Posts Tagged With: wiskunde

Span Somme(r) Pret so in

Met my wiskunde bondel van 34 produkte wat ingesluit is in Oolfant se Januarie promosie het ek dit goed gedink om bietjie inligting te gee oor hoe om die beste die bondel te benut. Die bondel is ook op sy eie te koop, of koop ‘n meer spesifieke bondel vir ‘n graad of fase.

Promosie geldig tot 31 Januarie 2022

Dit maak nie saak wat jou benadering is of watter wiskunde program julle volg nie die produkte kan help om die pret weer terug in wiskunde te sit.

As jy ‘n bestaande wiskunde program gebruik kan die Somme(r) Pret produkte aanvullend wees of gebruik word om sekere leerareas te vervang om die vervelige herhaling uit te haal.

Vir die dapperes wat self beplan en dinge doen, kan die produkte vir die grondslagfase (graad R-3) net so gebruik word. Daar is hope werksblaaie en speletjies in wat ‘n lekkerder manier is om die konsepte in te oefen. Om dit in daardie geval in ‘n volledige wiskunde kurrikulum te omskep het jy nodig om ook prakties en konkreet met jou kind wiskunde te doen. Ontdek saam waar julle elke dag wiskunde gebruik soos tydens inkopies, bak en brou in die kombuis of bloot lekkergoed tussen ‘n groep te verdeel. Daar is baie geleentheid om dinge te tel, in groepe te tel of verdeel.

Vir graad 4 tot 7 is daar vir elke graad ‘n lekker pret-pak en verder hoofsaaklik speletjies om konsepte te oefen en ‘n opsomming van die belangrike begrippe vir die fase. Graad 4 tot 7 Wiskunde in ‘n Neutedop het al die konsepte en woordeskat wat jou kind moet baasraak voor hul hoërskool wiskunde aandurf. Alles lekker kompak in ‘n opsommende formaat. Dit is moontlik om op ‘n meer informele manier te werk en steeds dit alles te dek.

Baie van die werk in graad 4 tot 7 is herhaling om kinders te help om vlot en gemaklik basiese berekening vir optel, aftrek, maal en deel te kan ontwikkel. Werksvelle is nie die enigste manier om dit te vermag nie. Die Somme(r) Pret speletjies is ‘n lekker manier waarmee julle dieselfde kan bereik.

En natuurlik is praktiese organiese leer altyd bobaas, soek dus geleentheid om die kennis in te span. Die heel belangrikste is egter dat kinders die basiese begrippe verstaan. Om te verstaan wat maal is en nie net die maaltafels bloot te memoriseer nie. Dit is die konsepte wat hulle in die hoërskool gaan toepas en blote memorisering gaan hulle niks baat nie. Span Graad 4 tot 7 Wiskunde in ‘n Neutedop in om hulle te help om die woordeskat wat daarmee saam gaan te verstaan. Baie konsepte soos bv faktorisering is net ‘n uitbreiding van maal en deel.

Meeste mense verkies egter die veiligheidsnet van ‘n kurrikulum gebaseerde werksboek of produk as dit kom by wiskunde. Die goeie nuus is dat ek hopelik nog in die maand ‘n meer organiese grondslagfase program vrystel. Die bogenoemde produkte vir graad O tot 3 is ingesluit in die program saam met hope ekstra speletjies en aktiwiteite. As jy reeds van my graad O tot 3 produkte gekoop het, sal jy afslag kry op die program.

Vir graad 4 tot 7 is daar ‘n verskeidenheid wiskunde werkboeke op die mark wat ingespan kan word saam met die wiskunde bondel. Vir my eie kinders het ons aanvullend Kitsreken gebruik (hier teen graad 6 en 7). Dit was ‘n maklike manier om probleem areas te identifiseer en dan die speletjies en pretpakke in te span om meer aandag aan daardie area(s) te gee.

Maak nie saak wat ouers in span nie, hulle kan steeds die Somme(r) Pret speletjies en werksvelle gebruik om die vervelige herhaling te vervang en wiskunde prettig te maak. Dit is ook ideaal om in te span na ‘n lang vakansie om net weer die spinnerakke af te stof en ou konsepte te verfris.

Moet ook nie die ander heerlike produkte in Oolfant se Januarie promosie misloop nie!

Categories: Tuisonderrig, Uncategorized, wiskunde | Sleutelwoorde: , , , | Lewer kommentaar

Besige vakansie

Ek is baie agter om alles te deel wat ons laas jaar gedoen het. Hopelik kom ek nog daarby uit. Verlede jaar was ek baie besig om my grondslagfase wiskunde program reg te kry vir die mark. Vyf jaar se werk is stadig maar seker besig om tot ‘n einde te kom.

