Edusense het ‘n heerlike gratis boekklub waarby mens kan aansluit (https://web.facebook.com/SimplyEdusense/photos/a.1054050167999794/3834619913276125/). Dit is via Telegram beskikbaar wat dit moontlik maak om als wat gelaai is te kan sien al sluit jy eers later aan. Ek het sommer Telegram op my rekenaar gelaai, om dit makliker te maak om aktiwiteite te druk.
Die vos wat my 6-jarige na geteken het.
Ek weet met die skielike lang vakansie is baie ouers bekommerd dat hul kinders se skoolwerk gaan agter raak. As jy wel in die tyd self kan tuis wees is dit die ideale tyd om dit wat die kinders by die skool geleer het prakties te maak en so te verseker dat hulle ‘n voorsprong in die nuwe nuwe kwartaal het.
Meting is iets waarmee kinders dikwels sukkel. As hul dit egter eers prakties gedoen het is dit soveel makliker om te verstaan. Hier is ‘n paar idees om dit tuis te doen. Lees voort
So het nog jaar verby gevlieg! Elke jaar voel dit vir my asof ons nie veel bereik het nie. En dan gaan sit ek om ons hoogtepunte neer te skryf en staan verstom. Hierdie uitstappie help my om perspektief oor die jaar te kry. Om nuwe moed vir die nuwe jaar en sy uitdagings te skep. Dis so maklik om terwyl mens in die jaar en sy dinge vasgevang is dit mis te kyk wat ons als bereik het. Lees voort
Ek bly verstom dat die knaap waaroor ek so bekommerd, omdat hy laat begin lees het nou so ‘n storm los lees. Hierdie jaar het ek hom uitgedaag om meer Engelse boeke te lees en hy het ingespring en dit gedoen. Hy’t 171 boeke in 2019 gelees, waarvan 36 Engels was. Lees voort
My boekwurm gee my kopsere om genoeg en geskikte leesstof vir haar op te spoor. Ek gedink sy gaan by die 300 boeke uit kom vir 2019, maar die biblioteek wat oor die feestyd toe was het die remme aangeslaan en sy het geëindig met 292! boeke. Ongelukkig is al die boeke nie ewe heilsaam nie en is daar beslis ‘n paar op die lys wat ek nie dink noodwendig aan te beveel is nie. Lees voort
Ek kan nie glo dat nog ‘n jaar met al sy heerlike stories vinnig besig is om tot ‘n einde te kom nie. Elke jaar wonder ek of ons nie al die bron van goeie boeke uitgeput het nie, net om nog skatte te ontdek!
Die jaar het ons ‘n bietjie meer Engels ook in geglip, omdat ek my 10 en 12 jarige se Engelse woordeskat wil bou. Tog geniet ek dit steeds meer om in Afrikaans vir my kinders te lees. Lees voort
Daar is baie dinge wat ek elke jaar anders sou wou gedoen het. Dalk ‘n bietjie meer van iets of minder van iets anders. Iets wat ons eerder moes doen of wat ek voel ons uit gemis het op. Die een ding wat ek egter glo ons reg gekry het is dat my 12, 10 en 6 jarige nog saam speel. ELKE DAG.
Hulle geniet mekaar en kom met die ongelooflikste speletjies vorendag. Die lekker van ‘n 12 jarige wat betrokke is is dat hy natuurlik planne kan beraam om hul nuutste idee te maak werk. Soos toe hy sokkerdoelhokke aanmekaar geslaan het sodat hulle kan sokker speel. Sy gunsteling is om ‘n motor of ligte op hul projekte aan te bring. Lees voort
My ondervinding om kinders te leer lees se steekproef is maar 3 groot. Wat ek wel uit die 3 wys geword het is dat nie een van hulle op dieselfde manier (of ouderdom) geleer lees het nie. Dit spreek nou nogal boekdele, aangesien hulle uit een gesin kom en dus geneties gewys nader aanmekaar is as ‘n klaskamer vol kinders. Hoe kan ons verwag dat ‘n uiteenlopende klas vol kinders almal saam deur die lees proses gaan gaan teen dieselfde spoed?
Ek het al voorheen geskryf oor die oudste 2, so ek sal hier net ‘n vinnige opsomming gee. Lees voort
Ek is baie dankbaar om 2 kinders te hê wat mal is oor lees (hopelik volg kleinsus in hul voetspore). Ek kan egter nie sê dat albei ewe gesonde lees gewoontes het nie.
Mense is dikwels verbaas oor hoe baie my 10 jarige lees. En nee, dis gewoonlik nie omdat ek wil spog nie, maar eerder oor ek oor haar lees gewoontes kla. Ek sou nooit dink dat dit moontlik is om te kla oor hoe baie ‘n kind lees nie, maar die jong dame vat dit wyd! Lees voort
Elke jaar het mos maar sy eie uitdagings. Die jaar het dit egter vir my gevoel asof ek net nooit genoeg tyd het nie! Gewoonlik begin ek darem grondvat as die eerste kwartaal verby is, maar dit het net nie die jaar gebeur nie. Julle het dit seker ook agter gekom aan die hoeveelheid wat ek geblog het (of dan nou nie geblog het nie). Dit het my baie lank geneem om te besef wat die oorsaak van die tyd te kort was.
Ons bly ‘n ent uit die dorp wat in en uit ry vir buitemuurs ingewikkeld maak. Soos my 3 groter word beteken dit egter ook dat hulle langer en langer tye by buitemuurs spandeer. Julle ken die storie, ‘n aktiwiteit begin by 1 uur ‘n week, raak 2 ure per week en voor jy weer sien neem dit meer en meer tyd in beslag. Natuurlik help dit nie dat daar 3 van hulle is gekarwei moet word nie. Lees voort
