom, lees ek die anderdag iemand wat kommentaar lewer oor kinders wat nie al die toertjies nodig het om te leer lees nie. En as hulle het dat hulle waarskynlik dan nog nie reg is vir die stap nie. Daar is waarskynlik heelwat waarheid in die stelling. Veral as ‘n mens natuurlik in ‘n land bly waar jou moedertaal ook die taal is van alles om jou. Dit gee immers jou kind die blootstelling aan daardie taal. Ons siele hier aan die suidpunt van Afrika is egter in ‘n baie Ingelse wêreld (nie dat ek dink ons situasie is enigsins uniek nie). My kinders wil dus so graag al die dinge om hulle lees, net om hulle vas te loop teen “julle het dit reg geklank, maar dis Engels, so dit klink anders”. Dit is die dat ek nou vir hulle ‘n kunsmatige Afrikaanse wêreld skep, waarin hulle meer kanse kry om hulle nuwe lees vaardighede op die proef te stel. Lees voort

Categories: Graad 1, Tuisonderrig | Sleutelwoorde: , , | 2 Kommentaar

Letter pret

Ek hou altyd daarvan om eerder met prettige speletjies vir die kinders nuwe dinge te leer. Lettervaslegging is nou groot in ons huis. Ek het dus gedink dis net gepas om te deel wat ons al aangevang het om dit speel-speel te leer.

Parkeer die letter

Ek het op die oulike idee afgekom om ‘n letter parkade te maak. Die idee is om karretjies met die kleinletters op te parkeer op die parkeerplek met die hoofletter op.

DSCF3592 Lees voort

Categories: Graad 1, Gratis drukstukke, Tuisonderrig, Voorskool | Sleutelwoorde: , , , | 7 Kommentaar

Motor ABC

Kyk ek is so vet agter met die blog dat dit net nie meer snaaks is nie. Dit is nie dat ek niks het wat ek wil laai nie! Die probleem lê juis by die laai. Vet weet, ek het nie geduld vir sukkel met ‘n internet konneksie nie. Lyk al vir my hoe groter die “bundle” is wat jy het, hoe swakker is die konneksie. Dis is ‘n reuse frustrasie. Iewers in my agterkop probeer ek onthou wat ek alles wou laai. Hopelik vergeet ek nie die helfte nie en kry darem alles een of ander tyd gelaai.

Ek wil onder andere nog ons nuwe avonture op die Little Professor deel. Maar die sal moet wag vir ‘n ander post. Nou dat die knaap getalle so goed onder die knie het wil hy met mag en mening begin lees. Hy sal egter bietjie geduld moet hê. Eers sal hy die hele alfabet moet leer (hy ken al heelwat letters, maar nie almal). Een van sy ander passies is motors (ja, hy het tonne goed waarin hy nou belangstel – Dinosourusse, goggas, slakke, …..). Oral waar ons gaan wil hy weet watter kar is dit. Ek het dus besluit om die letter leer en motors te kombineer. Ek het vir hom flits kaarte gemaak van motor fabrikate (wel daar is ‘n paar modelle by om uit te help met ‘n letter of 2). Ons het sommer ook ‘n paar lorries en trekkers by gegooi (hoe dan nou anders). Hy geniet die leer sessies verskriklik baie. Ek het die kaarte hier gelaai, dalk is daar nog seuntjies wat met dit wil speel. Net ‘n opmerking, onthou omdat die fabrikate nie Afrikaans is nie, is al die klanke nie foneties korrek nie.

Motor ABC flash cards 2

DSCF3360 Lees voort

Categories: Alles in 'n dag, Gratis drukstukke, Tuisonderrig, Voorskool | Sleutelwoorde: , , , | 1 Kommentaar

Create a free website or blog at WordPress.com.