Hierdie vakansie is daar hard gespook om die transkripsie opnames en video’s te skep. Ja, ek is ‘n slawe drywer en moes baie gunste inroep om die program verbruikers vriendelik te kry. Dit terwyl meeste mense hul jaarlikse wegbreek gemaak het.

Ons vorder egter goed en, as die tegnologie saam speel, hoop ek om die platform teen die einde van die maand reg te hê vir gebruikers. Die een helfte van my is ongelooflik opgewonde en die ander helfte vreesbevange!

Ek moet begin om te sê dat die program beslis nie is vir diegene wat ‘n skedule soek wat vir jou elke dag se beplanning doen en jy bloot inval en dit doen nie. Ek glo daar is heelwat programme en verskaffers wat reeds produkte het om aan daardie behoefte te voldoen.

My program is daar vir mense wat hul kinders meer organies wil leer. Wat die vryheid wil hê om elke dag self in te rig en teen hul kind(ers) se eie pas te beweeg. Dit bied wel vir jou ‘n valskerm om te verseker dat jou kind al die nodige leerareas in wiskunde gedek het, maar dis jy wat bepaal wat wanneer gedoen word en of julle alles of net van dit gaan doen.

Die program volg ook nie ‘n spesifieke kurrikulum nie. Ek het deur 3 kurrikula gewerk en daaruit die leerareas gehaal om te verseker dat ‘n kind die basiese dek en vir die intermediêre fase na enige van die programme sal kan oorskuif. Die kurrikula waarna ek gekyk het is KABV (CAPS), die Amerikaanse Common Core en Britse Cambridge.

Die eerste deel van die program bemagtig ouers om hul kinders se wiskunde ontwikkeling beter te verstaan en te weet watter struikelblokke hulle voor moet uitkyk. Ek hoop dat dit die vrees uit wiskunde sal haal en dit ‘n meer toeganklike vak sal maak wat ouers en kinders saam kan geniet.

Daar is geen formele assessering ingesluit nie. Ek wys jou wel hoe jy op ‘n informele manier assessering kan doen om vas te stel hoe jou kind vorder en wat hul tot watter mate bemeester het.

Die program is ook nie papier gebaseer nie. Daar is nie bloot ‘n werkboek wat julle elke dag net mee kan aangaan nie. Daar is wel 172 prettige werkvelle wat julle kan inspan. Die hoof fokus is egter om deur aktiwiteite en speletjies wiskunde te ontdek en vas te lê. Die ouer gaan dus “hands-on” betrokke moet wees om waarde uit die program te kry. Jy gaan self kies watter aktiwiteit, speletjie of werkvel julle gaan inspan.

Die program is ook nie per graad beskikbaar nie. Dit is ‘n geheel van die 4 grade waaroor die grondslagfase strek. Die rede daarvoor is dat die leerareas ‘n geheel vorm en kinders dikwels nodig het om hersiening van ou konsepte te doen, maar ook die uitdaging van moeiliker konsepte geniet. Hulle hoef nie in ‘n graad vas gevang te word nie. Die bonus daarvan is dat kinders van verskillende ouderdomme in ‘n gesin saam kan leer. Alhoewel die program vir graad O tot 3 is is daar beslis aktiwiteite en speletjies wat aangepas kan word om ouer of jonger kinders ook in te sluit.

As jy egter ‘n ouer is wat op ‘n natuurlike manier saam met jou kinders leer en ontdek behoort julle die program te geniet.

Hou die spasie dop. Hopelik kan ek nog in Januarie die program vrystel.

Categories: Graad 1, Graad 2, Graad 3, Graad R, Uncategorized, wiskunde | Sleutelwoorde: , , , , | Lewer kommentaar

Voorskool produkte

So stadig maar seker groei die elektroniese produkte wat ek skep. Ek het gedink dit is dalk tyd om dit bietjie te orden en aan julle bekend te stel.

Vandag wil ek fokus op dit wat vir voorskool (voor graad 1) beskikbaar. Ek wil vir die ouderdomsgroep egter waarsku dat konkrete leer nog belangriker is as vir ouer kinders. Moenie te veel op werkvelle en by-die-tafel-leer fokus nie. Lees voort

Categories: Uncategorized, Voorskool, wiskunde | Sleutelwoorde: , , , , | 2 Kommentaar

Aan die mamma in die biblioteek

Ek moet erken dat ek effe spoed verloor het hierdie jaar. Na 2 vriendinne opmerkings gemaak het oor hoe hul wens hulle het ook dinge so onder beheer gehad soos ons “blog” ma’s, was my spoed heel gebreek.

Die laaste ding wat ek wil bereik deur die webjoernaal is om ander te laat voel dat hulle minder reg kry! Alles in die huis loop beslis nie seepglad nie. Ons spook en spartel net soos almal anders. Ons voel ons pad oop, soms suksesvol, soms nie. Dis deel van die reis waarop ons is. Lees voort

Categories: Tuisonderrig, Uncategorized, wiskunde | Sleutelwoorde: , , | 6 Kommentaar

V&A: Graad 3 sukkel skielik met wiskunde

Ek kry dikwels navrae via die webjoernaal en het gedink om van die antwoorde met julle te deel.

My graad 3 kind sukkel skielik met wiskunde. Hoe kan ek haar help?
Lees voort

Categories: Graad 3, Tuisonderrig, Uncategorized, wiskunde | Sleutelwoorde: , , | Lewer kommentaar

V&A: Waar begin mens?

Ek kry dikwels navrae via die blog en het gedink om van die antwoorde met julle te deel.

Ek is tans besig om tuisskool te ondersoek. Ek wil definitief my kinders tans in Gr 2 en 3 uit die skool uithaal en begin tuisonderrig. So, ek is besig om na al die verskillende opsies te kyk. Sou ek die Somme(r) Pret reeks, Lente pret pak en Robot pret pakke bestel, sou dit kwalifiseer as genoegsame Wiskunde vir die jaar, of moet ek steeds na ‘n ander kurrikulum ook kyk? En wat sou jy voorstel? Lees voort

Categories: Graad 1, Graad 2, Graad 3, Graad R, Tuisonderrig, Uncategorized, wiskunde | Sleutelwoorde: , , | Lewer kommentaar

Die eenvoudige antwoord

Met die nuutste PIRLS verslag uit wat gevind het dat amper 4 uit elke 5 tienjariges nie met begrip kan lees nie is almal weer in rep en roer oor die toestand van onderwys in ons land. Die hartseer is dat ons steeds met oogklappe rond loop. Lees mens die berigte is die klem op die swak prestasies by lae inkomste skole en landelike gebiede. En, ja, die kinders se lees vaardighede is beroerd en kort dringend aandag!!!

Maar hier is die skokkende ding. Alhoewel dit beter gaan in middelklas Afrikaans en Engelse skole gaan dit steeds katastrofies sleg! Hier is ‘n paar statistiek uit die verslag oor ons Afrikaanse kinders indien iemand nog gedink het ons sit mooi “hoog en droog”. Lees voort

Categories: Alles in 'n dag, Ouerskap, Uncategorized | Sleutelwoorde: , , , , , , | 6 Kommentaar

Raak Vry (vervolg)

Ek het reeds geskryf oor hoe ons ons kan los maak van die klaskamer mentaliteit. Vir baie maak dit s’n ten opsigte van lees en skryf, maar dan kom die vraag altyd: Wat van wiskunde? Ons kan tog mos nie net wiskunde los nie! Lees voort

Categories: Graad 1, Graad 2, Graad 3, Graad 4, Graad 5, Graad 6, Graad R, Tuisonderrig, Uncategorized, wiskunde | Sleutelwoorde: , , , | 1 Kommentaar

Digitale produkte

Die Somme(r) Pret Reeks is nou digitaal in PDF beskikbaar. Tesame met wiskunde pret pakke en die inkleur verhaal van Kolle-kuiken, die kolganskuiken wat ons groot maak.

Vir meer inligting oor produkte beskikbaar besoek https://lomi.co.za/sommer-pret/

sommer-pretDie Somme(r) Pret-reeks is propvol opwindende aktiwiteite om basiese wiskundevaardighede op ‘n prettige wyse in te oefen.

Wiskunde hoef nie vervelig te wees nie!!!

Gryp ‘n potlood, inkleurkryte en ‘n dobbelsteen en kom leer sommer so speel-speel!

30 wiskunde aktiwiteitsbladsye met antwoorde ingesluit (buiten in Somme(r) Pret Begin)

Prys: R40 elk Lees voort

Categories: Tuisonderrig, Uncategorized, wiskunde | Sleutelwoorde: , , , , , | 5 Kommentaar

Lente Pret

Noudat die Somme(r) Pret boeke te koop is het ek ‘n paar versoeke gehad om dit digitaal ook te verkoop. Dis egter ‘n hele nuwe wêreld vir my. Ek het dus die vaarwaters begin toets deur eers net die Robot Pret-Pak en Lente Pret-Pakke vir graad R tot 3 op https://teachingresources.co.za/vendors/lomi/ te begin verkoop. Lees voort

Categories: Tuisonderrig, wiskunde | Sleutelwoorde: , , , , , , | 4 Kommentaar

Blog at WordPress.com.